Trúir einhver því að fátæktinni verði eytt á næsta kjörtímabili?

Við þessa frétt á Mbl. er nákvæmlega eingu að bæta, bara ein spurning. Trúir því einhver að henni (fátæktinni) verði eytt á næsta kjörtímabili?

Krafan 1. maí að fátækt verði útrýmt á Íslandi

„Það er krafa dagsins að fátækt verði útrýmt í einu ríkasta landi veraldar," segir í ávarpi fulltrúaráðs verkalýðsfélaganna í Reykjavík, BSRB, Bandalags háskólamanna, Kennarasambands Íslands og Iðnnemasambands Íslands í tilefni af baráttudegi verkamanna, 1. maí.

Í ávarpinu segir, að á tímum aukins misréttis og vaxandi ójafnaðar í tekjuskiptingu þjóðarinnar sé mikilvægt að launafólk snúi bökum saman til að bæta kjör launafólks og vinna að því að útrýma fátækt í landinu. Yfir 5000 börn á Íslandi lifi undir fátæktarmörkum og bilið milli ofurlaunamanna og þeirra sem lifa á almennum launakjörum breikkar stöðugt. Þeir sem hafi lifibrauð sitt af fjármagnstekjum búa við allt aðra skattlagningu en almennt launafólk. Þetta misrétti í launa- og skattamálum verði að uppræta.

Þá þurfi að gera stórátak í að bæta kjör aldraðra og öryrkja og mikilvægt sé, að draga úr tekjutengingu bóta.

Baráttufundir í tilefni dagsins verða um allt land. Í Reykjavík verður safnast saman á Hlemmi kl. 13 en gangan leggur af stað kl. 13:30 niður Laugaveg á Ingólfstorg þar sem útifundur hefst klukkan 14:10. Þar mun Grétar Þorsteinsson, forseti ASÍ, m.a. flytja ávarp.

	Ávarp í tilefni af 1. maí Dagskrá Einingar-Iðju á Akureyri

 

 

Krafan 1. maí að fátækt verði útrýmt á Íslandi

Athugasemdir

[Fannar frá Rifi, 30.4.2007 kl. 20:36]

Til að útrýma fátækt þurfum við að skilgreina hana.

Er fátækt að þurfa að svelta heilu daganna?

Er fátækt að geta ekki átt efni á nýju leikjatölvunni og kept nýtt plasma sjónvarp?

Hvaða skilgreiningar notum við? Ef við notum skilgreininguna sem koma hérna í vetur að fátækasti hluti þjóðarinnar eru þau 5% sem hafa minnstu tekjurnar. Það er fólkið með 5% lægstu launinn. ef fátæktin er skilgreint svona þá verður henni aldrei útrýmt því það verða alltaf einhverjir 5% prósent sem hafa minna en aðrir.

 1 spurning. eru þetta 5000 börn eða eru þetta 5000 tilkynningar um börn? ég spyr hvort hver tilkynning um barn sem býr í fátækt sé talinn sem eitt sérstakt barn.

En jú það þarf auðvitað að bæta kjörinn. Núna þegar við getum það eigum við að gera það.

1 gullmoli í lokinn:

Það verður aldrei hægt að útrýma vandamálum. með lausn eins vandamál kemur upp annað.  

[Geiri 30.4.2007 kl. 22:47]

Lægri stétt verður alltaf nauðsynleg samfélaginu, henni á ekki að reyna að útrýma. Annars trúi ég því að raunveruleg fátækt á Íslandi nái til 100 manns í mesta lagi. Hinsvegar er tilhneiging í dag til þess að flokka alla fátæka sem ekki eiga efni á flatskjáum eða tískufötum. Sá sem hefur þak yfir höfuðið og mat á borðinu er ekki fátækur, þetta eru fátæktarstaðlarnir sem hafa verið í flestum samfélögum í þúsundir ára. Ég trúi því að einstaklingurinn eigi að bera ábyrgð á eigin afkomu, ef ríkið starfar sem pottþétt öryggisnet þá minnkar það allan hvata í samfélaginu og þráðurinn að gefast upp verður styttri.

[Sigfús Sigurþórsson., 2.5.2007 kl. 06:24]

Það er sko mikið til í þessu spakmæli Fannar, að með einni lausn í svona málum, verður til annað vandamál, og gætu orðið fleyri.

Að sjálfsögðu þarf að bæta kjör þeirra verst settu, finna út hverjir það eru sem í raun eru verst stödd, fátækt er teigjanlegt hugtak eins og komið hefur fram.