Vísna gáta dagsins.

Vísnagáturnar og gátur sem birtast á þessari bloggsíðu eru eftir hina og þessa höfunda, óskað er eftir svari og eins höfundanafni, Svar telst hinsvegar rétt þótt höfundarnafn vanti, enda getur komið hjá Bloggara vísnagáta eða gáta sem Bloggari hefur ekki höfundarnafnið á. Ekki er neinn sérstakur tímarammi á innsetningu á gátum..

-

Gáta dagsins er svohljóðandi:

        

Sjávarskepna gráðug grá.
 Grær á túni og engi.
 Á vorin gömlu ánum á.
 Ýmsir teygja hann lengi.

.

 

 

 

Svar óskast (og helst höfundarnafn)

Öllum eru velkomið að þreyta gátur þær sem birtast hér á www.partners.blog.is

Vísbendingar koma á eftir svartilraunum eins fljótt og auðið er.

 

Athugasemdir

[Sigfús Sigurþórsson., 29.5.2007 kl. 10:58]

Þetta er náttúrulega einfaldlega hárrétt.

Rétt svar barst við gátu dagsins kl.09,42

Rétt svar er:  Lopi

Rétt svar gaf: Gunnar Þór Jónsson. 

[Sigfús Sigurþórsson., 29.5.2007 kl. 11:00]

Og hér kemur ein í eldri kanntinum, en ætti þó ekki að vefjast mikið fyrir fólki.

Herðalotinn hnakkabrattur,

hnappalítill tíðum,

liggur stundum lima fattur,

lymskur úti í hríðum.

[Sigfús Sigurþórsson., 29.5.2007 kl. 12:51]

Hahaha, góður, næstum því rétt svar.

Allavega veit ég að þú vildir að hann þetta mundi gleypa hann.

Mér finnst þessi gáta verulega skemmtileg, - Herðalotinn hnakkabrattur,

Og eins - liggur stundum lima fattur,

Og eins og í gátum oft er sett hér gildra.

[Hrönn Sigurðardóttir, 29.5.2007 kl. 12:55]

Bogi?

[Sigfús Sigurþórsson., 29.5.2007 kl. 13:06]

Þetta var náttúrulega afar auðvelt hjá ykkur eins og sjá má.

Hrönn, þú ert einni mínútu of sein, Gunnar Þór vinur okar fær orðuna, ja svona í þetta sinn.

Rétt svar barst við auka gátu dagsins kl.09,42

Rétt svar er:  Dýrabogi.

Rétt svar gaf: Gunnar Þór Jónsson. 

[Sigfús Sigurþórsson., 29.5.2007 kl. 13:07]

Og þessi er nú sígild.:

Á gömlum skóm er greinilegt
og gjarnan meðal vorsins fugla.
Við fundahöld hjá fínni slegt
í flottum kassa víst má rugla.

[Hrönn Sigurðardóttir, 29.5.2007 kl. 13:57]

gap?

[Sigfús Sigurþórsson., 29.5.2007 kl. 14:46]

Nei Hrönn, ekki er það rétta orðið.

Vísbendingar:

Á gömlum skóm er greinilegt
og gjarnan meðal vorsins fugla

Einhver aðgerð við skófatnatnað og verður til hjá fuglum í tilhugalífinu.

[Hrönn Sigurðardóttir, 29.5.2007 kl. 15:04]

Varp?

[Sigfús Sigurþórsson., 29.5.2007 kl. 15:18]

 Og það er alveg hárrétt Hrönn.

Rétt svar barst við auka gátu dagsins kl.15,04

Rétt svar er:  Varp

Rétt svar gaf: Hrönn Sigurðardóttir. 

[Sigfús Sigurþórsson., 29.5.2007 kl. 15:20]

Og hér er ein nokkuð skemmtileg:

Nemur bæði lit og ljós
leikur fyrir alla
finnst þá er ég fer til sjós
fögur sjón til fjalla

[Hrönn Sigurðardóttir, 29.5.2007 kl. 16:37]

Nú var ég næstum orðin nasty! En af því að ég kann mig svo vel þá stilli ég mig

[Sigfús Sigurþórsson., 29.5.2007 kl. 16:48]

Hahahaha, bíddu nú við Hrönn, hvað áttu við?

Annaðhvort er ég ekki að fatta eitthvað, eða gert vitlaust eitthvað, nú eða þú eitthvað að misskilja ----- leyfðu okkur að heyra.

[Sigfús Sigurþórsson., 29.5.2007 kl. 18:31]

Hahahaha  góður, og þú manst eftir þessari færslu? ég er svo aldeilis hissa.

Rétt svar barst við auka gátu dagsins kl.17,58

Rétt svar er:  Keila

Rétt svar gaf: Gunnar Þór Jónsson. 

[Sigfús Sigurþórsson., 29.5.2007 kl. 18:43]

Skveti hér einni inn í viðbót til ykkar.

Sá eg eina falda fit,

fær hún sjaldan kvefið,

lá á grúfu, en lítilvit

í loft upprétti nefið.

[Sigfús Sigurþórsson., 29.5.2007 kl. 20:01]

Hahahahahaha, alveg ert heimsmet.  

Rétt svar barst við auka gátu dagsins kl.19,55

Rétt svar er:  Ausa

Rétt svar gaf: Gunnar Þór Jónsson. 

[Sigfús Sigurþórsson., 29.5.2007 kl. 21:35]

Hvaaaa, varstu að fá einhverjar skammir frá einhverjum?

[Sigfús Sigurþórsson., 29.5.2007 kl. 22:43]

Nú kemur bara enn meira af hahahaha, og ég ætla ekker að útskýra síðari setninguna hjá þér neitt frekar.

En hér er ein sem ég ætla að sé snúin.:

Sá eg einn með svuntu fína,

strekkta undir mitti,

eltir konur, ei að pína

ef í barminn glitti.