Bloggfærslur mánaðarins, júní 2007
Þriðjudagur, 5. júní 2007
Vísna gáta dagsins.
Vísnagáturnar og gátur sem birtast á þessari bloggsíðu eru eftir hina og þessa höfunda, óskað er eftir svari og eins höfundanafni, Svar telst hinsvegar rétt þótt höfundarnafn vanti, enda getur komið hjá Bloggara vísnagáta eða gáta sem Bloggari hefur ekki höfundarnafnið á. Ekki er neinn sérstakur tímarammi á innsetningu á gátum..
-
Gáta dagsins er svohljóðandi:
Oft á því hangir húfa og skór
Haft er þá úti sem inni
Oft er í kringum það, dálítill kór
Krafist þá friðar að sinni.
.
Svar óskast (og helst höfundarnafn)
Öllum eru velkomið að þreyta gátur þær sem birtast hér á www.partners.blog.is
Vísbendingar koma á eftir svartilraunum eins fljótt og auðið er.
Bækur | Slóð | Facebook | Athugasemdir (63)
Mánudagur, 4. júní 2007
Heildar yfirlit á strandi og björgun Wilson Muuga.
Hér er á að líta yfirlit yfir flest það sem bar fyrir góma varðandi Wilsonn Muuga, allt af Mbl.
Flutningaskip strandar við Sandgerði
Innlent | Morgunbl. | 24.4.2007 | 5:30
Altjónsstimpill á Wilson Muuga
Það kemur ekki á óvart að flutningaskipið Wilson Muuga sem selt verður til Líbanons fyrir nokkru betra verð en brotajárnsverð, sé nú stimplað sem altjónað skip eða Total loss af hálfu tryggingafélags þess. Tryggingabæturnar eru greiddar í samræmi við þessa flokkun en heildarupphæðin mun vera um 170–180 milljónir.
Innlent | Morgunbl. | 23.4.2007 | 5:30
Wilson Muuga selt og fer til viðgerðar í Líbanon
„Ég er ekki kominn með nafnið á fyrirtækinu, það er ekki búið að ganga frá undirskrift, en eftir viðræður helgarinnar erum við komnir að niðurstöðu. Þetta er heiðursmannasamkomula og ef báðir standa við sitt er þetta frágengið," segir Guðmundur Ásgeirsson stjórnarformaður Nesskipa, en síðdegis í gær varð ljóst að flutningaskipið Wilson Muuga, sem bjargað var í síðustu viku af strandstað við Hvalsnes, yrði selt til Líbanons.
Innlent | Morgunbl. | 20.4.2007 | 5:30
Áhugi á Wilson Muuga
Fjórir hafa sýnt áhuga á að eignast flutningaskipið Wilson Muuga sem bjargað var af strandstað við Hvalsnes á dögunum. Hugsanlega mun fulltrúi mögulegs kaupanda skoða skipið þegar í dag, að sögn Guðmundar Ásgeirssonar, framkvæmdastjóra Nesskipa.
Innlent | mbl.is | 17.4.2007 | 23:10
Wilson Muuga í höfn
Dráttarbáturinn Magni kom með flutningaskipið Wilson Muuga til Hafnarfjarðar laust eftir klukkan 23 í kvöld. Flutningaskipið var dregið af strandstað við Hvalsnes um klukkan 17:30 í dag en það strandaði í desember á síðasta ári. Siglingin fyrir Garðsskaga gekk vel og er Wilson Muuga nú í suðurhöfninni í Hafnarfirði skammt frá stóru flotkvínni sem þar er.
Innlent | mbl.is | 17.4.2007 | 18:01
„Sérlega vel að þessu staðið“
Jónína Bjartmarz umhverfisráðherra kom á vettvang við Hvalsnes núna rétt fyrir kl. 18 til þess að fylgjast með lokum á björgun Wilson Muuga, en þá var skipið komið vel út á sjó. Hún sagði að björgunin væri til marks um fumlaus vinnbrögð og góðan undirbúning. „Þetta er fagnaðarefni fyrir okkur öll og það var sérlega vel að þessu staðið,“ sagði ráðherra.
Innlent | mbl.is | 17.4.2007 | 17:23
Byrjað að draga Wilson Muuga af strandstað
Byrjað var að draga flutningaskipið Wilson Muuga af strandstað nú síðdegis á háflóði og er skipið nú þegar komið talsvert frá staðnum þar sem það strandaði við Hvalsnes. Dráttarbáturinn Magni dregur skipið og að auki taka tveir bátar þátt í björgunartilraununum, og freista þess að stýra flutningaskipinu út rennu, sem liggur beint fyrir aftan það.
Innlent | Morgunbl. | 17.4.2007 | 5:30
Wilson Muuga tilbúið fyrir brottför af strandstað
Eftir fjögurra mánaða legu á strandstað við Hvalsnes er loksins komið að stóru stundinni. Reynt verður að draga flutningaskipið Wilson Muuga á flot í kvöld eða annað kvöld. Fimmtudagurinn kemur líka til greina ef veðrið er ómögulegt hina dagana. Ef ekki tekst að draga skipið út að þessu sinni verður beðið fram í maí eftir næsta stórstraumsflóði og víst er að tíminn vinnur ekki með skipinu sem sætir miklu sjávarálagi í fjörunni.
Innlent | mbl.is | 16.4.2007 | 0:25
Björgunarbátum Wilson Muuga siglt í land
Báðir björgunarbátar flutningaskipsins Wilson Muuga voru settir í sjóinn á flóðinu í dag og var bátunum, sem eru vélknúnir, siglt fyrir eigin vélarafli til Sandgerðis. Björgunarsveitarmenn frá Sigurvon fylgdu bátunum til hafnar á björgunarbátnum Sigga Guðjóns. Ferðin gekk vel þrátt fyrir að smá alda væri á leiðinni.
