Græn vika að byrja.

 Gleðilegan Pálmasunnudag. Pálmasunnudagurinn dregur nafn sitt af pálmagreinum og pálmatrjám.

Vikan fyrir páska er kölluð dymbilvika eða kyrravika. Þessi vika hefst með pálmasunnudegi en þann dag fór Jesús til Jerúsalem. Áður en Jesús fór í þessa ferð vissi hann að hann yrði líflátinn. Í Biblíunni segir frá því að Jesús hafi verið búinn að segja lærisveinum sínum að í Jerúsalem yrði hann framseldur æðstu prestunum og fræðimönnunum. Þeir myndu dæma hann til dauða, húðstrýkja og krossfesta. Hvers vegna fór þá Jesús í þessa ferð fyrst hann vissi að hverju stefndi?

Jesús reið til Jerúsalem á asna sem hann hafði fengið að láni. Fólkið fylgdi honum og hrópaði: „Hósanna syni Davíðs! Blessaður sé sá sem kemur í nafni Drottins! Hósanna í hæstum hæðum.“ Margir lögðu klæði sín og pálmagreinar á veginn er Jesús kom inn í borgina.

Það er af þessum pálmagreinum sem pálmasunnudagur dregur nafn sitt. Mikið uppnám varð í Jerúsalem og fólkið vildi vita hver Jesús væri. Því var sagt að þetta væri spámaðurinn Jesús frá Nasaret. Ekki voru allir jafn hrifnir af Jesú. Æðstu prestarnir komu saman í höll Kaífasar og ákváðu að reyna að handtaka hann með svikum og lífláta.

Athugasemdir

[halkatla, 1.4.2007 kl. 14:31]

Skemmtilegur pistill

[Haraldur Haraldsson, 1.4.2007 kl. 14:38]

Já sammála það eru að koma Páskar og við skulum skoða af hverju þeir eru til komnir!!!/Kristindómur er lika Politik/Þakka góð orð þin Parners,kveðja Halli gamli

[Anna Benkovic Mikaelsdóttir, 1.4.2007 kl. 14:41]

Æðstu prestar okkar daga myndu hiklaust lífláta Jesú Krist í dag!

GLEÐILEGA PÁSKA 

[Óskar Sigurðarson 1.4.2007 kl. 17:33]

Gleðilegan Pálmasunnudag og þakkir.

[Sóldís Fjóla Karlsdóttir, 1.4.2007 kl. 19:04]

Góður og mjög fræðandi pistill. Ég er alls ekki viss um að fólk viti almennt af hverju Pálmasunnudagur dregur nafn sitt.