Lokaður inn á klósetti í tvo sólahringa inn á Landspítalanum!

Þetta er alveg með ólíkindum, að svo svívirðisleg meðferð skuli vera höfð við á Lanspítala sjúkrahúss, hvað er að eiginlega? Þunglyndissjúklingur í sjálfsvígshugleiðingum var læstur inni á klósetti á geðdeild Landspítalans í tvo sólarhringa í vikunni. Ekki fannst annað herbergi fyrr en aðstandendur mótmæltu. Þetta jaðrar við mannvonsku segir, frændi sjúklingsins segir í frétt á visir.is og síðan segir:
 Þunglyndur piltur á þrítugsaldri var í vikunni lagður inn á deild 33 c á Landspítalanum. Þegar Heimir Jónsson, frændi hans og velgjörðarmaður, heimsótti hann á deildina varð hann fyrir áfalli við að sjá aðstæðurnar sem hann bjó við. Heimi brá svo mjög að hann myndaði með gemsa sínum sjúkrastofuna, eða baðherbergið, sem frændi hans var lagður inn á. Heimir segir ræstiefni hafa verið á vaskinum.

Tíu ára gamall varð ungi maðurinn fórnarlamb barnaníðings. Sá var dæmdur til tíu mánaða fangelsisvistar fyrir kynferðisbrot gagnvart fjórum drengjum og afplánaði sjö. Fórnarlömbin sitja hins vegar uppi með afleiðingar glæpsins, segja aðstandendur unga mannsins sem hefur átt í miklum erfiðleikum allar götur síðan.

Þegar Heimir kvartaði fékk hann þá skýringu að deildin væri yfirfull. Hann segir starfsfólkið hafa verið allt af vilja gert.

 Spila myndband

 

Athugasemdir

[Jóna Á. Gísladóttir, 20.4.2007 kl. 23:24]

 Þetta gerir mig svo reiða. Svo öskuilla að ég veit ekki í hvorn fótinn ég á að stíga. Vanmátturinn sem maður finnur fyrir er gífurlegur. Ég er ekki að tala um aðstæðurnar sem aumingja strákurinn þarf að búa við þó nógu séu þær slæmar heldur akkúrat það sem þú segir um dóminn sem barnaníðingurinn fær og svo afplánunina. Er ekki beinlínis verið að hrækja í andlitið á fórnarblömbum barnaníðinga? Segja við þá: ''hei, þetta er ekkert big díl. Bara eins og hvert annað umferðarlagabrot eða þjófnaður. Get a grip.'' Skilaboðin til fórnarlambanna eru nákvæmlega þau að það sem gerðist fyrir þau er ekkert til að gera veður út af. Og vanlíðanin sem þau finna fyrir er þeirra eigin aumingjaskapur. Ekki skrýtið þó þetta fólk höndli ekki lífið. Sorry, ég bara missi mig þegar þessi mál eru annars vegar.

[Auðun Gíslason, 20.4.2007 kl. 23:25]

Já, svona fer nú niðurskurðurinn með heilbrigðiskerfið. Undirmannaðar deildir vegna peningaleysis. Þetta er nú ekki flóknara en það!

[Birna Dis Vilbertsdóttir 21.4.2007 kl. 08:52]

Siv Friðleifsdóttir talaði um sitt frábæra heilbriggðiskerfi á st 2 á miðvikudagskvöld ætli þetta sé hluti af því? Ég gæti sægt ykkur margar mjög ljótar sögur af geðdeild LSH sem við fjölskyldan gengum í gegnum frá 2001 til 2006 þegar við börðumst fyrir lífi sonar okkar. Þær eru af svipuðum toga og þetta. Í 3 ár reyndum við að fá fund með heilbrigðisráðherra og það hefur Ekki tekist enn. Fékk að vísu símtal úr þessu hrokaráðuneyti á síðasta miðvikudag en var NEITAÐ UM FUND,