Innlent | mbl.is | 28.3.2007 | 12:36
Wilson Muuga dregið af strandstað 16.-18. maí
Áfallinn kostnaður vegna aðgerða við að koma í veg fyrir tjón vegna brennslu olíu Wilson Muuga nemur 69 milljónum króna. Samkomulag hefur náðst á milli íslenska ríkisins og eigenda skipsins um flutning skipsins af strandstað og er gert ráð fyrir að það verði dregið út á stórstraumsflóði 16.-18. maí. Þetta kom fram á fundi Jónínu Bjartmarz, umhverfisráðherra með blaðamönnum nú í hádeginu.
Innlent | mbl.is | 28.3.2007 | 10:40
Samkomulag um að fjarlægja Wilson Muuga
Tekist hefur samkomulag milli íslenska ríkisins og eigenda Wilson Muuga um hvernig staðið verður að fjarlægingu skipsins af strandstað. Jónína Bjartmarz umhverfisráðherra mun kynna fjölmiðlum samkomulagið við Hvalsnes klukkan 12:00 í dag.
Innlent | Morgunbl. | 21.2.2007 | 5:30
Skoða þarf betur mengað svæði í nágrenni Sandgerðis og Garðs
Starfsmenn Náttúrustofu Reykjaness flugu ásamt fulltrúum Umhverfisstofnunar yfir svæði í nágrenni Sandgerðis og Garðs í gær án þess þó að sjá neina olíumengun. Hins vegar fannst dauð og olíublaut æðarkolla við Hvalsnes þar sem flutningaskipið Wilson Muuga hefur legið á strandstað í rúma tvo mánuði. Er fuglinn hinn fyrsti sem finnst dauður úr olíumengun.
Innlent | Morgunbl. | 20.2.2007 | 5:30
Ekki bráð hætta vegna mengunar
Umhverfisstofnun telur ekki að fuglastofnum stafi bráð hætta af olíumengun sem orðið hefur vart við í fiðri fugla á Suðurnesjum. Forstöðumaður Náttúrustofu Reykjaness segir alltaf alvarlegt þegar fuglar lendi í olíu en tekur undir það að afleiðingarnar séu ekki alvarlegar, það er að segja ef ekki verður vart við fleiri olíublauta fugla.
Innlent | Morgunbl. | 1.2.2007 | 5:30
Engin niðurstaða um Wilson Muuga
Engin niðurstaða fékkst á fundi fulltrúa útgerðar Wilsons Muuga og Umhverfisstofnunar í gær, að sögn Guðmundar Ásgeirssonar, stjórnarformanns Nesskipa. Á fundinum var farið yfir málið og lögðu fulltrúar Nesskipa þar fram drög að mögulegum aðgerðum.
Innlent | Morgunbl. | 26.1.2007 | 5:30
Skoða lögfræðilega stöðu Wilsons Muuga
Lögfræðingar samgönguráðuneytisins og Siglingastofnunar eru að fara yfir lögfræðileg álitamál í sambandi við hreinsun vegna strands Wilsons Muuga við Hvalsnes.
Innlent | Morgunbl. | 25.1.2007 | 5:30
Borga ekki meira en 74 milljónir kr. fyrir björgun skips
Eigendur flutningaskipsins Wilsons Muuga telja sér ekki skylt að greiða meira en 74 milljónir króna vegna hreinsunar á strandstað við Hvalsnes þar sem flakið af Muuga liggur, og telja sig í fullum rétti til þess að takmarka sig við þessa fjárhæð, samkvæmt ákvæðum siglingalaga. Að sögn Guðmundar Ásgeirssonar stjórnarformanns Nesskips hefði átt að innleiða nýjar takmörkunarfjárhæðir fyrir áratug upp í rúmlega 200 milljónir króna en svo virðist sem Íslendingar hafi fyrir einhvern misskilning sofið á verðinum hvað það snerti.
Innlent | mbl.is | 24.1.2007 | 12:25
Aðeins einn olíublautur fugl á Rosmhvalanesi
Nokkuð af olíu fór í sjóinn þegar flutningaskipið Wilson Muuga strandaði við Hvalsnes skömmu fyrir jól. Olían virtist hins vegar hafa brotnað fljótt niður og menn urðu ekki varir við olíublauta fugla í kjölfarið. Í fuglatalningu Náttúrufræðistofnunar, sem m.a. fór fram á þessu svæði, sást aðeins einn olíublautur æðarfugl í Ósum við Hafnir en slíkir fuglar sjást yfirleitt í hverri talningu, án þess að stórslys hafi orðið.
Innlent | mbl.is | 11.1.2007 | 10:02
Danski varnarmálaráðherrann heiðrar starfsmenn Landhelgisgæslunnar
Søren Gade, varnarmálaráðherra Danmerkur, veitti við athöfn sem fram fór í höfuðstöðvum Landhelgisgæslu Íslands klukkan 10 í dag starfsmönnum Landhelgisgæslunnar sem unnu að björgun sjómanna af danska varðskipinu Triton þann 19. desember sl., heiðursviðurkenningu.
Innlent | mbl.is | 5.1.2007 | 8:30
Hreinsun olíu úr lest Wilson Muuga lokið
Í gær var lokið við að hreinsa olíu úr lest Wilson Muuga og búnaður og mannskapur hefur verið fluttur í land. Í allt náðust um 40 tonn í þessum áfanga en það er mun meira en búist var við. Umhverfisstofnun telur að hættan á bráðamengun hafs og stranda sé ekki mikil og því bíður það eiganda skipsins að fjarlægja flakið af strandstað.
Innlent | Morgunbl. | 3.1.2007 | 5:30
Nauðsynlegt að draga Wilson Muuga ofar í fjöruna
Einar Ásgeirsson, framkvæmdastjóri Hringrásar, segir að eigi að vera hægt að rífa flutningaskipið Wilson Muuga, sem strandaði við Hvalsnes fyrir jól verði að draga skipið ofar í fjöruna. Hann segir nauðsynlegt að gera þetta sem fyrst því að hætt sé við að skipið brotni í öldurótinu og þá verði erfiðara að draga það.
