Skemmtilegar bloggfærslur.

Það er búið að vera virkilega gaman að lesa bloggfærsur hér á blogginu eftir að kosningum um stækkun álversins lauk.

Tók að gamni mínu saman hendingar og fyrirsagir úr nokkrum bloggfærslu, allt frá sitthvurum bloggurunum.

 

• Merkileg niðurstaða - hver verða langtímaáhrifin? 

• Einhver sögulegasta íbúakosning á Íslandi endaði með 88 atkvæða mun. Hársbreidd.

• Næst getum við kosið stjórnarráðið úr miðbænum.

• Naumt var það eins og búist hafði verið við. 

• Dýrmætur sigur vannst í Hafnarfirði í baráttu Davíðs við Golíat.

• Hvað þetta þýðir fyrir framtíð álversins í Straumsvík verður að koma í ljós.
• Mér finnst að þjóðin eigi að hafa fengið að kjósa um þetta.
• Mikið svakalega var þetta tæpt.
• Vonandi verður þetta til þess að Álver rísi við Húsavík strax.
• Stjórnmálamenn í bæjarstjórn Hafnafjarðar sleppa við að taka þessa ákvörðun sjálfir og fela sig á bak við fyrirsagnir eins og til dæmis "Sögulegar kosningar" eða orð eins og "íbúalýðræði".
• Mér þykir valdið mikið sem íbúar þessa bæjar hafa fengið, að geta kosið um hvort álverið stækkar eða ekki.

• Þá er þessum dramatísku kosningum loksins lokið og málið um álið endanlega dautt.

• Naumt var það og spennandi allt til loka, en það er klárt að stækkun hefur ekki meirihluta meðal Hafnfirðinga.

• Jæja þá er það nú loksins staðfest að rétt rúmlega helmingur Hafnfirðinga eru Hálfvitar ef marka má þessa niðurstöðu úr álverskosningunum. 

• Framtíðin er skyndilega bjartari fyrir ungt fólk í Hafnarfirði og á landinu öllu.

• Mikið óskaplega er ég stoltur af hafnfirðingum í dag.

• Kosningin í Hafnarfirði sýnir fyrst og fremst vinnubrögð Samfylkingarinnar sem er óhrædd við að beita íbúalýðræði og hlíta niðurstöðum.(broskalli bætt við af vefstjóra)

• Mjótt var á mununum en niðurstaðan er góð að því leiti að hún krefur okkur öll til að setjast niður og sjá hvert við viljum halda.

• Sjálfsagt að skoða kröfur um endurtalningu Lúðvík Geirsson, bæjarstjóri í Hafnarfirði, segir sjálfsagt að skoða kröfur um endurtalningu í atkvæðagreiðs.

• Samúðarkveðjur til Hafnarfjarðar  Þegar Davíð Oddsson hótaði áframhaldandi okurvöxtum ef álverið í Straumsvík yrði stækkað og annað byggt í Helguvík 29. mars síðastliðinn, gaf hann fjölda fólks sem er þreytt á okurvöxtunum skýr fyrirmæli um að berjast gegn stækkuninni í Straumsvík.

• Persónulega finnst mér þetta afar sorgleg niðurstaða. 

• Til hamingju Hafnfirðingar,og að sama skapi til hamingju Húsvíkingar.

• Líklega voru það grunnskólakrakkarnir sem áttu lokahnykkinn þegar þau stormuðu niður í bæ og mótmæltu stækkun álversins.

• Til hamingju Hafnarfjörður! Það munaði um hvert atkvæði.

• Frábært að lýðræðið heldur áfram að vera í stöðugri þróunn, og er íbúalýðræði hluti af því. Hafnfirðingar hafa samt sem áður ákveðið að missa 500 milljónir úr sjóði bæjarins, og hafnað 500 milljónum til viðbótar. tkvæði í þágu skynseminnar og umhverfisverndar .

Athugasemdir

[Kristberg Snjólfsson, 1.4.2007 kl. 10:40]

Þetta er svartur dagur í sögu Hafnafjarðar  á eftir að hafa slæm áhrif á Fjörðinn, Álverið kemur til með að fara og ekki víst að jafn öflugt fyrirtæki komi til  með að koma í staðinn.

[halkatla, 1.4.2007 kl. 14:34]

ég samgleðst hafnfirðingum vegna velheppnaðra kosninga en hef haldið mér utan við þetta mál, það er eitthvað svo mikil ólga og læti í kringum það

[Sigfús Sigurþórsson., 1.4.2007 kl. 14:55]

Það er rétt Anna, ólgan var sett á bæjarbúa, ég er virkilega ánægður að íbúar Hafnarfjarðar fengu að kjósa um þetta en er ekki sátur við að bæjarstjórnin skuli alfarið skella ábyrgðinni á bæjarbúa, ekki sýst í ljósi þess að Hafnarfjarðarbær seldi Alcan lóð undir stækkunina fyrir 4 árum síðan, hvað nú?

Nei nei Kristberg, ekki svartur dagur, en kanski gæti framtíðin verið bjartari, nú verðum við bara að vera dugleg við að finna lausnir á að skapa atvinnuskapandi fyrirtæki handa bæjarbúum.

Hvað framtíðin á eftir að leiða í ljós er bara óráðin gáta og ekkert við því að gera.