Sjáfstæðismenn gefa afdráttalaust svar, en Samfylkingin?

Þá byrjar maður aðeins á blogginu í morgunsárið, yfir kaffibollanum og blaðalestrinum.

í víkurfréttum er að sjálfsögðu rætt um stækkun álversins, hver er skoðun hvers en það bara eru ekki ALLIR með skoðun!

SigfúsSig.

Ekki vitlaust.

Hversu vitlaust væri að setja upp öryggismyndavélar í strætisvögnum? allavega á höfuðborgarsvæðinu.

SigfúsSig.

Meintur barnaníðingur og morðingi handtekinn

Nú tekur enginn eftir þessu!

Nú eru allir svo uppteknir af lækkuninni sem að að byrja að skila sér í dag, sem ég reyndar tel að enginn komist hjá að framkvæma, þar sem umræðan er búin að vera eins mikil og raun ber vitni og búið opinberlega að hvetja fólk til að fygjast með.

Og vegna þess hve við erum upptekin af þessu fljóta fréttir bara fram hjá okkur.

Verðbólga næst mest á Íslandi á EES-svæðinu

Verðbólga á Evrópska efnahagssvæðinu var að meðaltali 2,2% árið 2006 sem er það sama og árið á undan. Mest verðbólga á svæðinu var í Lettlandi þar sem hún var 6,6% en næst mest var hún á Íslandi 4,6%.
 

Mun veskið okkar nokkuðp finna fyrir lækkuninni eftir nokkra daga-vikur?

SigfúsSig.

Skrípaleikur í réttarsölum!

Ég var að lesa ljóð og ljóðaummæli í gærkvöldi og bentu ein ummælin á þetta ljóð hér fyrir neðan.

 Skrípaleikur í réttarsölum!

“Rauði-Boli,” og “réttarpratinn,”
rumdu, tóró er í matinn!
“Rollu-Mási,” rassinn skók
rauðmálaðan í engri brók.

Nú er “Rollu-réttur,” settur,
“Rauna-steini,” tekur fettur.
Eymir nið’rúr andans gati
ansi er heitt í vaskafati.

“Rauði-boli,” réttarskítur
reiðilega á hann lítur.
Titra hendur tóró lekur
Tærnar oní vaskið skekur.

Er “Stóridómur,” stóð í fati
Stunið gat loks réttarmati:

“Rollu-Mási,” réttarsmalinn,
reynist ekki vera galinn!!!
Glæpir eru gjæðavara,
góði Logi ekki fara!!

-Dómavendni er Saksóknara!
Sýnist þetta gæðavara,
segir bara: “Sá var góður!
Sýslumaður stéttarfrómur!”

Ráðaneytið í rass sér tók!
Rautt var líka þar í brók.
Rjóður brosir ráðherrann:
“Rétt var það og guðsblessann.”

Einar Sigfússon.
1942-

Ég bara varð að koma þessu að hér, finnst þér þetta ekki vera snilld?

SigfúsSig.

Grófar aðgerðir!

Er þetta nú ekki of langt gengið, eða þetta kannski var bara óvart, ekki hefndaraðgerðir.

Rafmagn komið á í Kópavogi

Hætta að reykja, drekka meyra!

Þetta er klárlega góð lausn fyrir reykingarfólk, það þarf ekki að vera að taka neina reykingarpásur, bara fá sér einn.

Fjarlægðu fljótandi nikótín

SigfúsSig.

Skondið.

Rúnar Júl og María ganga í eina sæng í dag.

Rúnar og María hafa aldrei gifst í öll þessi ár en fyrir um tveimur árum síðan gaf Rúnar út þá yfirlýsingu á Fjörukránni í Hafnarfirði að hann ætlaði að biðja Maríu að giftast sér þegar hún yrði sextug.

Og viti menn og konur, María er sextug í dag og brúðkaup verður eins og Rúnar hafði tilkynnt þarna um árið.

Brúðkaup þeirra fer fram í Keflavíkur kirkju.

Skondið.

SigfúsSig.

Hver er mesta ástæða svifriksins?