Innlent | mbl.is | 30.12.2006 | 11:00
Móttaka fyrir þá sem tæmdu olíuna úr Wilson Muuga
Jónína Bjartmarz, umhverfisráðherra, hefur boðið öllum þeim sem komu að aðgerðum á staðnum þar sem flutningaskipið Wilson Muuga strandaði, til móttöku í ráðherrabústaðnum við Tjarnargötu í Reykjavík í dag.
Innlent | mbl.is | 28.12.2006 | 17:25
10-15 tonn af olíublönduðum sjó eftir í lestarrými Wilson Muuga
Lokið var nú síðdegis við að dæla olíu úr tönkum flutningaskipsins Wilson Muuga þar sem það strandaði við Hvalsnes, alls 95 tonnum. Eftir í skipinu er olíublandaður sjór í lestarrými, sem hefur pumpast þangað úr rifnum botntönkum. Áætlað magn þeirrar olíu sem þar er eftir er 10-15 tonn. Segir Umhverfisstofnun, að hreinsun olíunnar úr lestarrýminu kalli á annars konar aðgerðir og getitekið nokkra daga en ekki sé lengur bráð hætta af þeirri olíu sem eftir er í skipinu á meðan það stendur af sér veður og sjógang.
Innlent | mbl.is | 28.12.2006 | 15:40
Næstu skref varðandi Wilson Muuga liggja ekki fyrir
Guðmundur Ásgeirsson, framkvæmdastjóri Nesskipa hf. segir ekki liggja fyrir hver næstu skref verða varðandi flutningaskipið Wilson Muuga, sem situr á strandstað skammt suður af Sandgerði, en verið er að ljúka olíudælingu úr síðutönkum skipsins.
Innlent | mbl.is | 28.12.2006 | 15:34
Bráðamengunarhætta á strandstaðnum liðin hjá
Dælingu olíu úr síðutönkum flutningaskipsins Wilson Muuga, sem situr á strandstað skammt suður af Sandgerði, er nú við það að ljúka samkvæmt upplýsingum Gottskálks Friðgeirssonar, fulltrúa Umhverfisstofnunar á strandstað. „Það er búið að dæla í allan dag og hefur það gengið mjög vel þannig að nú eru bara dreggjarnar eftir,” sagði hann er blaðamaður mbl.is náði tali af honum fyrir stundu. „Þetta er sem sagt alveg að klárast og þegar það verður komið verður bráðamengunarhætta liðin hjá.”
Innlent | Morgunbl. | 28.12.2006 | 5:30
Tugir tonna af olíu í sjóinn
Ljóst er að umtalsvert magn af bæði svart- og dísilolíu fór í sjóinn við strand flutningaskipsins Wilson Muuga. Dæling á olíu úr skipinu hófst í fyrrinótt og stóð enn yfir þegar Morgunblaðið fór í prentun. Þá hafði alls rúmum 60 tonnum af olíu verið dælt úr skipinu. Um borð í Muuga voru alls 120 tonn af svartolíu og 17 tonn af dísilolíu.
Innlent | mbl.is | 21.12.2006 | 15:41
Minningarathöfn um danska sjóliðsforingjann sem lést við
björgunaraðgerðir
Innlent | mbl.is | 20.12.2006 | 14:23
Lítið hægt að gera á strandstaðnum í dag
Innlent | mbl.is | 20.12.2006 | 9:00
Innlent | mbl.is | 19.12.2006 | 12:38
Búið að sækja lík danska skipverjans og flytja það til Reykjavíkur
Innlent | mbl.is | 19.12.2006 | 10:10
Lík danska varðskipsmannsins fundið; björgunarsveitir meta aðstæður
Innlent | mbl.is | 19.12.2006 | 8:37
Varðskipsmenn af danska varðskipinu Triton fóru í sjóinn; einn beið
bana
Innlent | mbl.is | 19.12.2006 | 7:57
Flogið verður með menn í flutningaskipið til að meta björgunaraðstæður
|
Wilson Muuga á leið til Líbanons |
| Tilkynna um óviðeigandi tengingu við frétt | |
Bloggar | Breytt 5.6.2007 kl. 07:10 | Slóð | Facebook | Athugasemdir (0)
Mánudagur, 4. júní 2007
Jubíííííí, nú verða sjávarplássin bara gerð að minjasöfnum.
Nú geta "grænir" aldeilis glaðst, og einnig stórútgerðirnar, ef fer sem horfir má alveg kveðja allflest sjáfarpláss á íslandi, ekki verður smábátum fært að gera út á enn minni kvóta en þeir hafa nú þegar, og sá litli kvóti sem eftir verður fer einfaldlega til þeirra sem eiga enn stærri kvóta.
Þetta er kannski hið besta mál, því nú geta sportkallar og grænfriðungar að sunnan bara keypt þessa báta koppa og boðið fólki að skoða kvalinn sem er hér við land að eigna sér öll svæði, einnig er svo hægt að fara með ferðamenn vítt og breitt um landið í sýningarferð um fyrrverandi atvinnuskapandi sjávarpláss.
já, mér lýst vel á þetta, nú verða mínir menn, þeir ríku ríkari.
Nú þurfum við bara að taka á landbúnaðarmálunum, þetta gengur náttúrulega ekki að landsmenn séu að láta sér til munns kjöt, kjöt af litlu sætu dýrunum, nú þurfum við bara að tala við Paul Watson og aðra dýraverndunarsinna og stofna Farm Shepherd og banna alfarið að leggja sér búpening til munns.
Við tökum svo bara síðar á gróðurmálunum, þannig að við étum nú ekki allan gróðurinn upp til agna.
Og engin álver eða einhver risa stóryðjur.
Þetta er allt að koma hjá okkur íslendingum.
Fréttin á Mbl.: Greiningardeild Kaupþings spáir því, að farið verði bil beggja við ákvörðun þorskkvótans á næsta fiskveiðiári og kvótinn verði á milli þess sem aflaregla segir til um og þess sem Hafrannsóknastofnunin leggur til. Samdrátturinn verði því um 20% og að aflamarkið fari því úr 193 þúsund tonnum niður í 155 þúsund tonn.
