30 milljón gígabæta gagnageymsla fyrirhuguð á Rockville

Að verkefninu koma fleiri aðilar, Hitaveita Suðurnesja hefur skrifað undir viljayfirlýsingu um útvegun á orku við Sandgerðisbæ, VSÓ Ráðgjöf og Kanon Arkitektar vinna að hönnun og skipulagi svæðisins og ParX Viðskiptaráðgjöf IBM hefur unnið með aðilum að framgangi verkefnisins. Verkefnið er unnið í samvinnu við Þróunarfélag Keflavíkurflugvallar.
Gert er ráð fyrir að bygging húsnæðis Data Íslandia hefjist síðar á þessu ári en í tilkynningu frá aðilum segir að við uppbyggingu og starfsemi gagnageymslunnar verði lögð áhersla á umhverfissjónarmið. Endurnýjanleg orka mun knýja starfsemina, náttúruleg vindkæling dregur úr orkuþörf og arkitektúr verður í sátt við umhverfið auk þess sem starfsemin mun styrkja byggð í Sandgerðisbæ og nágrenni.

Húsnæðið verður byggt upp í áföngum og er fyrsti áfangi áætlaður um 800 m2 en fullbyggt verður húsnæðið um 4.000 m2 og er vonast til að það verði orðið að veruleika á næsta ári. Eftir að fyrsti áfangi hefur verið tekinn í notkun, væntanlega síðar á þesu ári, munu um 20 störf skapast við gagnageymsluna og verði uppbygging í takt við áætlanir Data Íslandia munu enn fleiri störf skapast á næstu árum.

Starfsemi Data Íslandia í Sandgerðisbæ mun þurfa um 2 MW af raforku eftir uppbyggingu fyrsta áfanga og 10 MW miðað við full afköst. Til samanburðar má nefna að núverandi orkunotkun Sandgerðisbæjar er um 20 MW. Ekki þarf að virkja sérstaklega til að útvega raforku fyrir starfsemina en Data Íslandia mun að mestu þjónusta stóra erlenda viðskiptavini sem vilja vista mikið magn gagna á eins umhverfisvænan hátt og kostur er.

Atvinnumálaráð Sandgerðisbæjar hefur á síðustu mánuðum unnið að ýmsum hugmyndum til atvinnuátaks í bæjarfélaginu en verkefnisstjóri hefur verið Jón Norðfjörð. Meðal hugmynda hefur verið að nýta fyrrum varnarsvæði í landi bæjarins til uppbyggingar fyrirtækja í sambærilegri starfsemi og Data Íslandia, en með auglýsingu frá forsætisráðuneytinu nr. 38, frá 16. janúar 2007 var hluta af varnarsvæðinu skilað til borgaralegra nota.

Bæjarstjórn fékk ParX viðskiptaráðgjöf IBM til samstarfs um framgang verkefnisins og hefur ParX unnið með fulltrúum Sandgerðisbæjar að útfærslu og framkvæmd hugmynda til uppbyggingar atvinnulífs á þessu sviði í bæjarfélaginu.  Ljóst er að Sandgerðisbær hefur mikla sérstöðu og mörg tækifæri vegna staðsetningar alþjóðaflugvallarins í landi bæjarfélagsins. Sigurður Valur sagði í samtali við Víkurfréttir að enn væru tvö spennandi verkefni á döfinni hjá þeim, en þau væru á trúnaðarstigi enn sem komið er. 

Þessi frétt byrtiast á vf.is

Sol Squire, sagði íslenskt samfélag hafa upp á mikið að bjóða. Staðsetning Sandgerðis við alþjóðaflugvöllinn sé kjörin þar sem stærri gangaflutningar muni eiga sér stað með því að gögn séu flutt flugleiðina til landsins og afrituð inn á netþjóna hér. Viðskiptavinir erlendis muni þó nýtast við sæstrengstengingu til að fylgjast með gögnum sínum og hlaða inn í takmörkuðu magni. Alls mun fullbúin geymslan geta haldið utan um 30 milljón gígabæt.

