Vísna gáta dagsins.

	Rís það úr melum, mörgum til ama margir því eyða með ráðum Sjálfstæðisflokkur þar eitt hefur sama síst vil ég eyða þeim báðum   Svar óskast (og helst höfundarnafn) -
		Rétt svar er: Lúpína Rétt svar barst kl.: 11.25 Rétt svar gaf: Gunnar Þór Jónsson Höfundur gátu: SigfúsSig.
	Vísnagáturnar og gátur sem birtast á þessari bloggsíðu eru eftir hina og þessa höfunda, og mig sjálfan, óskað er eftir svari og eins höfundanafni, svar telst hinsvegar rétt þótt höfundarnafn vanti, enda mun það klárlega koma fyrir hjá mér að ég viti ekki höfundarnafnið á öllum gátum sem hér birtast. Ekki er neinn sérstakur tímarammi á innsetningu á gátum né svörum við athugasemdum.   Öllum eru velkomið að þreyta Vísnagáturnar, og koma með svör og svar tillögur í gátur þær sem birtast hér á partners.blog.is Aðal vísnagátan mun birtast að kvöldi dags, fyrir hvern dag hér á partners.blog.is en undanfarna mánuði hafa þær verið settar inn á ýmsum tímum sólahringsins, undantekning getur þó komið fyrir.   Einnig eru líkur á að aukagátur verði settar inn í Athugasemdir, eftir að rétt svar hefur borist í síðustu gátu hverju sinni.

Athugasemdir

[Sigfús Sigurþórsson., 6.9.2007 kl. 11:55]

Hárrétt Gunnar Þór, ekki er að spyrja að því.

[Sigfús Sigurþórsson., 6.9.2007 kl. 11:55]

 

 

 

Sá eg nokkrar settar mær,

sumra ferðir hindrar það,

ákaft hlaupa áfram þær,

er þó hver í sama stað.

 

[Sigfús Sigurþórsson., 6.9.2007 kl. 18:36]

Og það er að sjálfsögðu rétt Gunnar Þór.

Rétt svar er: Ár/Fallvötn

Rétt svar barst kl.: 13.13

Rétt svar gaf: Gunnar Þór Jónsson.

Höfundur gátu: "Ókunnur"

[Sigfús Sigurþórsson., 6.9.2007 kl. 18:40]

 

 

Hiti er inni, og hleðst hann upp þar

hefur hann verk þar að vinna

stundum þá hest, eða kind sem að bar

stundum er allt sett á pinna.

 

    

[Ása Hildur Guðjónsdóttir, 6.9.2007 kl. 21:21]

Grillið

[Sigfús Sigurþórsson., 7.9.2007 kl. 08:39]

Alveg hárrétt Ása Hildur.

Rétt svar er: Grill/Ofn

Rétt svar barst kl.: 21.21

Rétt svar gaf: Ása Hildur Guðjónsdóttir.

Höfundur gátu: SigfúsSig.