Í ½5 fréttum segir, að þorskur og tengdur iðnaður séu um 13% af heildarútflutningi á vörum og þjónustu. Samkvæmt grófri áætlun megi ætla að hver 1000 tonn af þorski skapi um 244 milljónir í útflutningstekjur. Þar af leiðandi, ef farið yrði að ráðum Hafrannsóknarstofnunnar, myndi það þýða um 14,5 milljarða tap í útflutningsverðmæti, eða um 4% af heildarútflutningi Íslendinga. Verði aflamarkið ákveðið 155 þúsund tonn þýði það 9 milljarða samdrátt í útflutningi eða sem nemur um 2,6% af heildarútflutningi vöru og þjónustu. Áhrifin skiptast þó á milli áranna 2007 og 2008 þar sem kvótaárið nær frá byrjun september til loka ágúst. Áhrifin á þessu ári verði því tiltölulega lítil.
|
|
Spá því að þorskkvótinn verði ákveðinn 155 þúsund tonn |
| Tilkynna um óviðeigandi tengingu við frétt | |
Bloggar | Slóð | Facebook | Athugasemdir (2)
Mánudagur, 4. júní 2007
Það er nú bara glæpsamlegt af konum að villa um á sér heimildir.
Það sjá það náttúrulega allir að það er hreinlega glæpsamlegt af konum að lita á sér hárið.
Við getum tekið mjög skír dæmi um það.:
Karl ræfill sem heillast eingöngu af konum með ljóst hár verður kannski yfir sig ástfanginn af einhverjum ljóshærðum engli, sængar með henni, sleikir hana í bak og fyrir, já og jafnvel borðar með henni og giftist henni síðan. Svo einn morguninn vaknar karl anginn við það að KONAN hans er að koma útúr sturtu og er þá rauðhærð.
Það segir sig alveg sjálft að á þessum tímapunkti gæti bara hjartað hans hreinlega stoppað, já og aldrei farið af stað aftur, það kallast morð.
Þetta væri eins og hann hefði boðið síðhærðri ljóshærði fallegri dömu heim og sængaði með henni og þegar húhann ætlaði að þreyfa á eftirsóttu líffæri, kæmi bara í ljós að það væri sko bara allt annað þarna niðri en það sem ætti að vera á konu.
Já það ætti að setja refsilög við hára litun og hananú.
Fréttin á Mbl.: Jessica Alba segir að það sé engin lygi að karlmenn veiti ljóskum meiri athygli en konum með annan háralit. Þetta hafi hún sjálf fengið að reyna þegar hún litaði hárið á sér ljóst er hún lék í Fantastic Four og Sin City.
Í viðtali við tímaritið Elle segir Jessica: „Fólk veitir ljóskum miklu meiri athygli en dökkhærðum konum. Það var áreiðanlega horft á mig fjórum til fimm sinnum oftar en þegar ég var með minn eiginlega háralit.“
|
|
Jessica Alba segir karla í raun og veru hrifnari af ljóskum |
| Tilkynna um óviðeigandi tengingu við frétt | |
Bloggar | Breytt s.d. kl. 17:27 | Slóð | Facebook | Athugasemdir (6)
Mánudagur, 4. júní 2007
Vísna gáta dagsins.
Vísnagáturnar og gátur sem birtast á þessari bloggsíðu eru eftir hina og þessa höfunda, óskað er eftir svari og eins höfundanafni, Svar telst hinsvegar rétt þótt höfundarnafn vanti, enda getur komið hjá Bloggara vísnagáta eða gáta sem Bloggari hefur ekki höfundarnafnið á. Ekki er neinn sérstakur tímarammi á innsetningu á gátum..
-
Gáta dagsins er svohljóðandi:
Samnefni ber, með leið yfir bæinn
borg útí heiminum líka
með fólki það fer, oft langt yfir sæinn
finnst mörgum, það geri þá ríka.
.
Svar óskast (og helst höfundarnafn)
Öllum eru velkomið að þreyta gátur þær sem birtast hér á www.partners.blog.is
Vísbendingar koma á eftir svartilraunum eins fljótt og auðið er.
Bækur | Breytt s.d. kl. 17:26 | Slóð | Facebook | Athugasemdir (22)
Sunnudagur, 3. júní 2007
Nú geta allir fengið sér frítt í nefið.
Af hverju í ósköpunum er verið að gefa þetta upp? nú verður ábyggilega stappað í allar flugvélar til Rómar og fólk barar flykkist þangað til að taka Róm í nefið.
Kannski er það einmitt málið, þetta er bara eitthvað auglýsinga trikk hjá ferðaskrifstofum, einhver flaug smá rellu þarna yfir og sturtaði nokkrum línum yfir miðbæinn.
Það er varla hægt að taka fólk fast núna í Róm fyrir að vera undir áhrifum eiturlyfja, er það nokkuð.
|
|
Kókaínagnir í loftinu í Róm |
| Tilkynna um óviðeigandi tengingu við frétt | |
Dægurmál | Breytt s.d. kl. 23:46 | Slóð | Facebook | Athugasemdir (10)
Sunnudagur, 3. júní 2007
Vísna gáta dagsins.
Vísnagáturnar og gátur sem birtast á þessari bloggsíðu eru eftir hina og þessa höfunda, óskað er eftir svari og eins höfundanafni, Svar telst hinsvegar rétt þótt höfundarnafn vanti, enda getur komið hjá Bloggara vísnagáta eða gáta sem Bloggari hefur ekki höfundarnafnið á. Ekki er neinn sérstakur tímarammi á innsetningu á gátum..
-
Gáta dagsins er svohljóðandi:
Heldur oft fast, um mig og þig
oft er það gamalt og lúið
oft er í snúru, en sýnir þó sig
síðar mun lifa, þó lífið sé búið
.
Svar óskast (og helst höfundarnafn)
Öllum eru velkomið að þreyta gátur þær sem birtast hér á www.partners.blog.is
Vísbendingar koma á eftir svartilraunum eins fljótt og auðið er.