Ég var að tala við skólabílstjóra dóttur minnar og spurði ég svona í gríni hvort svifrikið væri mikið í

dag, hló hann þá dátt þessi bílstjóri sem hefur verið í akstri í marga tugi ára og sagði; Þessir andsk#"$$%%& salta og sanda göturnar eins og þeir eigi lífið að leysa, við hverju búast þeir eginlega? tilvitnun lokið.

Mér er spurn, var þetta aðalega mold, sandur og saltmengun? og er verið að hræða fólk frá naglanotkun?

SigfúsSig.

Rykmaurar friðaðir?

Kristinn Petursson skrifar frábæra grein á blogginu 27/2 07 Svo fæ ég engan botn í að fólk vilji ekki almennilegan veg yfir Kjöl með slitlagi!  Penan veg - lítið upp byggðan - svona rétt eins hann hafi "dottið ofan úr loftinu" - óvart!

SigfúsSig.

Flokkar fyrir ALLA hagsmunahópa?

Ég var aðlesa grein morgunblaðsins Stefnt að stofnun nýs stjórnmálaafls: og varð hugsað til þess með hryllingi ef ALLIR hópar sem telja sínum málum ekki borgið fari í sérframboð.

Ég tek það skírt fram að ég tel mikið ávanta að öryrkjum, fötluðum og öldruðum séu við sama borð og "aðrir" og eins og vinir mínir og kunningjar vita hef ég alloft ljáð máls á því síðustu misserin, en er þetta rétta leiðin?

Margir hagsmunahópar munu skoða þetta ef fram fer sem horfir.

 

Af hverju geta þeir ekki eignast forsvarsmenn í einhverju flokknum sem fyrir er? gæti það ekki verið sterkara? hvað er því til fyrirstöðu?

Það sem ég er að velta fyrir mér líka er að ef allir hópar sem telja sig beitta misrétti eða eru ekki ánægðir með kjör sín stofna nýjan stjórnmálaflokk, hvernig í ósköpunum verða kosningar á íslandi þá? 6 eða 8 flokka stjórn?

 

Ég er hrifin af flestu sem stendur í fréttinni en spyr þig, er þetta rétta leiðin og er þetta eina leiðin?

SigfúsSig.

Ljótleika aðgerðir!

Á meðan þú leitar að aðferð til að ná því fegursta fram í andliti þínu og líkama þá: >Smella hér<

SigfúsSig.

Ræður atkvæðafjöldinn bak við vandana úrslitum?

 Verkefni til úrlausnar á vanda fatlaðra barna hafa ávalt verið mörg og margvísleg og er einmitt góð grein um einn slíkan vanda á forsíðu Fréttblaðsins í dag, þetta óásættanlega vandamál er alsekki bara að koma upp núna, foreldrar eru bara orðnir þreyttir á hægagangi einhverra lausna.

Á síðastliðnu ári og eins á því sem nú er byrjað hefur þó nokkuð verið talað um að það sé veriðað taka á þessum vanda, ekki efast ég nú um það, en af hverju gengur það svona óskaplega hægt?

Talað er um að stefnt sé að því að þessi vandi verði komin í lag næsta haust, ég spyr nú bara AF HVERJU EKKI FYRR EN NÆSTA HAUST.

Hvað er það sem þarf að tefja lausn þessa máls?

Hvað í ósköpunum gerir þessa úrlausn svona erfiða?

Þarf að ráð fólk? já að sjálfsögðu.

Þarf húsnæði? já að sjálfsögðu og húsnæði eins og til dæmis hjá sveitarfélögunum á höfðuborgarsvæðinu upp á tugi ef ekki hundruð milljarða stendur ónotað, kostnaður fylgir þessum kofum þar sem kynda þarf húsin og tryggja, af hverju ekki að nýta þessa steypuhauga?

 

Ég held að aðalástæða fyrir hægagangi á ýmsum málum fatlaðra og þá þá sérílagi fatlaðra barna sé að það eru svo FÁ ATKVÆÐ á bak við þessi börn.

Flokkar eru ekkert spenntir fyrir að gera þetta mál að einhverju baráttu máli, sumir eru jú með SUM þessara mála á stefnuskrá sinni, en smærri hópar í fötlunarmálum eru ávallt látin dragast, liggja á hakanum.

