Það borgar sig greinilega að vera alltaf fullur.

 

Íslendingurinn var fullur, eins og vera bar, og það bara bjargaði lífi hanns.

Hvað er svo eiginlega verið að predika edrúmennsku?

 

Fréttin á Mbl.: Réttarhöld hófust í gær í Danmörku yfir 26 ára gömlum Dana, sem ákærður er fyrir manndrápstilraun með því að hrinda íslenskum jafnaldra sínum fyrir lest á Nørreport lestarstöðinni í Kaupmannahöfn í ágúst í fyrra. Íslendingurinn slapp með skrámur og þótti það ganga kraftaverki næst.

Að sögn Ekstra Bladet viðurkenndi Daninn, sem heitir Jonatan Falk, fyrir Eystra landsrétti í gær að hafa ýtt Íslendingnum fyrir lestina en neitaði að hann hefði ætlað að ráða honum bana.

Vitni, leigubílstjóri og farþegi hans, bera hins vegar að Falk hafi komið hlaupandi inn í bílinn og boðið bílstjóranum hass fyrir að aka sér á brott. Segja vitnin, að Falk hafi sagt að hann hefði lent í slagsmálum og óskaði þess að sá sem hann var að slást við væri dauður.

Bæði Falk og Íslendingurinn voru heimilislausir í Kaupmannahöfn þegar þessi atburður gerðist. Ekstra Bladet segir, að áfengismagn í blóði Íslendingsins hafi verið 3,9‰ þegar þessir atburðir gerðust og það kunni að skýra hvers vegna hann slapp jafn vel og raun bar vitni.

 

Réttað yfir Dana sem hrinti Íslendingi fyrir lest

Athugasemdir

[Kristín Katla Árnadóttir, 20.6.2007 kl. 21:28]

Já Sigfús það er sennilega skýringin.

[Sigfús Sigurþórsson., 20.6.2007 kl. 21:45]

Alveg pottþétt, það er alveg ljóst að við lifum miklu lengur blindfull, allavega lifum við slysum, eða mér sýnist það allavega.

[Sóldís Fjóla Karlsdóttir, 21.6.2007 kl. 09:53]

Brennivínið hefur sjáanlega bjargað landanum í þetta skiptið.

[Sigfús Sigurþórsson., 21.6.2007 kl. 11:20]

Já, svo er allavega að sjá á fréttinni.

Allavega slapp karlgreyið fyrir horn, þarna hefur greinilega litlu mátt muna.

[Ester Sveinbjarnardóttir, 21.6.2007 kl. 13:35]

Ég heyrði líka sögu af manni sem var drukkinn á hestbaki, hann féll í á og var bjargað frá druknun af snarræði samferðamanna sinna.  Það var læknir með í för og hann var spurður hvort maðurinn hefði drukknað, en læknirinn svarar... það er ekki hægt að fylla það sem er fullt.

Ég tel samt þó edrúmennska sé lífshættuleg, þá bjóði hún uppá betra líf á meðan því stendur.

[Birna Dis Vilbertsdóttir 21.6.2007 kl. 14:40]

Varð brennivínið ekki þess valdandi að honum var hrint? Var "hrindarinn" ekki fullur líka? Svo þetta er trúlega svipað og með hænuna og eggið, hvort kom á undan?

[Sigfús Sigurþórsson., 21.6.2007 kl. 14:42]

hahahaha, nei það er alsekki hægt að fylla það sem fullt er, góð Ester.

já það er allavega mín skoðun, að lífið er bettra án vímugjafanna, þótt margur vilji meina annað.

Ég tók á ákvörðun fyrir mörgum árum að ég ætlaði að eyða restinni af lífinu alsgáður, það er svo spurning hvort maður sé eitthvað betri þannig, en, maður fær meira útúr lífinu, vill ég meina, líkt og þú  nefnir.

[Sigfús Sigurþórsson., 21.6.2007 kl. 14:45]

Haha Birna Dís, hárrétt athugað hjá þér, það er einsgott að einhver komi hér og leiðrétti okkur sjóðdrukkna fólkið hér, það er að segja mig.

Ja, ef Guð skapaði hænuna, kom hænan pottþétt á undan.

[Ása Hildur Guðjónsdóttir, 22.6.2007 kl. 23:40]

já ekki mæli ég nú með brennivíninu alla vega ekki í því magni sem stráksi innbyrðir það. En það er kýrskýrt að það bjargaði honum Halla mínum í þetta skiptið þó sorglegt sé að fylgjast með drengnum

[Sigfús Sigurþórsson., 25.6.2007 kl. 01:05]

Já Ása Hildur, er hann tendur þér íslendingurinn, Halli eins og þú kallar hann, sem betur fer fór þetta öðruvísi en sökudólgurinn ætlaði, en ég geri ráð fyrir að þessi dani hafi ætlað sér illt, en ekki að þetta hafi bara verið slys.