Á fundinum voru sýnd líkön og myndir af fyrirhuguðum byggingum. Arkitektinn, Robert Örn Arnarson hjá Hoff & Jørgensen Arkitekter í Kaupmannahöfn, sótti innblástur í íslensku torfbæina og hannaði byggingarnar fyrir gagnageymslur Data Íslandia með það fyrir augum að þær féllu eins vel og hægt er inn í umhverfi staðarins.

Hvaða kona elskar hann ekki? meyra að segja gera sumir karlar það.

Ég elska þig, Brad!

Birta Björnsdóttir í Cannes
Kvikmyndin Death Proof var frumsýnd hér í Cannes í gær en hún er önnur tveggja í svokölluðu Grindhouse-verkefni Quentins Tarantino og Roberts Rodrigues. Death Proof er ein þeirra mynda sem eru "í keppninni", en það þýðir að hún eigi möguleika á að hreppa Gullpálmann næstkomandi sunnudag. Tarantino á þegar einn Gullpálma á arinhillunni sinni en hann fékk hann fyrir Pulp Fiction.

Death Proof segir frá tveimur hópum firnasterkra kvenhetja og samskiptum þeirra við hinn rúnum rista Stuntman Mike, sem leikinn er af Kurt Russel. Meðal kvennanna er Zoe Bell sem kemur fram undir eigin nafni. Sú er áhættuleikari og lék öll áhættuatriði Umu Thurman í Kill Bill-myndunum. Senuþjófurinn er þó án efa Russel, sem er stórkostlegur í myndinni, sérstaklega í síðari hlutanum.

Blaðamannafundur var svo haldinn að Cannes-sið með leikstjóra og leikurum. Tarantino sagðist alltaf byrja handritsgerð á því að búa til persónur. Það gerði hann sjaldnast með ákveðna leikara í huga. Undantekningarnar væru hinsvegar hlutverk Zoe í Death Proof og Umu í Kill Bill. "Þær voru bara þær sjálfar í myndunum," sagði Tarantino.

Fyrrihluta gærdagsins var svo eytt á hinu goðsagnarkennda Hotel Du Cap. Það er í um hálftíma akstursfjarlægð frá strandlengjunni og skilst mér að allar skærustu stjörnurnar gisti þar ár hvert. Allavega er öryggisgæslan mikil. Tilgangur ferðalagsins var þó ekki að lepja kokteila við sundlaugarbakkann með fræga fólkinu heldur að taka viðtöl við leikstjóra og leikara A Mighty Heart, sem frumsýnd var hér í gær. Það var trúlega engu logið um tigna gesti hótelsins því þarna sáust á sveimi hjónakornin Brad og Angelina ásamt öllum leikurum úr Ocean's 13, sem fumsýnd verður hér næstkomandi fimmtudag. Clooney var reyndar hvergi sjáanlegur í þetta skiptið. Króatískur blaðamaður ætlaði svo aldeilis að slá um sig með upplýsingum: "Ég sá Maddox og Zahara vera að leika sér við sundlaugina." Fyrir þá sem ekki vita eru það helmingur barna Jolie og Pitt. Aumingja fólkið, þau hljóta að vera það fólk sem fylgst er best með í heiminum!

Annars er auðvelt að geta sér til um hver er frægur hér og hver ekki. Þeir allra frægustu eru undantekningarlaust með í eftirdragi um 250 kílóa mannveru sem færi létt með að taka Gunnar á Hlíðarenda og Gretti Ásmundarson í bakaríið...báða í einu. Það leggur því trúlega enginn í að kasta sér á kvikmyndastjörnurnar, nema reyndar ein stúlkukind sem fleygði sér á Brad Pitt eftir blaðamannafund A Mighty Heart og æpti: "Brad, ég elska þig!" Kraftajötnarnir voru fljótir að fjarlægja hana. Aðdáendur frægra einstaklinga gætu hæglega haldið árshátíð sína hér í borg á þessum tíma árs. Jafnvel getur verið að slíkur gleðskapur fari fram þessa dagana því daglega hanga hundruð manns fyrir framan stærstu hótelin hér við strandgötuna og vonast til að sjá glitta í eitthvert uppáhaldið.