Bloggar | Breytt s.d. kl. 00:29 | Slóð | Facebook | Athugasemdir (25)
Laugardagur, 2. júní 2007
Meyri aula dómurinn, og nú veit ég ráð svo Valur vinni.
Þessi aðferð getur verið dálítið vafasöm svo ekki sé sterkara tekið til orða.
Næst þegar Valur og KR keppa í úrslitaleik (hvenær sem það nú verður) ætla ég að klæðast KR treyju og gefa eins og einum dómaranum einn áann,
ég er nefnilega Valsari.
|
|
Svíum dæmdur 3:0 sigur á Dönum á Parken eftir árás á dómara |
| Tilkynna um óviðeigandi tengingu við frétt | |
Bloggar | Breytt s.d. kl. 22:25 | Slóð | Facebook | Athugasemdir (4)
Laugardagur, 2. júní 2007
Sjómannadagurinn og helgin - Dagskráin.
Mikið er um að vera um allt land þessa helgina og er á flestum stöðum gríðamikil dagskrá.
Hér er dagskráin fyrir Reykjavík og Hafnarfjörð 2 og 3 júní.:
Laugardagur 2 júní Reykjavík
10:00 Hátíð hafsins flautuð inn af skipslúðrum.
10:00-16:00 Furðufiskar – Hafrannsóknarstofnun hefur safnað skrýtnum fiskum sem verða til sýnis. Skoðaðu broddabak, sædjöful, svartgóma og fleiri furðudýr.
09:00-17:00 Hvalaskoðun Reykjavík Tilboð í hvalaskoðun – 3.000 kr fyrir fullorðna, 1.500 kr fyrir börn 7-15 ára og frítt fyrir 6 ára og yngri. Farið kl. 9.00, 13.00 og 17.00. Hver ferð tekur 2,5 – 3 tíma. Ægisgarður-Reykjavíkurhöfn
10:00–16:00 Opið hús í félagsheimili Brokeyjar á Ingólfsgarði, flotbryggjurnar einnig opnar. Kaffi á könnunni. Ingólfsgarður-Reykjavíkurhöfn
11:00-18:00 Ljósmyndasýning á vegum Faxaflóahafna.
11:00-17:30 Viðey og vaffla. Fjölbreytt afþreying fyrir alla fjölskylduna. Tilboð Ferjugjald, vaffla og kaffi/kakó 1.100 kr fyrir fullorðna og 600 kr fyrir börn Ferjan fer kl. 12:00 frá gömlu höfninni og þaðan er einnig boðið uppá rútuferðir til Sundahafnar þaðan sem siglt er til Viðeyjar kl. 11:00 og á klukkutíma fresti frá kl. 13:00 – 17:00. Nánari upplýsingar um áætlun ferjunnar má finna á www.videy.com
11:00-17:00 Víkin – Sjóminjasafnið í Reykjavík. Safnið opnað. Ókeypis aðgangur. Kaffi og með því í boði Euripris. Sjá nánari dagskrá á bls.13 Grandagarði 8
11:00 Dorgveiðikeppni á hafnarbakkanum við Ægisgarð. Allir þátttakendur fá bíómiða í Laugarásbíó og viðurkenningarskjal.
11:15 Víkin – Sjóminjasafnið í Reykjavík. Opnun sýningarinnar Fiskur, fjör og færiband í tilefni af 60 ára stofnafmæli Bæjarútgerðar Reykjavíkur. Sjá nánari dagskrá á bls.13 Grandagarði 8
11:30 Skemmtisigling uppá Skaga. Sæbjörgin, skip slysavarnarskóla Landsbjargar, siglir frá Miðbakka Reykjavíkurhafnar til Akraness. Vöfflur, kaffi og einstök stemmning um borð. Takmarkaður fjöldi, aðgangur ókeypis. Sæbjörgin siglir til baka kl. 14:30. Miðbakkinn-Reykjavíkurhöfn
12:00 Siglingakeppni Brokeyjar, Eyjahringurinn um sundin blá, ræst með fallbyssuskoti. Miðbakkinn-Reykjavíkurhöfn
12:00-17:00 Líf og fjör á Miðbakkanum. Parísarhjól, rafmagnsbílar, prinsessukastali og mörg fleiri leiktæki. Miðbakkinn-Reykjavíkurhöfn
13:00 – 16:00 Landhelgisgæslan sýnir varðskipið Tý Nú gefst kostur á að skoða þetta glæsilega skip sem hefur verið í þjónustu gæslunnar í 32 ár og tekið þátt í ótal leitar- og björgunaraðgerðum. Faxagarði-Reykjavíkurhöfn
13:00 – 16:00 Matur og menning á Miðbakkanum Flöskuskeytasmiðja: Sendu skilaboð út í heim. Kl. 16:00 verður siglt með Sæbjörginni út á flóa og flöskuskeytum kastað á haf út. Flöskur litir og leiðbeinandi á staðnum. Kvennadeild Slysavarnarfélagsins Landsbjargar selur vöfflur og kaffi. Hvalaskoðun Reykjavík kynnir skemmtilega dagskrá sína. Litasamkeppni fyrir börnin og vinningar dregnir út á alla þriðjudaga í júní. Fiskisaga fyrir sælkera: Fiskisaga kynnir ljúffenga sælkera fiskrétti og býður gestum að smakka. Grillað verður fyrir gesti ef veður leyfir. Sportkafarafélag Íslands grillar öðuskel og annað lostæti á hafnarbakkanum. RB veiðibúð kynnir glæsilegan útbúnað til sjóstangaveiði. Háskólinn á Hólum kynnir starfsemi sína Háskólinn á Akureyri kynnir nám og rannsóknir í sjávarútvegsfræðum og sjávarlíftækni. Sýndar verða lifandi myndir af lífríki Eyjafjarðar. Edda útgáfa: Kynning á bókinni “Ég