Getur varla verið á verri stað.

Austurstræti 22, þar sem veitingastaðurinn Pravda er til húsa.

Þetta er vægast sagt afleitur staður og ábyggilega virkilega erfitt fyrir slökkviliðsmenn að athafna sig, sér í lagi baka til.

Reykkafarar hafa farið inn í húsin og hefur slökkvilið sprautað miklu magni af vatni á þau. Mikinn reyk leggur yfir miðborg Reykjavíkur og í átt að Hljómskálagarðinum.

 

Húsin við Austurstræti eru gömul eins og segir í einni fréttinni á Mbl.is og ljóst að eldur læsist um menningarverðmæti. Veitinga-og skemmtistaðurinn Pravda er í Austurstræti 22 sem er friðað hús, reist árið 1801-1802. Lækjargata 2, þar sem nú logar líka í, er byggt árið 1801 en er ekki friðað. Húsið vestanmegin við Pravda er gamli Hressunarskálinn sem er líka friðað hús og var byggt árið 1805.

 

 

 Húsin sem brenna eru frá upphafi 19. aldar

fréttamannafundar; enn logar í Austurstræti 22  

Þök rifin af brennandi húsum - gaskútageymslur í hættu Video

Slökkvistarfi lokið að mestu og hreinsunarstörf hafin í miðborginni

Þök rifin af brennandi húsum - gaskútageymslur í hættu

Athugasemdir

[Margrét St Hafsteinsdóttir, 18.4.2007 kl. 16:09]

Vonandi verður hægt að ná niðurlögum eldsins sem fyrst og svo mætti fara að huga enn betur að brunavörnum borgarinnar

[Sigfús Sigurþórsson., 18.4.2007 kl. 17:36]

Eins og fréttirnar hafa borið með sér hefur verið barátta við geysilega mikinn eld og mesta furða að ekki skuli þessi eldfima þyrping bara öll brenna til grunna.

[Birna Dis Vilbertsdóttir 18.4.2007 kl. 19:05]

Þeir eru hetjur slökkviliðsmennirnir. Svo þurfa þeir að berjast fyrir laununum sínum. Eitthvað bogið við það. Gott að enginn slasaðist í þessum hörmungum.

[Sigfús Sigurþórsson., 18.4.2007 kl. 20:14]

Já þeir eru hetjur, það segir þú satt Birna. En hvað segir þú, eru þeir á lélegum launum? Svona er þetta, maður hefur aldrei pælt neitt sérstaklega í því, hef bara talið að þeir væru á allavega þokkalegum launum.