Blaðamennirnir hér eru líka skemmtilegur þjóðflokkur. Augljóst er að margir eru eldri en tvævetur í starfinu og í sumum viðtölum og á blaðamannafundum hefjast spurningarnar á: "Síðast þegar við hittumst, Brad Pitt, þá sagðirðu að". Einnig varð ég vitni að afar fagmannlegum vinnubrögðum hjá breskum og áströlskum kollegum mínum um daginn. Yfirvofandi var viðtal við leikarann Josh Brolin og á meðan beðið var hreyttu blaðamennirnir tveir svoleiðis fúkyrðum hvor í annan að ég signdi mig í huganum. Um leið og sást glitta í verðandi viðtalsefni hurfu blótsyrðin samstundis og þeir voru hinir alúðlegustu hvor við annan meðan á viðtalinu stóð og afsökuðu sig prúðmannlega ef annar greip frammí fyrir hinum.

 

Ég elska þig, Brad!

Ekki varð stjórnin nú eins og ég áætlaði.

Það er óhætt að segja með kosningar og myndun ríkisstjórna að það er ekkert á vísan að róa.

Þegar ég setti x-ið mitt á sinn stað á kjördag var ég að velta fyrir mér hvernig þetta færi, og hnoði ég þá saman nokkrum vísum sem ég lét fljóta útprentað ofan í kjörkassann, ég aðeins snurfussaði þær svo til eftir að heim var komið.

Einhvernveginn voru þær svona:

Kýs ég nú, og vanda mitt val

vitlaust má það ei verða

hlustað hef ég og heyrt margt tal

hreykinn skal ég nú verða.

 

Vinstri Grænir eiga smá von

verð ég þó þeim að hafna

grænt þeir þusa lon og don

þeir sennlega bara kafna.

 

Frjálslindir ferlega cool eru hér

Fárast þó barútí kvót-ann

Kvóta málstaðinn líkar nú mér

Læt ekki x-ið mitt á hann

 

Sjálfstæðisflokkurinn nú samur er

sennilega áfram hann situr

eigi veit hvert Framsóknin fer

flokkur sem sífellt er bitur.

 

Samfó rembist með rósunum

reynir allt hvað hann getur

grínlaust hef ég úr glósunum

glundur, en sjáum hvað setur.

 

Ómars flokk sko varast skal

segja nú gárung-arnir

ekkert þar er grínlaust tal

einblína á grænar varnir

 

 

Nú skal ég setja x-ið mitt

settlega á réttan stað

saman gerir svo mitt og þitt

stjórn sem þiggur nú það.

 

Kveðja:

Sigfús Sigurþórsson

Kt:

Svona einhvernveginn fór þetta í kjörkassann.

 

-----------------------------------------------------------------------------------------------------

Mbl. frétt.: Geir H. Haarde, forsætisráðherra, mun ganga á fund Ólafs Ragnars Grímssonar, forseta Íslands, á Bessastöðum klukkan 9:30 og tilkynna honum að ný ríkisstjórn Sjálfstæðisflokks og Samfylkingarinnar hafi verið mynduð. Flokksráð Sjálfstæðisflokks og flokksstjórn Samfylkingar samþykktu stjórnarmyndunina í gærkvöldi. Klukkan 11 hefur verið boðað til blaðamannafundar á Þingvöllum þar sem Geir og Ingibjörg Sólrún Gísladóttir, formaður Samfylkingar og væntanlegur utanríkisráðherra, kynna nýja ríkisstjórn og stefnuyfirlýsingu hennar.

Auk Ingibjargar Sólrúnar verða þau Össur Skarphéðinsson, Jóhanna Sigurðardóttir, Kristján L. Möller, Björgvin G. Sigurðsson og Þórunn Sveinbjarnardóttir ráðherrar af hálfu Samfylkingar. Aðeins Jóhanna og Össur hafa áður gegnt ráðherraembætti.

