Hlýt bara að vera eitthvað sljór.

Eitt er mér alveg gjörsamlega vonlaust að skilja og það er í sambandi við að bæta kjör öryrkja og ellilífeyrisþega, reyndar skil ég ekki heldur í þessari áherslu á ellilífeyrisþega frekar en einstæða móður eða faðir sem eru kannski með tekjur langt undir því að getað lifað sómasamlegu lífi, það er jú fólk sem er að baslast við að gera lífið bærilegra fyrir fleiri en sjálfan sig, þetta er allt fólk sem þarf nauðsinlega á leiðréttingu að halda.

En ok, allavega þá skil ég ekki að þessi umræða sem td. Samfylkingin (Tek það fram að ég er ekki í Samfylkingunni) er dálítið með á oddinum “þessa dagana” skuli aldrei ná lengra en að vera bara pólitískt tal. 

Ég held að ALLIR flokkar hafi einhverntíman haft þetta á oddinum, að bæta kjör þeirra lægst launuðu,

og þá hafa ellilífeyrisþegar oftast mest verið nefndir.

 

Mér er alveg slétt sama hvaða flokkur hefur þetta málefni sem oddamálefni, ég einfaldlega sé ekki að það sé til nein eins auðveld leið til að bæta hag þessa fólks (og á ég við ALLT láglaunafólk) eins og að lækka skattleysismörkin. 

 

Og í guðanabænum (ekki Guðna bænum) hættið að láta eins og ellilífeyrisþegar hafi það verra en ALLIR aðrir, verra en td. afar margar einstæðar mæður eða feður sem eru að baslast við að búa og hlúa að börnum landsins, það er að sjálfsögðu einnig til fullt af öðru fólki sem aldrei er talað um, fólk sem RÉTT skrimtir og getur ALDREI veitt sér né sínum eitt né neitt. 

 

Lækkum skattleysismörkin í snatri.

SigfúsSig.