 

Ég er sem sagt forvitinn um það hvað það er sem er svona mikið mál að lausnin á dagvistun ALLRA fatlaðra barna þurfi að dragast þangað til þangað til þangað til osfrv., hvað er það sem stendur í vegi fyrir því að málið sé leyst einn tveir og snell.

 

Tekið skal fram að margt í þessum málum er í góðum farvegi að mínu mati, en hér erum við að tala um einstakt mál sem er vistanir veikra barna svo foreldri eða foreldrar geti til dæmis stunda vinnu og meyra lifað eins og "venjulegt fólk", einnig skal tekið fram að ég er enginn sérfræðingur á þessu sviði en tel mig hafa vit á því einfaldlega vegna þess að ég hef verið þessari aðstöðu.

 

Pólitíkusar og ráðamenn sýnið fordæmi og þrýstið þessu máli í lag, STRAX.

SigfúsSig.

Rómeo og Júlíus

Það er svo sem ekki frásögu færandi að fara í leikhús, en frá þessu langar mig að segja.

Við Guðbjörg Sól (dóttir mín 7 ára) fórum í gær (sunnudag) á leikritið Rómeo og Júlíus byggt á sögu Arnþórs Sigurðssonar í leikstjórn Sigurjóns Kjartanssonar í Loftkastalanum sem Menntaskólinn við Sund er með til sýningar þessa dagana.

Alveg magnað hvað þessir "krakkar" geta gert úr algerri steypu, samt var söguþráðurinn alveg skiljanlegur og þar að auki bráskemmtilegur að mínu mati, og 7 ára prinsessan mín fannst þetta æðislegt en hávaðinn kannski heldur mikill.

Þarna eru kringum 30 manna hópur sem leikur leikrit um strák sem lendir í draumaheimi, (eftir að hann er rotaður) mikið rugl fer af stað í þessum draumaheimi og lendir hann á einhverjum stað sem að ég held enginn hafi áttað sig á hvar var, pilturinn er að sjálfsögðu hræddur og vill komast útúr þessu rugli, heim til pabba, mömmu og systkina, hittir marga sem hann reynir að fá til að hjálpa sér út úr þessum ósköpum, hittir meyra að segja anda, sem að vísu er einhver sá kjánalegasti andi sem ég og Guðbjörg Sól höfum "augum litið" en andinn getur ekki komið drengnum heim, en bendir á að það sé einn maður sem gæti mögulega hjálpað, eftir mikinn hasar, söng og vesen kemur í ljós að þessi maður er enginn annar en ÁRNI JOHNSEN. og hvað haldi þið? jú Árni Johnsen birtist í lokin í eigin persónu, eeeen gat ekki hjálpað.

Mér fannst krakkarnir, hver og einn einasti fara á kostum í þessu leikriti og gef þeim 10. hljómsveit spilaði lögin og það vantaði ekki að meðlimir þeirrar hljómsveitar kunni sitt fag og skilaði sínu hlutverki frá sér með sóma.

Var að gera smá stafsetninga leiðréttingu í færslunni og hvarf þá öll færslan án þess að ég hafi skýringu, sennilega einhver andi á ferðinni, bloggfærslan sett inn aftur 26 febr. 07

SigfúsSig.

Gengdarlaus hagnaður fyrirtækja!

Það er alveg með eindæmum hvað íslenskum fyrirtækjum gengur vel, og er það bara hið besta mál.

Á hverjum degi heyrir maður eða les eitthvað eins og:

Hagnaður Íslandspósts 240 milljónir króna

Sjóvá hagnaðist um 12 milljarða

Hagnaður AXA jókst um 18% árið 2006

Rúmlega 2,6 milljarða hagnaður af rekstri Icelandair

Hagnaður Tryggingamiðstöðvarinnar nam 696 milljónum króna á síðasta ári

Hagnaður Marels 159 þúsundir evra

Hagnaður Exista 37,4 milljarðar á síðasta ári

Hagnaður Icebank tæpir 5,7 milljarðar króna

Hagnaður Sparisjóðsins í Keflavík fjórfaldaðist

Hagnaður FL Group 44,6 milljarðar króna

Hagnaður Bakkavarar 9,5 milljarðar króna

45,2 milljarða hagnaður Straums-Burðaráss

Samanlagður hagnaður viðskiptabankanna 163,7 milljarðar

Hagnaður Glitnis 38,2 milljarðar króna

Hagnaður Kaupþings 85,3 milljarðar króna

Hagnaður Nýherja nærri fjórfaldast milli ára

Og meyra að segja það sem ég hélt að væri nú bara á hausnum og haldið uppi af ríki og sveitarfélagi Hagnaður Sorpu 10 milljónir