Guðlaugur Þór Þórðarson er eini nýi ráðherra Sjálfstæðisflokks en þeir Geir, Björn Bjarnason, Einar K. Guðfinnsson, Árni M. Mathiesen og Þorgerður Katrín Gunnarsdóttir gegna áfram þeim ráðherraembættum, sem þeir höfðu með höndum í fráfarandi stjórn; Einar bætir raunar við sig landbúnaðarmálum.

Fram kemur í fréttaskýringu Agnesar Bragadóttur í Morgunblaðinu í dag, að talið sé að óánægjuradda um ráðherraskipan innan Sjálfstæðisflokks muni helst gæta frá keppinautum Guðlaugs um ráðherrastól, fólki eins og Kristjáni Þór Júlíussyni, Guðfinnu Bjarnadóttur og Bjarna Benediktssyni. Sturla Böðvarsson sé bersýnilega mjög óhress með sitt hlutskipti, að hverfa úr stól samgönguráðherra, en hann fái þó sæmdarembætti forseta Alþingis.

Þá segir Agnes að óvissa hafi verið um það hvort Björn fengi ráðherraembætti í þessari ríkisstjórn. Heimildir Morgunblaðsins hermi, að líkur séu á því að Björn hætti sem ráðherra á miðju þessu kjörtímabili og hverfi til annarra starfa. Sömu heimildir hermi, að líklegur arftaki hans á dómsmálaráðherrastól verði Bjarni Benediktsson. Það muni þó alls ekki frágengið.

Ný ríkisstjórn kynnt fyrir forseta Íslands innan skamms

Vísna gáta dagsins.

Vísnagáturnar og gátur sem birtast á þessari bloggsíðu eru eftir hina og þessa höfunda, óskað er eftir svari og eins höfundanafni, Svar telst hinsvegar rétt þótt höfundarnafn vanti, enda getur komið hjá Bloggara vísnagáta eða gáta sem Bloggari hefur ekki höfundarnafnið á. Ekki er neinn sérstakur tímarammi á innsetningu á gátum..

-

Gáta dagsins er svohljóðandi:

        

Skruggukerra stendur á

syllum sem niður sig fóta

Slettugur oftast anginn sá

sem þjónar og til verður nóta

 

 

 

Svar óskast (og helst höfundarnafn)

Öllum eru velkomið að þreyta gátur þær sem birtast hér á www.partners.blog.is

Vísbendingar koma á eftir svartilraunum eins fljótt og auðið er.

Góður og vel valinn hópur mun væntanlega stýra skútunni farsællega næstu árin.

Ég er mjög ánægður með val beggja flokka, ekki leyni ég því að ég hefði vilja sjá valið aðeins öðruvísi, en tel að hér sé frábært fólk í hverju rúmi.

 

Ráðaneytin skiptast á eftirfarandi hátt:

 

Samfylkingin:

Félagsmálaráðuneyti: Jóhanna Sigurðardóttir

Iðnaðarráðherra: Össur Skarphéðinsson

Samgönguráðuneyti: Kristján Möller

Umhverfisráðuneytið: Þórunn Sveinbjarnardóttir

Utanríkisráðherra: Ingibjörg Sólrún Gísladóttir

Viðskiptaráðherra: Björgvin G. Sigurðsson

 

Sjálfsæðismenn:

Dómsmálaráðherra: Björn Bjarnason.

Fjármálaráðherra: Árni M. Mathiesen.

Forsætisráðherra: Geir H. Haarde.
Heilbrigðisráðherra: Guðlaugur Þór Þórðarson.
Landbúnaðar- og sjávarútvegsráðherra:  Einar Kristinn Guðfinnsson.

Menntamálaráðherra: Þorgerður Katrín Gunnarsdóttir.

Forseti Alþingis: Sturla Böðvarsson,
Þingflokksformaður: Arnbjörg Sveinsdóttir,

 

Frétta myndbandið í dag.

Málefnasamkomulag kynnt þingmönnum Sjálfstæðisflokksins

Hver meig í stiganginn minn?

