Glæsilegt útbú í Hafnarfirði, glæsileg þjónusta.

Ég verð eiginlega að byrja á atburðarrásinni frá byrjun til að lýsa þessari eins og mig langar til.(Ég ætla að segja/skrifa þessa romsu eins og enginn þekki mig né Guðbjörgu Sól.)

Þannig var mál með vexti að dóttir mín 7 ára (18 apríl) sá í skólanum sínum einhver barmerki eða merki til að hengja á sig svo börnin sjáist í myrkri, þetta var í fyrradag og ég sagðist skildi fara í bankann og leita hvaða banki þetta væri sem væri að dreifa þessu eða væri með þessi merki, og ég skildi vera með það tilbúið þegar hún kæmi heim úr skólanum daginn eftir, eyddi hún miklum tíma í að útskýra fyrir mér og með miklum tilþrifum og mikilli nákvæmni hvernig merkið ætti að vera.

Í gær fór ég svo að þræða bankana, tók bara röðina eins og leið mín lá, byrjaði á landsbankanum og þeir könnuðust ekki við að hafa verið með neitt, en bent mér á annað landsbankaútibú og fór ég í það, en nei þeir hvorki áttu neinskonar glitmerki og höfðu ekki verið með neitt sem átti við þessa lýsingu Guðbjargar Sólar, næst fór ég þá í eitt Sparisjóðs útibú og þar var heldur ekkert í gangi svo ég var snöggur þar, lá leiðin þá inn í Kbbanka í Hafnarfirði og leist nú ekki á blikuna því þar var dálítið að fólki svo ég sá fram á einhverja bið, en ég var búin að lofa prinsessunni minn merki svo að ég tók biðmiða og fór að rölta um og settist svo niður í æðislegan stól, Kbbanki í Hafnarfirði er nýbúinn að gera stórskemmtilegar breytingar á útibúinu þar, ég heillaðist að þessum breytingum, en það sem vakti mesta athygli mína var að þarna gekk gullfalleg dama á milli gesta og tók á móti nýju fólki í dyrunum um leið og það gekk inn, hún bauð fólk velkomið og innti það eftir hvort hún gæti aðstoðað á einhvern hátt, reif meyra segja biðmiðana og rétti fólkinu oa bauð því sæti, hún sinnti þessu með þvílíkum áhuga að það var einna helst að hún væri að taka á móti fólki í 30 ára afmælið sitt.

Ég sat þarna og dáðist að breytingunum og að sjálfsögðu dömunni fallegu og sýndist mér fleiri gera það en ég, reyndar allir ef ekki við öll sem þarna biðum, eftir þó nokkra bið KVIKNAÐI á minni handónýtu peru, auðvitað mundi hún kanna þetta fyrir mig með merkið aðtarna, ég sagði henni frá vanda mínum og reyndi að lýsa merkinu með eins mikilli nákvæmni og Guðbjörg mín gerði (sem var vonlaust hjá mér, en komst nálægt því) hún fattaði strax hvað ég átti við og bað mig að hinkra augnablik sem ég og gerði, ég sá hana bregða við öðruhverju þar sem hún skaust á milli þjónustu horna og herbergja, eftir smá stund kom hún aftur, opnaði skáp sem var rétt hjá mér og tók út litabók og liti í plastpoka, ójú þarna var myndin sem Guðbjörg lýsti svo nákvæmlega, það sá ég undireins, en þetta var ekki merki til að láta hanga á sér og ég vissi alveg að þetta kæmi ekki í staðin fyrir það, sagði daman að það hefði einmitt verið merki með þessari mynd en því miður eru þau öll búin, hún bauðst til að kanna í öðrum útibúum og fór í það verk, nú leið þónokkur stund, kom hún svo til baka og sagðist vera búin að finna merki og það væri verið að pakka því niður og yrði sent, hvort sem ég vildi heim til mín eða hingað í Kb útibúið, jahérna, ég vildi fá merkið í útibúið, bara til að koma aftur og sjá breytingarnar aftur og kannski pínulítið fallegu dömuna.

Þetta endaði ekki bara svona, hún óskaði eftir GSM símanúmerinu mínu til að tilkynna mér þegar merkið væri komið, jahérna og þetta var bara eitt merki.

Klikkað flott útibú (og dömur) klikkað flott þjónusta, mér skildist á þessari dömu að þetta væri stefnan í Kbbanka.

Og nú segir þú, já já og við borgum brúsann, þá segi ég So what.

En Guðbjörg fær merkið sitt og mér líður alveg svakalega vel.

SigfúsSig.

Athugasemdir

[Sigfús Sigurþórsson., 2.3.2007 kl. 19:41]

Sæll Guðmundur, þetta könnumst við ábyggilega mörg við, það er að segja aðrétt heilsast.

En þú mátt ekki taka skrif mín þannig að ég sé að akitera fyrir Kbbanka, ég á reykninga þarna, en það eru algerir aukareykningar sem nánast ekkert eru notaðir.

Þetta var eingöngu skrifað vegna þes að mér leið svo óskaplega vel þegar ég fór útúr bankanum og ekki síst vegna þess að ég hafði það af að standa við gefið loforð við dóttur mína.

Kæra þakki fyrir gott innlegg Guðmundur.

Kv. SigfúsSig.