Vísna gáta dagsins.

	Kerling ein á kletti sat, kletta býr á stræti, veginn öllum vísað gat, var þó kyrr í sæti.   Svar óskast (og helst höfundarnafn) -
		Rétt svar er: Varða Rétt svar barst kl.: 09.23 Rétt svar gaf: Gunnar Þór Jónsson Höfundur gátu: Ókunnur
	Vísnagáturnar og gátur sem birtast á þessari bloggsíðu eru eftir hina og þessa höfunda, og mig sjálfan, óskað er eftir svari og eins höfundanafni, svar telst hinsvegar rétt þótt höfundarnafn vanti, enda mun það klárlega koma fyrir hjá mér að ég viti ekki höfundarnafnið á öllum gátum sem hér birtast. Ekki er neinn sérstakur tímarammi á innsetningu á gátum né svörum við athugasemdum.   Öllum eru velkomið að þreyta Vísnagáturnar, og koma með svör og svar tillögur í gátur þær sem birtast hér á partners.blog.is Aðal vísnagátan mun birtast að kvöldi dags, fyrir hvern dag hér á partners.blog.is en undanfarna mánuði hafa þær verið settar inn á ýmsum tímum sólahringsins, undantekning getur þó komið fyrir.   Einnig eru líkur á að aukagátur verði settar inn í Athugasemdir, eftir að rétt svar hefur borist í síðustu gátu hverju sinni.

Athugasemdir

[Ása Hildur Guðjónsdóttir, 5.9.2007 kl. 12:26]

ÉG segi Varða þessi skemmtilegu steinhleðslur sem mér þykir svo vænt um.

[Sigfús Sigurþórsson., 5.9.2007 kl. 13:18]

 

 

 

Hönnuð er hún úr bóndans verki

hentar í köldum vindum

líkar oss best okkar landans merki

líklega best er af kindum.

[Sigfús Sigurþórsson., 5.9.2007 kl. 13:28]

Ps. Einhverra hluta vegna er Athugasemd  horfinn sem ég setti inn á undan Auka vísnagátunni.

En það sagði ég: Hárrétt hjá þér Gunnar Þór, og þér líka Ása Hildur.

[Ása Hildur Guðjónsdóttir, 5.9.2007 kl. 13:38]

Ullin ekki spurning lopapeysur rokka feitt þessa dagana

[Sigfús Sigurþórsson., 5.9.2007 kl. 13:58]

Og það er að sjálfsögðu hárrétt Ása.

Rétt svar er: Lopapeysa

Rétt svar barst kl.: 13.38

Rétt svar gaf: Ása Hildur Guðjónsdóttir.

Höfundur gátu: Sigfús Sig.

[Sigfús Sigurþórsson., 5.9.2007 kl. 14:00]

 

 

Sá eg sitja segg

sunnan undir vegg;

hefir augu og nef,

aldrei fær hann kvef

hefir bústinn bol,

býsna mikið þol,

syngur örvaþór,

aldrei fer í kór.

Gettu gátu mín

ef glögg er viskan þín.

 

[Sigfús Sigurþórsson., 5.9.2007 kl. 17:35]

Og að sjálfsögðu er það rétt meistari Gunnar Þór.

Rétt svar er: Steðji

Rétt svar barst kl.: 15.39

Rétt svar gaf: Gunnar Þór Jónsson.

Höfundur gátu: "Ókunnur".

[Sigfús Sigurþórsson., 5.9.2007 kl. 17:40]

 

 

Getur grannt í eyður og orð

Greiðir úr gátum snemma

Hann veit bæði haus og sporð

Helst vill orðu hremma

 

[Sigfús Sigurþórsson., 6.9.2007 kl. 08:13]

Einmitt, illa er henni hnoðað saman þessarri, enda fleykt inn í algeru kæruleysi.

En þarna er verið að spyrja um hvað væri sagt að þessi spekingur væri ----hvað hann væri, hvað við myndum kalla hann,,, ekki hver þetta væri eða sé.

[Sigfús Sigurþórsson., 7.9.2007 kl. 08:36]

Góóóður, og mig langar mest til að gefa þér rétt fyrir þetta svar, en þetta er ekki aaaalveg það orð sem ég er að leita eftir, en er afar líkt, ætla að kanna hvort rétta orðið komi ekki.

[Sigfús Sigurþórsson., 7.9.2007 kl. 21:29]

Ég er algerlegaq sammála þér Málfríður, þetta getur sko alveg passað við meistara Gunnar Þór Jónsson, en það er ekki það sem ég leita eftir nú, þetta er lýsingarorð sem allt eins getur verið nafnorð.

ATHS 13 hjá Gunnari Þór er afar nálægt þessu.

[Sigfús Sigurþórsson., 7.9.2007 kl. 21:53]

Ekki vantar hlédrægnina Málfríður.

[Sigfús Sigurþórsson., 7.9.2007 kl. 23:06]

Jæja vitringar, þetta þýðir ekkert, hér kemur svarið.

Svarið er:::: Getspakur.