Vísnagáta dagsins 30 sept.

	Öllum eru velkomið að spreyta sig á vísnagátum þeim sem hér birtast á partners.blog.is, og koma með svör og svar tillögur.   Svartillögur og rétt svör birtast í Athugasemdum. Ef ráðning gátu gengur illa, er tilvalið hjá fólki að óska eftir vísbendingu.
			Gyrt er ístran, gyrtir rassar gerði oft unga reiða stundum laus, sem gera trassar sett opt undir breiða. . Svar óskast, og helst höfundarnafn. (Rétt svar er fullgilt þótt höfundarnafn vanti.)
		Vísnagáturnar og gátur sem birtast á þessari bloggsíðu eru eftir hina og þessa höfunda, og mig sjálfan, óskað er eftir svari og eins höfundanafni, svar telst hinsvegar rétt þótt höfundarnafn vanti, enda mun það klárlega koma fyrir hjá mér að ég viti ekki höfundarnafnið á öllum gátum sem hér birtast. Ekki er neinn sérstakur tímarammi á innsetningu á gátum né svörum við athugasemdum.   Einnig eru líkur á að aukagátur verði settar inn í Athugasemdir, eftir að rétt svar hefur borist í síðustu gátu hverju sinni.   Allt er þetta bara til gamans gert, og veltum við okkur ekki alltof mikið uppúr bragfræði reglunum.   Vísnagátur eru vel þegnar, hver sem höfundur þeirra er og sendist þá á [e-mail]

Athugasemdir

[Sigfús Sigurþórsson., 30.9.2007 kl. 18:41]

Og hér set ég inn auka vísnagátu, áður byrt 29/9

Regnið á bylur, linnu laust

lætur ei undan síga

sést þá mest, við skóla um haust

stórmál að skíta og míga 

------------------------------

Svar óskast, og helst höfundarnafn.

(Rétt svar er fullgilt þótt höfundarnafn vanti.)    

[Sigfús Sigurþórsson., 30.9.2007 kl. 19:01]

Ekki var kappinn í nokkrum vandræðum með þetta, og snöggur að.

Rétt svar er: Hnakkur.

Rétt svar barst kl.: 18.52

Rétt svar gaf: Gunnar Þór Jónsson

Höfundur gátu: SigfúsSig.

[Sigfús Sigurþórsson., 30.9.2007 kl. 19:02]

Rétt svar við vísnagátu í ATHS 1 er: Regngalli.        

Rétt svar barst kl.: 18.52

Rétt svar gaf: Gunnar Þór Jónsson 

Höfundur gátu: SigfúsSig.

[Sigfús Sigurþórsson., 30.9.2007 kl. 19:06]

Tíð er farin tengi leið

telja oft nokkur stykki

opt er brött en ekki breið

bölvum miklu flykki

------------------------------

Svar óskast, og helst höfundarnafn.

(Rétt svar er fullgilt þótt höfundarnafn vanti.)   

[Sigfús Sigurþórsson., 30.9.2007 kl. 19:46]

Og þessi er frá 27/9 og er enn óleyst, svo við bara endurvekjum hana hér.

 

Bræður með striga, á vellinum sjást

sérlega léttir og fínir

sjást líka oft, þar sem fólk að kljást

skaði ef öðrum þú tínir.

[Gunnar Kr., 30.9.2007 kl. 23:52]

#7 Strigaskór/íþróttaskór

[Gunnar Kr., 1.10.2007 kl. 09:32]

#6 Fjallvegur eða jafnvel fjárleið

[Sigfús Sigurþórsson., 1.10.2007 kl. 17:24]

ATHS 7 er Strigaskór, glæsilegt hjá þér Gunnar Kr.

Rétt svar við vísnagátu í ATHS 7 er: Strigaskór.        

Rétt svar barst kl.: 23.52 

Rétt svar gaf: Gunnar Kr. 

Höfundur gátu: SigfúsSig.

[Sigfús Sigurþórsson., 1.10.2007 kl. 17:28]

Svörin hjá ykkur Gunnar Þór og Gunnar Kr. við gátu í ATHS 6 er ekki rétt, gæti hinsvegar hægleg átt við.

