Vísnagáta dagsins 3 okt.

	Öllum eru velkomið að spreyta sig á vísnagátum þeim sem hér birtast á partners.blog.is, og koma með svör og svar tillögur.   Svartillögur og rétt svör birtast í Athugasemdum. Ef ráðning gátu gengur illa, er tilvalið hjá fólki að óska eftir vísbendingu.
			Mér sá starfsami af alhug ann, iðjuleysinginn burt mig flæmir, umbun því litla hefir hann, honum því tíðum örbirgð dæmi; eg flýg, þó vængjum ei er á jörð neitt svo fljótt mér jafnast geti, eg hefi veröld í einu feti, en þó læt eg mig aldrei sjá. . Svar óskast, og helst höfundarnafn. (Rétt svar er fullgilt þótt höfundarnafn vanti.)
		Vísnagáturnar og gátur sem birtast á þessari bloggsíðu eru eftir hina og þessa höfunda, og mig sjálfan, óskað er eftir svari og eins höfundanafni, svar telst hinsvegar rétt þótt höfundarnafn vanti, enda mun það klárlega koma fyrir hjá mér að ég viti ekki höfundarnafnið á öllum gátum sem hér birtast. Ekki er neinn sérstakur tímarammi á innsetningu á gátum né svörum við athugasemdum.   Einnig eru líkur á að aukagátur verði settar inn í Athugasemdir, eftir að rétt svar hefur borist í síðustu gátu hverju sinni.   Allt er þetta bara til gamans gert, og veltum við okkur ekki alltof mikið uppúr bragfræði reglunum.   Vísnagátur eru vel þegnar, hver sem höfundur þeirra er og sendist þá á [e-mail]

Athugasemdir

[Sigfús Sigurþórsson., 3.10.2007 kl. 17:43]

Ó já, ekki að því að spyrja Gunnar Þór.

Rétt svar er: Tíðin.

Rétt svar barst kl.: 12.55

Rétt svar gaf: Gunnar Þór Jónsson

Höfundur gátu: "Ókunnur"

[Sigfús Sigurþórsson., 3.10.2007 kl. 17:49]

Sá eg standa stoðir tvær

og stúlku nafn í milli,

fuglinn einn þar flökti nær,

frílega svo haldi þær,

þegnar búa þar inn í með snilli.

------------------------------

Svar óskast, og helst höfundarnafn.

(Rétt svar er fullgilt þótt höfundarnafn vanti.)  

[Sigfús Sigurþórsson., 4.10.2007 kl. 07:22]

Klikkar ekki hjá þér kappi.

Rétt svar við vísnagátu í ATHS 3 er: Tjald.        

Rétt svar barst kl.: 07.11 (4/10)

Rétt svar gaf: Gunnar Þór Jónsson 

Höfundur gátu: Ókunnur.