Bardot hefur mátt sjá fífil sinn fegurri.

Hún hefur eytt miklum tíma sem dýraverndarsinni, en margur vill meina að það hafi verið ákveðið show, auglýsing.

Góð frétt og umsögn kom á Mbl. þegar Bardot varð sjötug árið 2004 og læt ég hana fylgja hér. Brigitte Bardot sjötug í dag Bardot var mikið kyntákn á sjöunda áratugnum en þegar hún komst á miðjan aldur hætti hún að leika og tók upp baráttu fyrir réttindum dýra og fleiri málum.

Hún hefur nú síðari ár barist gegn áhrifum múslima í Frakklandi, raunar með heldur miklum krafti að margra dómi, og fékk m.a. nýlega sekt fyrir meiðyrði.

Franska kvikmyndaleikkonan Brigitte Bardot er sjötug í dag. Bardot segir

í viðtali við franskt tímarit að hún þakki Guði fyrir að leyfa sér að ná þetta háum aldri. „Samt hefði ég

frekar kosið að verða þrítug," sagði hún. Uppboð verður haldið á um 8500 munum, tengdum Bardot, í tilefni af afmælinu og mun ágóðinn renna til dýraverndunarstofnunar.

Bardot hefur búið í þorpinu Saint-Tropez á Rivíerunni frá því hún hætti að leika í kvikmyndum fyrir þremur áratugum. Í viðtalinu við tímaritið

Ohla! segist Bardot ætla að halda upp á afmælið í kyrrþey. „Ég ætla að fá

mér kampavínsglas og taka á móti nokkrum vinum," sagði hún. „Ég er sátt við að eldast. Nú er það fáránlega viðhorf uppi að konur vilja vera ungar og leita til skurðlækna.

Þær líta allar eins út... Það veldur stöðugum áhyggjum að reyna að vera fullkominn," segir hún.

Bardot var á sínum tíma stöðugt á síðum slúðurblaða vegna fjölda ástarævintýra sem hún átti í. Hún býr nú með þriðja eiginmanni sínum, Bernard d'Ormale. Hún á einn son af fyrra hjónabandi.

Bardot nýtur enn mikillar virðingar í Frakklandi þótt orðstír hennar hafi heldur látið á sjá vegna harðlínustefnu hennar gegn múslimum. Hún segist hins vegar ekki njóta frægðarinnar og ekki hafa neina ánægju af því þegar einhver þekkir hana.„

Hafi ég átt þátt í að breyta frönsku þjóðfélagi og afstöðu þess, þá var það ekki vísvitandi... Ég held að ég hafi verið tákn fyrir breytingar, vilja þjóðar á ákveðinni stundu," segir hún.

Athugasemdir

[Egill Harðar 21.4.2007 kl. 01:44]

Mér sýnist Bordot vera í útrýmingarhættu!

[Sigfús Sigurþórsson., 21.4.2007 kl. 02:04]

Hahahahaha, algerlega Egill, þetta er síðasta eintakið, og jú víst það eina.

[Már Högnason 21.4.2007 kl. 17:53]

Væntanlega man hún sinn fífil fegurri...

[Sigfús Sigurþórsson., 22.4.2007 kl. 10:17]

Rétt er það Már, eins og mörg okkar gera, öll verðum við að lúta að þessu sama lögmáli, lögmáli?.

Nei nei Villi geit, ég er viss um að einginn sleppur, og ekki nóg með það að ég er búin að vera svona krumpaður alla tíð.