Verður Villi ekki maður ársins í ár?

Hann er ekkert að tvínóna við hlutina kallinn, lætur verkin tala, eða það lýtur út fyrir það. Ekki ólík forustu vinnubröð og hjá fyrrum borgarstjóranum okkar honum Davíð Oddssyni.

Bara kaupa kolamolana þarna, endurreysa svo byggingarnar úr öskustónni á næstu tveimur árum, þetta kallar maður að vera ekki með neitt nöldur og tuð yfir hlutunum.

Í fréttinni segir: Reykjavíkurborg mun ganga til viðræðna við eigendur húsanna sem urðu eldi að bráð í miðborg Reykjavíkur á síðasta vetrardag um kaup á húsunum og lóðum þeirra. Vilhjálmur Þ. Vilhjálmsson, borgarstjóri, sér fyrir sér að enduruppbyggingu húsanna geti lokið á tveimur árum, gangi allt að óskum.

Þetta kom fram á fundi fulltrúa eigenda viðkomandi húsa, tryggingafélagsins VÍS, lögmanns eigenda, fulltrúa Minjaverndar og fulltrúa Reykjavíkurborgar, sem lauk rúmlega ellefu í morgun.

„Við gerum þetta ekki síst til að hraða uppbyggingu eins og kostur er," sagði Vilhjálmur. „Einnig til að tryggja að götumyndin haldi sér og verði sem næst því sem hún var.“

„Ég vil sjá þetta sem næst upprunalegri mynd, nú er tækifæri til þess. Svona uppbygging hefur tekist ágætlega, eins og í Aðalstræti,"

Sagði Vilhjálmur að viðræðurnar hæfust nú í vikunni og að fagfólk myndi skoða rústirnar og kanna hvað hægt er að nýta í enduruppbyggingu. Eftir það verða rústirnar fjarlægðar og taldi Vilhjálmur það þurfa að gerast innan tveggja vikna, jafnvel fyrr.

Reykjavíkurborg vill kaupa hús sem urðu eldi að bráð

Athugasemdir

[Kristberg Snjólfsson, 21.4.2007 kl. 15:08]

Það er algjör þvæla að byggja þetta upp í upprunalegri mynd. Það ætti að nota hugmyndir Hrafns Gunnlaugssonar sem eru vel framsettar og flottar. Hætta þessu bulli með að halda endalaust í gamalt drasl, við eigum frekar að horfa til framtíðar en fortíðar, en það er eitthvað sem sjálfsstæðismenn geta ekki gert

[Sigfús Sigurþórsson., 21.4.2007 kl. 15:15]

Hahaha, er farið að sjóða á kappanum?

[Kristberg Snjólfsson, 21.4.2007 kl. 16:40]

Nei nei aðeins að byrja að hitna í glæðunum

[Berglind Steinsdóttir, 21.4.2007 kl. 16:59]

Ég held að gamalt sé ekki lykilorðið í þessu, frekar gott, vel heppnað, heildstæð götumynd eða eitthvað í þá veruna. Mér finnst t.d. dapurlegt að sjá Laugaveg 7, ekki af því að húsið er nýtt eða nýlegt, heldur af því að það skemmir götumyndina.

[Margrét St Hafsteinsdóttir, 21.4.2007 kl. 17:09]

Mér finnst það ætti að byggja flott nýtískuleg hún þarna. Gömlu húsin geta svo þeir endurbyggt sem vilja leggja í það fé og flutt þau svo á Árbæjarsafnið  Finnst ætti að eyða fé í eitthvað annað þarfara. Til dæmis að byggja nýtt fangelsi sem er búið að vera á stefnuskránni í ein 40 ár.

[Grímur Kjartansson, 21.4.2007 kl. 18:26]

hundruðir miljóna fyrir lóðirnar og síðan fleiri hundruðir fyri að byggja í "gamla" stílnum þetta endar í reikningi uppá miljarð minnst fyrir húsnæði sem enginn veit hvað á að gera við og hver borgar?

[Óttarr Makuch, 22.4.2007 kl. 23:17]

Villi er toppmaður og toppstað, svo mikið er víst.  Hann hefur alla tíð alveg frá því hann hóf sinn pólítíska feril látið verkin tala fremur allt annað!

[Sigfús Sigurþórsson., 22.4.2007 kl. 23:41]

Sammála, og er það ekki fólkið sem við viljum og þurfum?