Gáta dagsins II

Vísnagáturnar sem birtast á þessari bloggsíðu eru eftir hina og þessa höfunda, óskað er eftir svari og eins höfundanafni, Svar telst hinsvegar rétt þótt höfundarnafn vanti, enda getur komið hjá Bloggara vísnagáta sem Bloggari hefur ekki höfundarnafnið á. Ekki er nein sérstök tímasetning á innsetningu gátu,en í verstafalli eigi síðar en að morgni dags.

Vísnagáta dagsins er eftirfarandi.

 

Ófyrirséð ástarbál.
Aldurtili seggja.
Teygað allt í einni skál.
Inn á milli veggja.

 

Rétt svar barst við gátu II í dag kl.15.49

Rétt svar er: Skot

Rétt svar gaf bloggarinn: Gunnar Þór Jónsson 

 

Svar óskast (og helst höfundarnafn)

 

ATH: 2 Bloggvinir eru búnir að stinga upp á að ef gáta er ráðin frá miðnætti til hádegis muni ég setja inn nýja eftir hádegið. Þetta hefur verið samþykkt.

 

Svar mun verða staðfest þegar rétt svar er komið, ef ekki kemur rétt svar fyrir klukkan 22.00 sama dag mun bloggari birta svarið í færslunni.

Athugasemdir

[Sigfús Sigurþórsson., 16.4.2007 kl. 15:38]

Nei ekki er það rétt meistari Gunnar Þór, svarið er ánægjulegra orð.

[Sigfús Sigurþórsson., 16.4.2007 kl. 15:57]

Hahahaha, já einmitt, svarið er: Skot.

Góóóðuur Gunnar Þór.