Vísnagáta dagsins 4 okt.

	Öllum eru velkomið að spreyta sig á vísnagátum þeim sem hér birtast á partners.blog.is, og koma með svör og svar tillögur.   Svartillögur og rétt svör birtast í Athugasemdum. Ef ráðning gátu gengur illa, er tilvalið hjá fólki að óska eftir vísbendingu.
			Lengi lá ég út á sjó landi náði um síðir hrakinn tekinn, einhver hjó heitið gæti víðir. . Svar óskast, og helst höfundarnafn. (Rétt svar er fullgilt þótt höfundarnafn vanti.)
		Vísnagáturnar og gátur sem birtast á þessari bloggsíðu eru eftir hina og þessa höfunda, og mig sjálfan, óskað er eftir svari og eins höfundanafni, svar telst hinsvegar rétt þótt höfundarnafn vanti, enda mun það klárlega koma fyrir hjá mér að ég viti ekki höfundarnafnið á öllum gátum sem hér birtast. Ekki er neinn sérstakur tímarammi á innsetningu á gátum né svörum við athugasemdum.   Einnig eru líkur á að aukagátur verði settar inn í Athugasemdir, eftir að rétt svar hefur borist í síðustu gátu hverju sinni.   Allt er þetta bara til gamans gert, og veltum við okkur ekki alltof mikið uppúr bragfræði reglunum.   Vísnagátur eru vel þegnar, hver sem höfundur þeirra er og sendist þá á [e-mail]

Athugasemdir

[Sigfús Sigurþórsson., 4.10.2007 kl. 07:24]

Hahaha, þú rúllar þessu upp, ekki í nokkrum vandræðum með þetta.

Rétt svar við aðalgátunni er: Rekaviður.

Rétt svar barst kl.: 07.14

Rétt svar gaf: Gunnar Þór Jónsson

Höfundur gátu: SigfúsSig.

[Sigfús Sigurþórsson., 4.10.2007 kl. 07:26]

Frá mér líður gráleit loft

Líður í margskonar myndum

Þá hef ég skaðað skinnið oft

Sést líka oft yfir lyndum.

------------------------------

Svar óskast, og helst höfundarnafn.

(Rétt svar er fullgilt þótt höfundarnafn vanti.)    

[Sigfús Sigurþórsson., 4.10.2007 kl. 07:29]

Föst er í báða, og ekkert fer

finn fyrir tveimur löndum

svo er ég líka stíf og þver

stundum hangi í böndum.

------------------------------

Svar óskast, og helst höfundarnafn.

(Rétt svar er fullgilt þótt höfundarnafn vanti.)    

[Sigfús Sigurþórsson., 4.10.2007 kl. 18:22]

Hahaha, ég er nokkuð viss um að þú hefur svörin kappi, já sjáum hvort aðrir hafi áhuga á að spreyta sig.

[Sigfús Sigurþórsson., 5.10.2007 kl. 07:20]

Hárrétt kappi.

Rétt svar við vísnagátu í ATHS 3 er: Heitt vatn.        

Rétt svar barst kl.: 07.10

Rétt svar gaf: Gunnar Þór Jónsson 

Höfundur gátu: SigfúsSig.

[Sigfús Sigurþórsson., 5.10.2007 kl. 07:21]

Rétt svar við vísnagátu í ATHS 4 er: Brú.        

Rétt svar barst kl.: 07.10

Rétt svar gaf: Gunnar Þór Jónsson 

Höfundur gátu: SigfúsSig.