vil fisk” eftir Áslaugu Jónsdóttur. Höfundur teiknar fiska á blöðrur fyrir öll börn milli kl. 14 og 16. Teiknisamkeppni á vegum Eddu útgáfu. Höfundar 20 fallegra fiskamynda fá bók að launum. Fjölskyldu og húsdýragarðurinn. Hefur þú klappað krabba? Lifandi sjávardýr sem hægt er að skoða og koma við undir leiðsögn starfsfólks sjávardýrasafnsins í Fjölskyldu- og húsdýragarðinum. Fjöltækniskóli Íslands kynnir starfsemi sína Fiskistofa Matís: Hvernig breytist fiskur við geymslu? Sýndur verður heill þorskur; nýr, 2-3 daga gamall og 10 til 12 daga gamall. Gestum gefst kostur á að lykta af flökunum og finna mun á lykt misferskra flaka. Þekkir þú lyktina? Leikur fyrir börn og fullorðna þar sem þátttakendur lykta upp úr glösum og giska á lyktina. Överur í matvælum Gestum verður boðið að skoða ræktunarskálar með mismunandi örverum. Þessar örverur geta borist í matvæli eins og fisk. Sumar þeirra eru skemmdar örverur sem mynda niðurbrotsefni og breyta lykt og bragði fisksins. Vestfirskur harðfisksali
13:00 Björgunarsveitin Ársæll. Jeppar og annar búnaður til sýnis. Hópurinn verður með kennslu í endurlífgun fyrir almenning. Miðbakkinn-Reykjavíkurhöfn
13:30 Spennandi knattspyrnukeppni og reipitog á milli áhafna á gervigrasvellinum í Laugardal. Hoppkastali á staðnum fyrir yngstu gestina. Þróttarvöllur, Laugardal
13:00-16:00 Happdrætti DAS sýnir glæsilegan Lexus GS300 og Harley Davidson V-Rod mótorhjól, aðalvinningar happdrættisins. Miðbakkinn-Reykjavíkurhöfn
13:00 Víkin – Sjóminjasafnið í Reykjavík. Hraðbátur árgerð 1950, íslensk völundarsmíð, sýndur á Miðbakka. Sjá nánari dagskrá á bls.13 Grandagarði 8
13:30 – 16:00 Víkin – Sjóminjasafnið í Reykjavík. Netahnýting splæsing og harmoníkuleikur. Sjá nánari dagskrá á bls.13 Grandagarði 8
14:00 Sjómannalagahátíð - Kontrapunktur sjómannalaga. Spurningarkeppni milli liða frá sjávarplássunum Reykjavík og Ólafsfirði. Hljómsveitin Roðlaust og beinlaust tekur tóndæmi og keppendur beggja liða geta leitað eftir aðstoð áhorfenda. Listasafn Reykjavíkur-Hafnarhús
15:00 Sjómannalagakepnni Hátíðar hafsins og Rásar 2. Vinningslagið úr hinni æsispennandi Sjómannalagakeppni verður verðlaunað og frumflutt. Listasafn Reykjavíkur-Hafnarhús
15:00 Víkin – Sjóminjasafnið í Reykjavík. Sjósetning landhelgisbáts. Sjá nánari dagskrá á bls.13 Grandagarði 8
15:15 – 17:00 Ólafsfirsku hljómsveitirnar Roðlaust og beinlaust, South river band og Spilmenn Ríkínís flytja lög úr ýmsum áttum. Guðmundur Ólafsson leikari kynnir og segir sannar sögur frá Ólafsfirði. Listasafn Reykjavíkur-Hafnarhús
16:00 Brautarkeppni Snarfara. Keppt verður í flokki almennra báta og keppnisbáta. Sæbraut
16:00 Flöskuskeytasigling. Hvar endar bréfið þitt? Komdu í skemmtilega fjölskyldusiglingu og sendu skilaboð út í heim. Miðbakkinn-Reykjavíkurhöfn
18:00 Fiskiveisla Hátíðar hafsins. Upplýsingar um veitingastaði og matseðla er að finna í dagskrárritinu bls. 3-7 og á
Matur á hafnarsvæðinu
11:30 – 18:00 Iceland fish and chips Þorskur, stökkar kartöflur og okkar rómaða skyronnes á tilboði í tilefni af Hátíð hafsins. Einnig speltpönnsur með rjóma og Himneskri hollustu sultu og lífrænni mjólk. Gómsætur og hollur biti. Verið velkomin. Tryggvagötu 8
11:00 – 17:00 Opið hús hjá Sægreifanum. Tilboð á humarsúpu og fiski á grilli. Ljúfir sjómannavalsar hljóma og hægt er að fá sér lúr uppi á lofti eftir matinn. Verbúð við smábátahöfn
11:30 - 19:00 Sushismiðjan býður uppá tilboð á veitingum í tilefni dagsins. 1. 7stk blandaður sushi bakki – gos - kaffi – kr. 1.000 2. baguette m/ reyktum laxi – gos – kaffi – kr. 1.000 Verbúð við smábátahöfn
10:00 – 22:00 Sjávarbarinn – nýr veitingastaður við Grandagarð Sjávarréttahlaðborð Sjávarbarsins- sjávarréttir í öndvegi kr. 1900 Heimsfræg sjávaréttasúpa (aðalréttur) kúffull af skelfiski og úrvali af sjávarfangi ásamt hvítvíni, rjóma og ferskum kryddjurtum kr. 1600 Fiskur og franskar kr. 1400 Grandagarður 9
Sunnudagur 3 júní Reykjavík 08:00 Hátíðarfánar prýða skip í höfninni. 10:00 Athöfn við Minningaröldu Sjómannadagsins.
