Prinsessunni minni þykir þetta fallegasta skepnan í skóginum.

Ég er ekkert hissa á þessum móttökum, og ekki verð ég hissa þótt þessi nýja mynd eigi eftir að slá fyrri myndinni við.

Það er alveg sama hvað þessi ljóta (fallega að hennar mati) gerir af sé, fer dóttir mín beint í að afsaka grænu skepnuna og kenna asnanum eða einhverjum öðrum um, ef hún væri orðin eldri yrði ég ekki hissa á að hún kenndi leikstjóranum um, um það sem græni Skrekkur gerir illt af sér.

Fréttin á Mbl:  Græni risinn Skrekkur og vinir hans tóku flugið á ný um helgina en þriðja teiknimyndin um Skrekk aflaði 122 milljóna dala tekna í norður-amerískum kvikmyndahúsum, sem er teiknimyndamet. Raunar er þetta þriðju bestu móttökur, sem kvikmynd hefur fengið á frumsýningarhelgi á eftir þriðju myndinni um Köngulóarmanninn og annarri myndinni um sjóræningjana á Karíbahafi.

Eins og í hinum myndunum talar Mike Myers fyrir Skrekk, Cameron Diaz talar fyrir Fíónu prinsessu, Eddie Murphy er asninn og Antonio Banderas stígvélaði kötturinn. Justin Timberlake bætist við í leikarahópinn en hann leikur Artúr konung, ungan að árum.

Svo gæti farið að Skrekkur dvelji ekki langan tíma í 1. sætinu því í vikunni verður frumsýnd þriðja sjóræningjamyndin þar sem Johnny Depp leikur sjóræningjann Jack Sparrow.

Listi yfir vinsælustu myndirnar er eftirfarandi:

1. Shrek the Third
2. Spider-Man 3
3. 28 Weeks Later
4. Disturbia
5. Georgia Rule
6. Fracture
7. Delta Farce
8. The Invisible
9. Hot Fuzz
10. Waitress.

Skrekkur tekur flugið á ný

Athugasemdir

[halkatla, 20.5.2007 kl. 22:13]

Shrek myndirnar eru svo stórkostlegar

[Hrönn Sigurðardóttir, 20.5.2007 kl. 23:00]

Hef ekki séð eina einustu.....

[Hrönn Sigurðardóttir, 20.5.2007 kl. 23:01]

Hins vegar er Johnny Depp alltaf flottur - allsstaðar. Minn uppáhalds....

[Sigfús Sigurþórsson., 21.5.2007 kl. 00:34]

Já Shrek er flottur, alveg sammála, og Johnny dep líka.

Höldum áfram að hafa gaman af þessum ævintýrum, það heldur okkur ungum - yngri.

[Sigfús Sigurþórsson., 21.5.2007 kl. 13:27]

Halló halló halló.

Eiithvað er að comment kerfinu, meistararnir hjá Mbl. eru að kíkja á þetta.

Ég hefi ekki lokað á neinn til að skrifa comment, svona svo það sé á hreinu, vonum að þetta komist í lag í snatri.

[Sigfús Sigurþórsson., 21.5.2007 kl. 13:45]

Búið er að finna útúr Comment bilununum svo nú ætti að vera í lagi að skrifa í Athugasemdir.