 Kanski er ráð að setja upp klósettskálar í stigagöngum fjölbýlishúsa, merkja bara í hvaða stigagangi má pissa og hvar ekki.

Maður nokkur hafi kastað af sér þvagi í stigahúsi fjölbýlishúss, en hann átti í deilum við nágranna sína. Í vor og vetur hafa lögreglumenn í nokkrum tilvikum þurft að skakka leikinn þegar í óefni var komið.

Kannski er ráð að setja upp klósettskálar í stigaganga! og merkja í hvaða stigagöngum má pissa.

Vorverkin geta t.d. endað með leiðindum en fyrir ekki alls löngu var lögreglan beðin um að stöðva mann sem var einum of duglegur að mála. Tilkynnandi sagðist eiga vegginn sem maðurinn væri að mála og óskaði þess að málarinn yrði stöðvaður tafarlaust. Um svipað leyti var beðið um aðstoð lögreglu þar sem verið var að fella tré. Deilumál af því tagi koma upp árlega en þeim geta líka fylgt átök um lóðarmörk. Skjólveggir og grindverk geta einnig bakað vandræði að mati nágranna sem benda á að vegna þeirra fái sólin ekki að skína óhindrað á garða og tún. Fyrir skömmu var lögreglan kölluð til í slíku máli en hún gat lítið aðhafst því þar hafði grindverk verið fjarlægt í heilu lagi í óþökk eiganda.

Nágrannadeilur geta tekið á sig ýmsar fleiri myndir og nefna má að lögreglu hafa borist kvartanir þar sem fullorðið fólk hefur staðið fyrir svokölluðu bjölluati. Sömuleiðis hafa einstaka aðilar gripið til þess óþverrabragðs að hella málningu inn um bréfalúgur hjá fólki. Að hindra för ökutækja er líka velþekkt þegar menn eru ósáttir. Á dögunum lagði maður bíl sínum í veg fyrir ökutæki manns sem hann átti sökótt við. Bíll þess síðarnefnda komst hvergi en sá fyrrnefndi færði bílinn sinn eftir fortölur lögreglumanna. Þá kemur fyrir að eggjum, tómatsósu og öðrum matvælum er hent í bíla og þess eru líka dæmi að bílar hafi verið rispaðir þegar heiftin er mikil.

 Jahérnahér, ekki er það óskiljanlegt að fólk vilji búa í einbýli.

 

Kastaði af sér þvagi í stigahúsi vegna ósættis við nágranna sína

Ætli Ingibjörg Sólrún eigi hesta eða rollur?

Alveg með eindæmum að það er eins og allt snúist um kynferði, hvort manneskjan hefur nokkuð hundsvit á málefninu eða kunni eitthvað til verka virðist bara í dag ekki skipta nokkru máli.

Hvernig ætli þetta sé hjá þessu fólki, ætli það eigi hesta og rollur, það er eins gott að það sé jafnræði þar, 1000 rollur og 1000 hrútar, þetta finnst mér einhvern veginn ekki vera mikið vit í.

Hvar er Guðni núna?

Fréttin á Mbl.: Ingibjörg Sólrún Gísladóttir, formaður Samfylkingar, segist gera ráð fyrir að skipting kynja verði jöfn í þeim ráðherraembættum sem koma í hlut flokksins í væntanlegri ríkisstjórn Samfylkingar og Sjálfstæðisflokks, en búið er að skipta ráðherraembættunum á milli flokkanna. Ingibjörg Sólrún hefur í dag hitt þingmenn flokksins og kynnt væntanlegan málefnasamning ríkisstjórnar fyrir þeim. Þeim fundahöldum er ekki lokið og verður haldið áfram eftir hádegið.

Þingflokkur Samfylkingarinnar hefur verið boðaður til fundar klukkan 19 og flokkstjórnin klukkan 20, væntanlega á Hótel Sögu. Sagði Ingibjörg Sólrún, að vænta mætti tíðinda af þeim fundi, þ.e. að tilkynnt verði um ný ríkisstjórn.