Sr. Jakob Ágúst Hjálmarsson fer með ritningarorð og bæn. Starfsmenn Landhelgisgæslunnar standa heiðursvörð við Minningaröldurnar. Fossvogskapella í Fossvogskirkjugarði 11:00 Sjómannaguðsþjónusta í Dómkirkjunni. Biskup Íslands herra Karl Sigurbjörnsson predikar og minnist drukknaðra sjómanna. Sr. Jakob Ágúst Hjálmarsson þjónar fyrir altari. Meðan á guðsþjónustu stendur verður laðgur blómsveigur á leiði óþekkta sjómannsins. 10:00-16:00 Furðufiskar – Hafrannsóknarstofnun hefur safnað skrýtnum fiskum sem verða til sýnis. Skoðaðu broddabak, sædjöful, svartgóma og fleiri furðudýr. Miðbakkinn-Reykjavíkurhöfn 09:00-17:00 Hvalaskoðun Reykjavík Tilboð í hvalaskoðun – 3.000 kr fyrir fullorðna, 1.500 kr fyrir börn 7-15 ára og frítt fyrir 6 ára og yngri. Farið kl. 9.00, 13.00 og 17.00. Hver ferð tekur 2,5 – 3 tíma. Ægisgarður-Reykjavíkurhöfn 11:00-17:30 Viðey og vaffla. Fjölbreytt afþreying fyrir alla fjölskylduna. Tilboð Ferjugjald, vaffla og kaffi/kakó 1.100 kr fyrir fullorðna og 600 kr fyrir börn Ferjan fer kl. 12:00 frá gömlu höfninni og þaðan er einnig boðið uppá rútuferðir til Sundahafnar þaðan sem siglt er til Viðeyjar kl. 11:00 og á klukkutíma fresti frá kl. 13:00 – 17:00. Nánari upplýsingar um áætlun ferjunnar má finna á www.videy.com
11:00-17:00 Víkin – Sjóminjasafnið í Reykjavík
Aðgangur óskeypis. Kaffi og með því í boði Europris.
Grandagarði 8 12:00-17:00 Líf og fjör á Miðbakkanum. Parísarhjól, rafmagnsbílar, prinsessukastali og mörg fleiri leiktæki. Miðbakkinn-Reykjavíkurhöfn 13:00 – 16:00 Landhelgisgæslan sýnir varðskipið Tý Nú gefst kostur á að skoða þetta glæsilega skip sem hefur verið í þjónustu Gæslunnar í 32 ár og tekið þátt í ótal leitar- og björgunaraðgerðum. Faxagarði-Reykjavíkurhöfn 13:00 - 16:00 Happdrætti DAS sýnir glæsilegan Lexus GS300 og Harley Davidson V-Rod mótorhjól, aðalvinningar happadrættisins. Miðbakkinn-Reykjavíkurhöfn
13:00, 14:00 Skemmtisigling fjölskyldunnar: Skólaskip Slysavarnarfélagsins og 15:00 Landsbjargar, Sæbjörg siglir um sundin blá. Ómetanlegt tækifæri fyrir Reykvíkinga og gesti höfuðborgarinnar að sjá borgina frá allt öðru sjónarhorni en venjulega. Kvennadeild Slysavarnafélagsins Landsbjargar í Reykjavík selur veitingar.
Aðgangur ókeypis. Miðbakkinn-Reykjavíkurhöfn 13:00 Sýning Björgunarsveitarinnar Ársæls á viðbrögðum við manni í sjó Miðbakkinn-Reykjavíkurhöfn
13:00 – 16:00 Matur og menning á Miðbakkanum
Kvennadeild Slysavarnarfélagsins Landsbjargar selur vöfflur og kaffi. Hvalaskoðun Reykjavík kynnir skemmtilega dagskrá sína. Litasamkeppni fyrir börnin og vinningar dregnir út á www.elding.is alla þriðjudaga í júní.
Fiskisaga fyrir sælkera: Fiskisaga kynnir ljúffenga sælkera fiskrétti og býður gestum að smakka. Grillað verður fyrir gesti ef veður leyfir. Sportkafarafélag Íslands grillar öðuskel og annað lostæti á hafnarbakkanum. RB veiðibúð kynnir glæsilegan útbúnað til sjóstangaveiði. Háskólinn á Hólum kynnir starfsemi sína Háskólinn á Akureyri kynnir nám og rannsóknir í sjávarútvegsfræðum og sjávarlíftækni. Sýndar verða lifandi myndir af lífríki Eyjafjarðar. Edda útgáfa: Kynning á bókinni “Ég vil fisk” eftir Áslaugu Jónsdóttur. Höfundur teiknar fiska á blöðrur fyrir öll börn milli kl. 14 og 16. Teiknisamkeppni á vegum Eddu útgáfu. Höfundar 20 fallegra fiskamynda fá bók að launum. Fjölskyldu og húsdýragarðurinn. Hefur þú klappað krabba? Lifandi sjávardýr sem hægt er að skoða og koma við undir leiðsögn starfsfólks sjávardýrasafnsins í Fjölskyldu- og húsdýragarðinum. Fjöltækniskóli Íslands kynnir starfsemi sína Fiskistofa Matís: Hvernig breytist fiskur við geymslu? Sýndur verður heill þorskur; nýr, 2-3 daga gamall og 10 til 12 daga gamall. Gestum gefst kostur á að lykta af flökunum og finna mun á lykt misferskra flaka. Þekkir þú lyktina?
Leikur fyrir börn og fullorðna þar sem þátttakendur lykta upp úr glösum og giska á lyktina. Överur í matvælum
Gestum verður boðið að skoða ræktunarskálar með mismunandi örverum. Þessar örverur geta borist í matvæli eins og fisk. Sumar þeirra eru skemmdar örverur sem mynda niðurbrotsefni og breyta lykt og bragði fisksins. Vestfirskur harðfisksali Miðbakkinn-Reykjavíkurhöfn 13:00 Björgunarsveitin Ársæll verður með farartæki og rústabjörgunarbúnað til sýnis á Miðbakkanum auk þess sem sjúkrahópur verður með kynningu á endurlífgun.
Miðbakkinn-Reykjavíkurhöfn 13:30 – 16:00 Víkin – Sjóminjasafnið í Reykjavík. Netahnýting, splæsing og harmóníkuleikur. Grandagarði 8 13:00 – 16:00 Fjallabjörgunarhópur Björgunarsveitarinnar Ársæls verður með sigæfingu og leyfir krökkum að taka þátt.
