Sakleysi barnanna.

Margt skemmtilegt og merkilegt dettur uppúr börnunum okkar, skemmtilegt og merkilegt vegna hreinskilningslegra spurninga eða svara þeirra.

Oft eru svona uppákomur kannski eingöngu skemmtilegar fyrir þá sem þekkja eða eiga það barn sem um ræðir hverju sinni, og þó, mér finnst alltaf gaman að heyra svona gullkorn hjá hverjum sem er.

 

Guðbjörg Sól var með vinkonu sinni sem er á svipuðum aldri og hún að leika sér hér heima í dagr, þær voru að vesenast með hamstrana og gefa fiskunum í 300 lítra fiskabúrinu, vesenast í tölvunum, maulandi kexköku drasl og perla, eftir það dró Guðbjörg Sól fram slatta að litabókum, og eina stóra svaka flotta litabók.

 

Vinkonan spurði hana hvort hún hafi ekki verið dýr, þessi fallega litabók.

 

Dýr? hvað er það? spyr Guðbjörg Sól, og virtist ekki fatta hvað Birta vinkona hennar var að meina.

 

Kostaði hún marga peninga? útskýrði Birta vinkona.

 

Æææi ég veit það ekki sagði Guðbjörg Sól, það skiptir engu með peningana!

Athugasemdir

[Sigrún Björgvinsdóttir, 26.5.2007 kl. 20:28]

Halló. Ég er með eina sem alltaf vekur hlátur. Fjögurra ára dóttursonur minn var með mér eitt sinn í fjárhúsi um sauðburð og hittist svo á að ein ærin var að bera. Við horfðum á standandi upp í garðanum. Þá datt mér í hug að nú væri tækifæri til að fræða guttann eilítið um lífið og tilveruna og segi. Einu sinni komst þú nú svona úr mömmu þinni. Já sagði hann og skildi allt á augabragði. Einu sinni var líka mamma mín rolla.

[Birna Dis Vilbertsdóttir 26.5.2007 kl. 21:27]

Krakkar eru yndisleg

[Sigfús Sigurþórsson., 26.5.2007 kl. 21:48]

Það gétur verið alveg yndislegt að hlusta á blesssaða einglana, sérstaklega ef fullorðnir eru ekki nálægt. Þau gefa lífinu gildið sem þarf.

[Svava frá Strandbergi , 26.5.2007 kl. 23:48]

Börn eru yndisleg.

[Jóna Á. Gísladóttir, 27.5.2007 kl. 00:10]

Yndislegt! Og væri ekki gaman ef satt væri.

Góð Rollusagan. hehe

[Sigfús Sigurþórsson., 28.5.2007 kl. 14:03]

Já það er alveg með eindæmum hvað getur oltið uppúr uppúr þeim, og ávallt svo saklaust og innilegt.