Er þetta nú ekki kvikindis skapur?

Karl greyinu er puðrað bara eitthvað út í geim, og Drottin hefur ekki nokkur tök á að hafa hald á sálu hans né samferða félagögum hans.

Og eins og hann sé nú ekki búin að þvælast nóg um geyminn, löngu orðið tímabært að hann fái að hvílast bara í kyrrð og ró, niður á 7 fetunum.

Svo er þetta bara orðið eins og einhverskonar úrgangs losunar aðferð, þessu er bara skotið burtu í kippum, núna losuðu þeir sig við 20 úrganga, hvernig er það eiginlega, ef ekki er pláss fyrir þá dauðu, og hvað svo, verður þá pláss fyrir mig?  lifandi

Nei ég bara svona að velta þessu fyrir mér, er ekkert mikið veikari í dag en í gær, enda var ég svona líka í gær.

Vel tókst til þegar ösku leikarans James Doohan, sem er betur þekktur sem Scotty í Star Trek, var skotið út í geim frá skotpalli í Nýju Mexíkó í Bandaríkjunum í dag. Aðdáendur leikarans fjölmenntu og fögnuðu ákaft þegar ljóst var að „Scotty“ var kominn út í geim. Ekkja leikarans, Wende, fylgdist með því þegar Doohan lagði í sína síðustu langferð.

Aska um 200 annarra manna, þar á meðal geimfarans Gordons Coopers, var einnig send út í geim með eldflauginni en fyrirtækið Space Services Inc. skipulagði þessa óvenjulegu útför. Geimfluginu hafði verið frestað ítrekað af ýmsum ástæðum en SpaceLoft XL eldflaugin lagði loks af stað í dag frá skotpalli nálægt bænum Hatch.

Þegar eldflaugin var komin í um 110 km hæð yfir jörðu losnaði hylki, sem innihélt öskuna, frá eldflauginni og lenti í um 50 km fjarlægð frá skotstaðnum. Ættingjar og vinir hinna látnu gátu síðan sótt öskuna þangað.

Doohan lést árið 2005, 85 ára að aldri en hann hafði þjáðst af Alzheimersjúkdómi. Hann hóf leik í feril sinn í útvarpi og sjónvarpsþáttum áður en hann sló í gegn sem vélstjórinn Scotty í Star Trek-sjónvarpsþáttunum. Persóna Doohans var þekktust fyrir að bregðast við fyrirskipunum frá áhöfn geimskipsins Enterprice: Beam me up, Scotty.

Doohan fæddist í Kanada og hafði mikla reynslu af leik í útvarpi og á sviði þegar hann fór árið 1966 í áheyrnarpróf fyrir nýja geimþætti, sem NBC sjónvarpsstöðin ætlaði að hefja framleiðslu á. Doohan fór með línurnar sínar með mismunandi hreimi. Framleiðendurnir spurði hann hvaða hreimur honum þætti heppilegastur. „Ég taldi að röddin með skoska hreiminum væri valdsmannslegust," rifjaði Doohan upp síðar. „Svo ég sagði þeim að ef þessi persóna ætti að vera vélstjóri þyrfti hún að vera Skoti."

Þeir sem vilja njóta þjónustu Space Services þurfa að greiða jafnvirði 35 þúsund krónur fyrir að láta senda gramm af ösku út í geim með þessum hætti. Frá og með árinu 2009 ætlar fyrirtækið að bjóða upp á að senda ösku út fyrir gufuhvolfið og sú þjónusta verður öllu dýrari.

Scotty skotið út í geim

Athugasemdir

[Kristín Katla Árnadóttir, 29.4.2007 kl. 08:44]

Æi karlanginn, þá er hann floginn á braut.

[Ester Sveinbjarnardóttir, 29.4.2007 kl. 08:46]

Hvað ætli hefði verið hægt að veita mikla aðstoð til alnæmissmitaðrara barna í Afríku fyrir kosnaðinn af þessu?

[Sigfús Sigurþórsson., 29.4.2007 kl. 08:59]

Já Kristín Katla, hann þurfti að skjótast aðeins.

Þessa ferð greiða að stórum hluta aðstandendur þeirra dauðu og uppskotnu Ester.

[Ester Sveinbjarnardóttir, 29.4.2007 kl. 09:03]

Já en Sigfús oft veltir maður því fyrir sér þegar svona bruðl er í gangi hvort fólk sé með hjartað á réttum stað.  Ég vona að ég eigi aldrei eftir að verða svona, við eigum að láta okkur annað fólk varða.

[Sigfús Sigurþórsson., 29.4.2007 kl. 09:08]

Ég er svo tregur Ester, eða jákvæður, ég vill trúa því að þetta fólk sem er að ausa pening í þessa geymferð sé að gefa í góðgerðarmál eða láta eitthvað gott af sér leiða, en að sjálfsögðu er það einhverskonar draumar, sennilega er er verið að skjóta upp arfinum.