Gáta dagsins.

Vísnagáturnar sem birtast á þessari bloggsíðu eru eftir hina og þessa höfunda, óskað er eftir svari og eins höfundanafni, Svar telst hinsvegar rétt þótt höfundarnafn vanti, enda getur komið hjá Bloggara vísnagáta sem Bloggari hefur ekki höfundarnafnið á. Ekki er nein sérstök tímasetning á innsetningu gátu,en í verstafalli eigi síðar en að morgni dags.

 

Vísnagáta dagsins er eftirfarandi.

 

Gefið getur kul og hita

Heyrist stundum í

Frá er rifinn fer að smita

Fær á vetrum sjaldan frí

 

Rétt svar barst kl.07.16

Rétt svar er: Ofn

Höf: Sigfús Sigurþórsson

Rétt svar gaf bloggarinn: Gunnar Þór Jónsson 

 

 

 

Svar óskast (og helst höfundarnafn)

 

 

ATH: 2 Bloggvinir eru búnir að stinga upp á að ef gáta er ráðin frá miðnætti til hádegis muni ég setja inn nýja eftir hádegið. Þetta hefur verið samþykkt.

 

Svar mun verða staðfest þegar rétt svar er komið, ef ekki kemur rétt svar fyrir klukkan 22.00 sama dag mun bloggari birta svarið í færslunni.

Athugasemdir

[Margrét St Hafsteinsdóttir, 16.4.2007 kl. 00:24]

Kvef?

[Sigfús Sigurþórsson., 16.4.2007 kl. 00:37]

Ekki er það Kvef Margrét, en margt passar við kvef, haha, nema kannski 3ja línan. Betur má ef duga skal.

[Margrét St Hafsteinsdóttir, 16.4.2007 kl. 01:21]

Já þessi þriðja lína var eitthvað að veltast fyrir mér og er enn

[Sigfús Sigurþórsson., 16.4.2007 kl. 01:40]

Svo heyrist sennilega ekki í kvefi, það frekar heyrist í manni sjálfum vegna kvefs.

[Eyþór Jónsson 16.4.2007 kl. 02:07]

Hósti ?

[Eyþór Jónsson 16.4.2007 kl. 02:17]

Nei ekki hósti  heldur inflíensa(flensa)

[Sigfús Sigurþórsson., 16.4.2007 kl. 06:42]

Sæll Eyþór, takk fyrir síðast, nei hvorki er það hósti né flensa eða inflúensa.   Betur má ef duga skal eins maðurinn sagði.

[Sigfús Sigurþórsson., 16.4.2007 kl. 07:42]

Það er hárrétt, Góóóður Gunnar Þór

Svarið er: Ofn og gátan er frumsamin.

[Sigfús Sigurþórsson., 16.4.2007 kl. 07:45]

Og þú hefur tekið eftir nýju reglunum og aðrir bloggarar, að nú fer inn ný gáta eftir hádegið, fyrst þessi er afgreydd fyrir hádegi.