Gáta dagsins.

Vísna gáturnar sem birtast á þessari bloggsíðu eru eftir hina og þessa höfunda, óskað er eftir svari og eins höfundanafni, Svar telst hinsvegar rétt þótt höfundarnafn vanti, enda getur komið hjá Bloggara vísnagáta sem Bloggari hefur ekki höfundarnafnið á.

Vísnagáta dagsins er eftirfarandi.

Upp og niður forðum fór
Fætur saman skeytir
Neðst á búknum nokkuð stór
Nokkuð rita feitir
Lá á fóti ljótur skór
Lyg'og þvaður heitir
Áfram hvetj'í öskurkór
Oní potti hreytir

 

Rétt svar er Bulla.

Rétt svar gaf: Veigar Freyr Jökulsson.

 

Svar og höfundarnafn óskast.

 

Svar mun verða staðfest þegar rétt svar er komið, ef ekki kemur rétt svar fyrir klukkan 22.00 sama dag mun bloggari birta svarið í færslunni.

Athugasemdir

[Veigar Freyr Jökulsson 5.4.2007 kl. 11:30]

Þessi var svolítið strembnari en síðast, en ég held að þetta sé orðið bulla.

- Bullan í strokknum fór upp og niður forðum.
- Bulla getur þýtt hnéskel og tengir því fætur saman.
- Bulla getur þýtt stór fótur.
- Ég átt mig ekki á þessari línu.
- Bulla getur líka þýtt stór, ólögulegur skór.
- Sögnin að bulla - þvaðra.
- Hér er sennilega verið að vísa í fótboltabullu.
- Sennilega er þetta sögnin að bullsjóða.

--
Veigar 

[Sigfús Sigurþórsson., 5.4.2007 kl. 12:12]

Sæll Veigar, það voru komnar 102 heimsóknir frá innsetningu gátunar í gær þegar rétt svar kom, sem kom einmitt frá þér.

Í dag voru komnar 60 heimsóknir frá því að gátan var sett inn og rétta svarið er Bulla.

Góður Veigar.

Rétt svar gaf: Veigar Freyr Jökulsson.