Er hún sjúk og eða hjónadjöfull?

Fyrrum meint viðhald Beckham ekki búin að gefast upp!

Eitthvað mikið hlýtur nú að vera í gangi hjá þessari manneskju, ekki er ég í vafa um að Beckham sé með kynþokkafyllstu körlum síns tíma, en fyrr má nú rota en steinrota., þótt hér sé um glæsilega píu að ræða.

 Mbl. 14/4 04 Ástralska blaðið Herald-Sun hefur fregnir þar sem haft er eftir ónafngreindum vinum Söruh að hún sé haldin þráhyggju gagnvart David og að þeir efist um að um raunverulegt samband hafi verið að ræða.

Brereton segir að Sarah sé í tilfinningalegu uppnámi og að hún sé ekki að sækjast eftir peningum með fullyrðingum sínum. Þá segist hann telja að með uppljóstruninni sé Sarah að gera upp fortíð sína og atburð sem hafi breytt lífi hennar. Sarah hefur sagt að hún hafi upplýst málið vegna þess að hún hafi beðið með líf sitt í tvö ár og beðið eftir Beckham vegna þess að hann hafi sagst elska hana.

Loos segist hafa breytt rangt

Loos ræddi við fréttamann bresku sjónvarpsstöðvarinnar Sky One á Spáni. Hún segist hafa breytt rangt með athæfinu en að hún vilji verja mannorð sitt og tjái sig þess vegna um málið.

„Fólk segir mig vera lygara og uppnefnir mig,“ segir Loos. „En þetta er það sem gerðist, þetta eru staðreyndirnar, þetta er sannleikurinn. Ég ætti ekki að skammast mín. Það var rangt af mér að gera þetta, ég veit það, en þetta gerðist og ég ætla að ekki að lifa í lygi það sem eftir er ævinnar.“

Beckham og eiginkona hans, Victoria, hafa vísað fullyrðingum Loos á bug og segja þær fáránlegar.

Viðtalið við Loos verður sent út á Sky annað kvöld. Sjónvarpsstöðin hefur ekki viljað tjá sig um að Loos hafi fengið greidda hálfa milljón punda, eða rúmar 60 milljónir króna fyrir viðtalið, eins og bresk blöð fullyrða. Einnig var fullyrt, að Loos hefði fengið háa upphæð greidda fyrir viðtal sem hún veitti blaðinu News of the World um síðustu helgi.

Og ekki lét pían þetta nægja,

Mbl. 13/7 07  Í sumar lét mærin hafa eftir sér eftirfarandi: “Á vissan hátt ættu þau að vera þakklát fyrir að þetta skyldi koma upp,” segir hún í viðtali við breska blaðið Daily Star. “Það gerði þau sterkari. Nú tala þau jafnvel um að eignast enn eitt barnið. Það hefur allt sinn tilgang, jafnvel slæmu hlutirnir. Ég held að hjónaband þeirra sé sterkara nú en áður. Victoria stóð með David og það er það sem skiptir mestu máli.”

Hún segist hins vegar telja að það geti reynst fótboltakappanum erfitt að standast fegurðardísirnar í Los Angeles. “Það eru íðilfagra stúlkur þar. Ég veit ekki hvort hann á eftir að hegða sér vel.

Þá segist hún ekki hafa neina sektarkennd yfir því sem gerðist. “Hann vissi hvað hann var að gera þegar hann tældi mig. Það var hann sem var kvæntur. Það var hann sem hafði gengist undir hjúskaparheitin. David er sá sem ber sökina, hvorki ég né Victoria," segir hún.

 

OG núna: Beckhamfjölskyldan hefur flutt sig vestur um haf eins og kunnugt er orðið en nú hefur fyrrum ástkona David, Rebecca Loos fylgt í humátt á eftir þeim og að sögn sænska Aftonbladet komið sér fyrir í sömu borg og þau, Los Angeles til að reyna fyrir sér sem leikkona.

Rebecca Loos vakti athygli fjölmiðla 2004 er hún opinberaði ástarsamband sitt við hinn harðgifta David Beckham. Heimildarmaður breska götublaðsins The Star lætur hafa eftir sér að Victoria sé langt frá því ánægð með að fyrrum viðhald mannsins hennar sé nú flutt til Los Angeles og segir það líkt og að nudda salti í sár sem var farið að gróa.

 

Hvað er eiginleg að þessari manneskju, hverju er hún eiginlega að sækjast eftir?

 

Ástkonan elti Beckham til Bandaríkjanna

Athugasemdir

[Sigfús Sigurþórsson., 19.9.2007 kl. 15:21]

Já Gunnar, það er það sem mér datt í hug, þetta er svolítið vond staða hjá henni þar sem þarna er um frægt fólk að ræða, þannig að þetta verður svo áberandi hjá henni, en hver veit hún er máské líka með athyglissýki.

[halkatla, 19.9.2007 kl. 15:57]

einsog mikið Posh gamla fer í taugarnar á mér þá fer þetta lauslætiskvenndi enn meira í mínar fínustu, og jamm, hef enga skoðun á Beckham og er sama hvort að hann heldur framhjá eða ekki

[Sigfús Sigurþórsson., 19.9.2007 kl. 20:16]

Já Anna Karen, mér er líka slétt sama, um þau bæði, var eingöngu að velta því fyrir mér hvað sjúkdómi þessi Rebecca Loos væri haldin.