Auðvitað er misjafn gangur í velgenginni og sum hver fyrirtæki eru í mínus, en það breytir því ekki að obbinn af stærri fyrirtækjunum BLÓMSTRA.

 

Vangaveltur og ábyggilega öfundsjúkur:

SigfúsSig.

44,7% tóku ekki afstöðu.

Skoðankönnun Fréttablaðsins leiddi að mínu mati EKKERT í ljós, nema þá ef vera skildi hve margir eru óvissir.

Það sem ég er að velta fyrir mér er hvernig í óskupunum er hægt að taka skoðanakönnun alvarlega þegar 44,7% aðspurðra neituðu að svara eða völdu ekki annan hvern kostinn sem spurt var um (ca. 360 manns svöruðu afdráttarlaust af 800 manns)

Svo er annað, af hverju er svarhlutfallið svona lágt? gæti ástæðan legið í að einhverjir hyggist á sérframboð sem eitthvað af þesu fólki er að spá í að styðja?

En þrátt fyrir allt þá bara gerir þetta lága svarhlutfall framhaldið bara skemmtilegra og meyra spennandi.

Einskisverðar vangaveltur í morgunsárið yfir blaðalestri.

SigfúsSig.

Lántökugræðgi! er það ekki aðalmálið?

Einhvernvegin hefur mér fundist bankar og stjórnvöld EKKI verið mikið að skella ástæðum fyrir verðbólgu og háum vöxtum á þessa gífurlegu lántökur sem landinn er búinn að viðhafa undanfarin ár, bankar og stjórnvöld hafa meyra verið að lýsa yfir mörgum og margvíslegum dæmum um hver sökudólgurinn er, og enn meyra skrifað og talað um hverju of háir vextir valda.

En að sjálfsögðu eru undantekningar á þessu.

Smá dæmi, hver er sökin?:

Fréttablaðið, 22. feb. 2007 Ástæðurnar eru nokkrar; gengisáhætta, fákeppni og þensla í hagkerfinu.

Samtök atvinnulífsins 7.12.2006 Á undanförnum árum hafa ýmsar nýjungar á fjármagnsmarkaðnum gert hann virkari og meðal annars valdið því að lántakendur hafa betri möguleika en áður að taka lán í öðrum gjaldmiðlum en krónunni. Þessi þróun hlýtur að halda áfram og háir vextir á krónunni minnka því markaðshlutdeild hennar og þýðingu fyrir hagstjórn.

Framtíðarmenn í forustu! Verðbólga undanfarin misseri á sér tvær megin uppsprettur.

Deiglan/Hugi.is Vextir eru háir til að draga úr verðbólgu.

Nú fer hinsvegar kannski að kveða við annan tón.

Vísir, 25. feb. 2007 Sláandi munur var á lántökukostnaði. Þannig var lántökukostnaður - umfram það sem þarf að greiða til ríkis - tæplega 54 þúsund krónur á tilteknu skammtímaláni hjá Glitni en 4700 hjá sama banka - á samskonar láni - í Svíþjóð.

Margir eru á því að gengdarlausu lántökumöguleikar hafa gert annaðhvort heimili margfalt skuldugra en áður þekktist.

Að sjálfsögðu er sökin hjá neytandanum, en einhver bauð upp á gulrót sem síðan reyndist súr segi ég, og það er klárlega of vel sloppið hjá lánadrottnum ef að málinu er þar með lokið.

Einhverskonar vangaveltur vegna stöðu sem einn kunningi er í.

SigfúsSig.

Íslensku bankarnir blómstra enn meir.

Eru fréttir um að lánshæfimat bankana hækki góð tíðindi.

Fréttir á Vísir.is segja að bankarnir (ekki við) hafi fengið nýtt mat.

SigfúsSig.