Þetta er "yfirleitt" innanhúss, þó alsekki óalgengt utanhúss.

Aldrei lóðrétt, og aldrei lárétt.

[Gunnar Kr., 1.10.2007 kl. 18:06]

Já, áttu við tröppur, stiga eða annað slíkt sem tengir saman hæðir í húsi?

[Sigfús Sigurþórsson., 1.10.2007 kl. 18:40]

Góóóður.

Rétt svar við vísnagátu í ATHS 6 er: Stigi (í td. stigagangi húsa) 

Rétt svar barst kl.: 18.06  

Rétt svar gaf: Gunnar Kr. 

Höfundur gátu: SigfúsSig.

[Gunnar Kr., 1.10.2007 kl. 18:45]

Sigfús hlýtur að vera svo upptekinn að ég held að það sé best að auka ekki á ok hans í bili, svo ég tek mér það bessaleyfi að skella hér inn vísnagátu úr ORÐABRELLUM:

Horfir á og hefur gaman,
hátt á fjalli merki sendir.
Hreiður fjölda fugla saman,
fýlulegur blástur hendir.

Eitt lykilorð liggur í hverri línu, en fjórar mismunandi merkingar, því lykilorðið fær mismunandi forskeyti. 

[Gunnar Kr., 1.10.2007 kl. 18:46]

Ah... þá mætti kappinn, um leið og köttur sást í bóli bjarnar... 

[Sigfús Sigurþórsson., 1.10.2007 kl. 18:50]

Sá eg standa stoðir tvær

og stúlku nafn í milli,

fuglinn einn þar flökti nær,

frílega svo haldi þær,

þegnar búa þar inn í með snilli.

------------------------------

Svar óskast, og helst höfundarnafn.

(Rétt svar er fullgilt þótt höfundarnafn vanti.)  

[Sigfús Sigurþórsson., 1.10.2007 kl. 18:51]

Hahaha góður, köttur sást í bóli Bjarna

[Sigfús Sigurþórsson., 1.10.2007 kl. 18:55]

En þetta varðandi innsetningu gátu þinnar, er flott mál,,,, hef áður minnst á að ég sé hlyntur því að þeir sem eru að reyna við gátur hér og koma með svartillögur, skelli inn gátum með mér.

Svo nú bara höfum við tvær í gangi, og ætla ég mér nú að leggja haus minn í bleyti hvað varðar lausnina á þinni vísnagátu.

[Sigfús Sigurþórsson., 1.10.2007 kl. 19:13]

Tengist þetta á einhvern hátt vatni Gunnar Kr. - ATHS 16

[Gunnar Kr., 1.10.2007 kl. 19:21]

Nei, ekkert vatn!

Eitt lykilorð liggur í hverri línu, en fjórar mismunandi merkingar, því lykilorðið fær mismunandi forskeyti. (Sbr. orðagátuna um daginn: Regnbogi, dýrabogi, lásbogi og Bogi róni í Spaugstofunni). En þessi gáta er sambærileg, en að sjálfsögðu annað lykilorð.

[Sigfús Sigurþórsson., 1.10.2007 kl. 19:34]

En hvað með VARP?

[Gunnar Kr., 1.10.2007 kl. 19:42]

Þar hittirðu naglann á höfuðið Sigfús! Ekki lengi að því!

Sjónvarp, endurvarp, fuglavarp og andvarp.

[Sigfús Sigurþórsson., 1.10.2007 kl. 20:00]

Hahaha, ANDVARP - ég var sko alsekki að fatta síðustu hendinguna,.

[Sigfús Sigurþórsson., 1.10.2007 kl. 20:04]

Rétt svar við vísnagátu í ATHS 16 er: Varp - Sjónvarp, endurvarp, fuglavarp og andvarp

Rétt svar barst kl.: 19.34

Rétt svar gaf: SigfúsSig. 

Höfundur gátu: Gunnar Kr.

[Sigfús Sigurþórsson., 1.10.2007 kl. 20:27]

Gunnar Kr. ég var komin með netfangið þitt, en er nú búinn að tína því, og finn ekki á síðunni þinni.

Sendu mér línu á [e-mail]