Vísna gáta dagsins.

	Undir og yfir, skín eitt skart skín oft í myrkri um nætur sum eru dýr og ferlega smart skína og þurfa ekki fætur   Svar óskast (og helst höfundarnafn) -
		Rétt svar er: Loftljós Rétt svar barst kl.: 18.02 Rétt svar gaf: Gunnar Þór Jónsson Höfundur gátu: SigfúsSig.
	Vísnagáturnar og gátur sem birtast á þessari bloggsíðu eru eftir hina og þessa höfunda, og mig sjálfan, óskað er eftir svari og eins höfundanafni, svar telst hinsvegar rétt þótt höfundarnafn vanti, enda mun það klárlega koma fyrir hjá mér að ég viti ekki höfundarnafnið á öllum gátum sem hér birtast. Ekki er neinn sérstakur tímarammi á innsetningu á gátum né svörum við athugasemdum.   Öllum eru velkomið að þreyta Vísnagáturnar, og koma með svör og svar tillögur í gátur þær sem birtast hér á partners.blog.is Aðal vísnagátan mun birtast að kvöldi dags, fyrir hvern dag hér á partners.blog.is en undanfarna mánuði hafa þær verið settar inn á ýmsum tímum sólahringsins, undantekning getur þó komið fyrir.   Einnig eru líkur á að aukagátur verði settar inn í Athugasemdir, eftir að rétt svar hefur borist í síðustu gátu hverju sinni.

Athugasemdir

[Kristín Katla Árnadóttir, 7.9.2007 kl. 11:04]

Hehe er sammála Gunnari

[Fannar frá Rifi, 7.9.2007 kl. 11:27]

úr eða réttara sagt tölvuúr? Vekjaraklukka jafnvel?

[Sigfús Sigurþórsson., 7.9.2007 kl. 12:19]

 Heil og sæl aftur Fannar og Kristín (Meistara Gunnari Þór var ég búinn að heilsa)

Ekki er neitt af þessu rétta svarið, þótt alveg væri hægt að nota.

Þetta er öllu stærra stykki, og alsekki á ferðinni, nema þá í bílum, skipum og þessháttar.

Betur má ef duga skal.

[Fannar frá Rifi, 7.9.2007 kl. 14:13]

Kastarar? ljóskastarar?

[Sigfús Sigurþórsson., 7.9.2007 kl. 14:22]

Ég vill meina að þokuljós og ljóskastarar geti staðið á fæti, eða fótum - -skína og þurfa ekki fætur - - (og hafa aldrei fætur) 

[Fannar frá Rifi, 7.9.2007 kl. 15:10]

Er þetta þá kannski endurskynsmerki?

[Sigfús Sigurþórsson., 7.9.2007 kl. 17:41]

Nei Fannar, þetta er hlutur sem inni er á hverju einasta heimili, hverju einasta herbergi hjá þér, allavega flestum, einnig í fyrirtækjum og víðar.

Undir ????? hverju? og yfir ???? hverju? og það lýsir stundum.

skína og þurfa ekki fætur.

[Sigfús Sigurþórsson., 7.9.2007 kl. 17:42]

Hahaha,,, kallinn bara drjúgur í dag, haha, þú ert ávallt góður Gunnar þór og léttur í lund.

[Sigfús Sigurþórsson., 7.9.2007 kl. 18:24]

Já djúpur,,,, svona er það þegar maður les bara með öðru auganu.

Þarna kom svarið,,, Loftljós er svarið.

[Sigfús Sigurþórsson., 7.9.2007 kl. 18:41]

 

 

Ég er hvorki ýlt né ljótt,

og allra hressing manna,

þó er ég einkum notað um nótt

í nauðum aumingjanna.

 

    

[Fannar frá Rifi, 7.9.2007 kl. 18:48]

hmmmm. ekki áttu kannski við áfengi???

[Sigfús Sigurþórsson., 7.9.2007 kl. 18:57]

Nei Fannar, ekki er þetta áfengi, þetta er öllu hollara og bráðnauðsinlegt öllu fólki, ungum sem gölum.

[Sigfús Sigurþórsson., 7.9.2007 kl. 19:47]

Heyrðu, ekki tók ég eftir þessu kappi, og las þó gátuna yfir nokkrum sinnum á meðan ég var að reyna að fatta hana, en þetta er bara einhver prentvilla hjá þeim sem skráðu gátuna inn.

Já einmitt, þótt um aumingja væri að ræða

Rétt svar við vísnagátu í ATHS 15 er: Rúm

Rétt svar barst kl.: 19.33

Rétt svar gaf: Gunnar Þór Jónsson. 

Höf. gátu: J.B.

[Sigfús Sigurþórsson., 7.9.2007 kl. 20:01]

 

 

 

Velta þeir um víðan heim
Vísur orti snjallar
Óhreinu börnin enduðu í þeim
Eru í veggjum hallar.

    

[Sigfús Sigurþórsson., 7.9.2007 kl. 21:38]

Akkvurat, seinn/steinar er rétta svarið, og er þetta nokkuð gömul gáta, samt finn ég ekki hver er höfundurinn að henni, svo ef þú, eða einhver annar hvefur höfundarnafnið væri vel þegið að fá það.

Rétt svar við vísnagátu í ATHS 20 er: Steinar

Rétt svar barst kl.: 20.26

Rétt svar gaf: Gunnar Þór Jónsson. 

Höf. gátu: Ókunnur

 

.

Ps. Gunnar Þór, ATH, ávísun til þín í Athugasemdum í fyrradag.

[Sigfús Sigurþórsson., 7.9.2007 kl. 21:52]

 

 

 

Kaldur, harður og mýkist hratt

hefur hann nafna í fjöllum

oft er í lit og rís nokkuð bratt

orðið er frægt á þeim öllum.

 

[Sigfús Sigurþórsson., 7.9.2007 kl. 23:10]

Þú ert meistari Málfríður gátubrjótur.

Rétt svar við vísnagátu í ATHS 24 er: Ís

Rétt svar barst kl.: 22.08

Rétt svar gaf: Máfríður Hafdís Ægisdóttir. 

Höf. gátu: SigfúsSig.

 

[Sigfús Sigurþórsson., 7.9.2007 kl. 23:37]

Leitð var eftir orði,,,,, orðið jökull er hvorki meyra né minna en JÖKULL - orðið ís er ís

[Sigfús Sigurþórsson., 7.9.2007 kl. 23:54]

 

 

 

Karl einn stundum sýnist mér

svakalega feiminn

sýnir hann stundum hliðina á sér

hefur samt séð allan heiminn.

 

[Sigfús Sigurþórsson., 8.9.2007 kl. 01:22]

Jæja kappi, er erfitt að sjá að Málfríður var greinilega með réttara svar, ég allavega er ekki í nokkrum vandræðum með það.

[Svava frá Strandbergi , 8.9.2007 kl. 11:00]

Sniðugar vísnagáturnar þínar, en mér hefur aldrei tekist að ráða þær.

[Sigfús Sigurþórsson., 8.9.2007 kl. 11:19]

Hahaha, ekki örvænta með það, ef fylgst er með gátum og svörum í dálítinn tíma lærist þetta og æfist, þannig er það hjá öllum, þótt sumir hafa þetta meira í sér en aðrir, þá geta þetta allir.

Og þar sem þú ert nú mjög skemmtilegt skáld og mikill listamaður tel ég að þetta kæmi fljótt hjá þér Guðný.