Gáta dagsins.

Vísna gáturnar sem birtast á þessari bloggsíðu eru eftir hina og þessa höfunda, óskað er eftir svari og eins höfundanafni, Svar telst hinsvegar rétt þótt höfundarnafn vanti, enda getur komið hjá Bloggara vísnagáta sem Bloggari hefur ekki höfundarnafnið á.

Vísnagáta dagsins er eftirfarandi.

Augljóst varla þykir það
þykir augljóst svona.
Neytir grassins, nema hvað?
nafnið ber jú kona.

 

 Rétt svar barst kl.15.00

 

Augljóst varla þykir það=óskýr
þykir augljóst svona.=skýr
Neytir grassins, nema hvað?=kýr
nafnið ber jú kona.=ýr

 

Rétt svar gaf: Gunnar Þór Jónsson.

 

 

Svar og höfundarnafn óskast.

 

Svar mun verða staðfest þegar rétt svar er komið, ef ekki kemur rétt svar fyrir klukkan 22.00 sama dag mun bloggari birta svarið í færslunni.

Athugasemdir

[Svava frá Strandbergi , 6.4.2007 kl. 12:35]

Grasakona?

[Sigfús Sigurþórsson., 6.4.2007 kl. 12:38]

Neeeeeeeiiii, ekki alveg rétt, en tilgátan er hrikalega góð.

[Veigar Freyr Jökulsson 6.4.2007 kl. 12:43]

Ég vildi bara koma með vísbendingu, ég hef heyrt þessa gátu áður og vil því ekki ljóstra upp um svarið strax.

En orðið sem leitað er það sama í öllum línum heldur er eitt lausnarorð fyrir fyrstu línu síðan dettur einn stafur framan af orðinu í hverri línu, þannig að í raun er spurt um fjögur orð.

--
Veigar

[Sigfús Sigurþórsson., 6.4.2007 kl. 12:45]

Góð ábending/vísbending Veigar.

Þú setur inn svarið í kvöld ef einginn kemur með það.

[Sigfús Sigurþórsson., 6.4.2007 kl. 13:23]

En Veigar, hvernig var með svarið við gátunni þinni?

Fínust þetta flíkin ber.
Fara strákar í hann hér.
Gamlir þetta gjarnan fá.
Girnilegt á eldhúsrá.

[Sigfús Sigurþórsson., 6.4.2007 kl. 13:59]

Gæti svarið við Suðurlands vefsgátunni þinni Veigar verið fellingar? eða eitthvað í þeim dúr.

[Sigfús Sigurþórsson., 6.4.2007 kl. 15:01]

Góður Gunnar Þór.

Augljóst varla þykir það=óskýr
þykir augljóst svona.=skýr
Neytir grassins, nema hvað?=kýr
nafnið ber jú kona.=ýr

Rétt svar gaf: Gunnar Þór Jónsson.