Arnbjörg Sveinsdóttir, þingflokksformaður Sjálfstæðisflokksins, sagði í samtali við mbl.is að þingflokkurinn myndi koma saman eftir að fundi flokksráðs lyki í kvöld. Arnbjörg sagði ekkert vita um hvenær fundur þingmanna hæfist.

 En flott er að allt sé að smella saman hjá þeim, ekki veitir af að fara að huga að einvherju öðru, það sennilega er af nógu að taka.

Ingibjörg Sólrún: Skipting kynja í ráðherraembættum jöfn

Vísna gáta dagsins.

Vísnagáturnar og gátur sem birtast á þessari bloggsíðu eru eftir hina og þessa höfunda, óskað er eftir svari og eins höfundanafni, Svar telst hinsvegar rétt þótt höfundarnafn vanti, enda getur komið hjá Bloggara vísnagáta eða gáta sem Bloggari hefur ekki höfundarnafnið á. Ekki er neinn sérstakur tímarammi á innsetningu á gátum..

-

Gáta dagsins er svohljóðandi:

        

Margvísleg oft myndin er

minni partar sýna

oft á tíðum í tætlur fer

tveir oft saman rýna.

 

 

 

 

Svar óskast (og helst höfundarnafn)

Öllum eru velkomið að þreyta gátur þær sem birtast hér á www.partners.blog.is

Vísbendingar koma á eftir svartilraunum eins fljótt og auðið er.

Burt með Jón, fáið kúakyssirinn í hans stað.

Jón Sigurðsson núverandi formaður Framsóknarflokksins er durtaralegur "kall", þungur á brún og leiðinlegur, en kæru Framsóknarmenn, þetta er aðeins mín skoðun, og þekki ég Jón persónulega ekki nokkurn skapaðans hlut, en tel ég það verða Framsóknaflokknum til framdráttar að fá kúakyssirinn sem formann.

Fréttin á Mbl.: Jón Sigurðsson er sagður hafa greint nánum samstarfsmönnum sínum frá því að hann ætli að segja af sér formennsku í Framsóknarflokknum, að því er Stöð 2 greindi frá í kvöld.

Var fullyrt í þættinum Íslandi í dag, að tilkynningar frá Jóni sé að vænta á næstu dögum.

Fullyrt að Jón Sigurðsson ætli að segja af sér

Já já, allir sem nota Viagra er bent á að Viagra nýtist best í 40.000 feta hæð.

Flugfreyjur íslenskra flugfélaga munu selja 4 töflu bréf á klukkustundar fresti á meðan flug stendur yfir með kaffi eða tei, biður bara um þotuþreytu lyf, flugfreyjum verður fjölgað um helming í hverri vél, veit ekki til hvers!

Fréttin á Mbl: Skammtur af Viagra kann er fram líða stundir að auðvelda mönnum að jafna sig eftir flugferðir yfir mörg tímabelti, að því er ný rannsókn á hömstrum bendir til.

Hamstrar sem voru sprautaðir með smáum skammti af lyfinu voru 20-50% fljótari en hamstrar sem ekki fengu lyfið eftir að ljósið hjá þeim var slökkt sex tímum fyrr en venjulega, sem höfundar rannsóknarinnar segja jafngilda því að flogið sé í austur, til dæmis frá Vesturheimi til Evrópu.

Virka efnið í Viagra nefnist sidenafil, og kann það að „nýtast gegn dægurlotukvillum sem tengjast röskun á samstillingu við umhverfið,“ eins og til dæmis því að ná ekki að festa svefn, og aðlögun að breyttum birtutíma, segir í rannsókninni sem birt er í Proceedings of the National Academy of Sciences.

Rannsóknin var gerð við Þjóðarháskóla Argentínu í Buenos Aires. Lyfið hefur þau áhrif að draga úr magni ensíms í heilanum sem á þátt í að stýra dægursveiflunni, eða hinni svokölluðu líkamsklukku.

Viagra kann að nýtast gegn þotuþreytu