Ath staðsetningu 14:00-15:00 Hátíðarhöld Sjómannadagsins á Miðbakka Setning hátíðarinnar: Guðmundur Hallvarðsson, formaður Sjómannadagsráðs. Ávörp: Einar K. Guðfinnsson Sjávarútvegsráðherra Vilhjálmur Jens ÁRNASON aðstoðarframkvæmdarstjóri L’I’U Björn Ingi Hrafnsson formaður hafnarstjórnar Faxaflóahafna Birgir H. Björgvinsson stjórnarmaður í sjómannafélagi íslands Voices Thules Sjómenn heiðraðir Voices Thules Kynnir Hálfdan Henrýsson Miðbakkinn-Reykjavíkurhöfn 15:00 Kappróður í innri höfninni. Frækin lið ræðara takast á.
Miðbakkinn-Reykjavíkurhöfn 15:00 Listflug yfir Reykjavíkurhöfn
15:00 Skemmtidagskrá á Miðbakkanum
Hafnarfjörður. Laugardagur 2. júní
Kl. 12 – 18 Þjóðahátíð Alþjóðahússins í íþróttahúsinu við Strandgötu í Hafnarfirði.Matur, músík og menning frá öllum heimshornum.
Sunnudagur 3. júní - Sjómannadagurinn
|
Menning og listir | Breytt s.d. kl. 20:43 | Slóð | Facebook | Athugasemdir (6)
Laugardagur, 2. júní 2007
Búið er að skáka Dauðanum útaf taflborði daglegrar tilveru og inná þar til gerðar stofnanir.
Hvað veist þú um dauðann? Getur verið að "dauðinn" hafi breyst?
Á síðustu 100-150 árum gjörbreyttist tilvera íslensku þjóðarinnar. Hún yfirgaf torfbæjamenningu liðinna alda og stökk inní tæknivæddan nútímann á ljótri prjónabrók. Þjóð lagðist til svefns í daunillri, myrkri baðstofu en vaknaði í uppljómuðu raðhúsi á Seltjarnarnesi og týndi fortíð sinni á leiðinni. Hún stóð skyndilega alsköpuð og tæknivædd í morgunsári nýrrar dögunar án tengsla við nóttina eða frumstætt bændasamfélag 19du aldar. Gríska goðafræðin segir að Pallas Aþena hafi stokkið á þennan veg fullsköpuð útúr höfði Seifs með skjöld og sverð.
Nútímamaðurinn skildi eftir vandamál eins og hungur, farsóttir og einangrun á vegferð sinni og á fullt í fangi með að gera sér veruleika liðinna alda í hugarlund. Í basli liðinna alda hefði allsnægtasamfélag þeirrar 21stu verið sem útilegumannabyggð í yfirbyggðum dal. Landpóstar og jeppamenn nútímans gætu aldrei skilið veruleika hvers annars.
Þetta risastökk inní draumkennda, óvissa framtíð án allra tengsla við sögu, siðprýði, siðleysi og reynslu forfeðranna hefur skilið Íslendinga eftir í tilvistarlegu tómarúmi. Saga annarra þjóða er ekki eins öfgakennd enda fóru þær inní nútímann í áföngum en ekki á öfugu heljarstökki.
Samskipti við Dauðann hafa einnig gjörbreyst á þessu tímaskeiði. Hann er ekki lengur eins og hver annar heimilismaður eða hluti daglegrar tilveru. Hrikalegur ungbarnadauði liðinnar aldar heyrir sögunni til og árvissar, mannskæðar farandpestir eru hættar að leggja leið sína um landið. Veruleiki Dauðans hefur flust útaf heimilum og tilveru venjulegs fólks og inná sjúkrahús og elliheimili. Hann hefur helgað sér eldri kynslóðina en lætur venjulega aðra í friði enda kemur í ljós þegar dánarauglýsingar Moggans eru skoðaðar að flestir sem deyja eru nokkuð við aldur. Sem betur fer heyrir til undantekninga að börn eða ungmenni deyi á tímum nútímasamfélagshátta og lækninga.
Þjóð og ríkisstjórn hafa gert um það þegjandi samkomulag við Dauðann að sjúkrahús og elliheimili séu eðlilegur starfsvettvangur hans en ekki leikvellir lífsins, heimili, vinnustaðir, samgöngutæki, skólar eða dansstaðir. Dauðinn hefur haldið samkomulagið að mestu leyti. Stöku sinnum gleymir hann sér og sveiflar ljánum úti í samfélaginu, en venjulega heldur hann sér innan fyrirfram ákveðinna marka og lætur ekki sjá sig á götum úti. Dauðinn í veruleika daglegs lífs er eins og tímavilltur jólasveinn í fullum skrúða um hásumar.
Dauðinn er alls staðar fjarlægur nema í fjölmiðlum. Þegar batnandi heilsufar og breyttir samfélagshættir ýttu honum útúr raunverulegri tilveru fólks fékk hann sér vinnu í afþreyingariðnaðinum. Í öllum fréttum, spennuþáttum og mörgum skemmtidagskrám gegnir Dauðinn mikilvægu hlutverki sem er eins og dauft bergmál af Dauðaþrá miðalda. Þrátt fyrir þrúgandi nærveru sína er hann svo óraunverulegur að enginn tekur mark á honum. Hann er eins og farandpredikari í texta eftir Gylfa Ægisson. Fólk horfir áhugalaust yfir kvöldmatnum á fréttir um stórfengleg flugslys, náttúruhamfarir, mannfrek styrjaldarátök eða skyndidauða frægra einstaklinga. Að loknum auglýsingum er glápt á spennumynd þar sem menn eru skotnir og stungnir til bana á hundrað mismunandi vegu. Dagblöð og vikurit birta stöðugt átakanlegar myndir af brostnum augum dáinna eða biðjandi ásýn þeirra deyjandi. Fjöldagrafir opnast á síðum blaða þar sem limlest lík karla, kvenna og barna liggja í himinhrópandi umkomuleysi og prentsvertu.
En þessi ósköp hreyfa við fæstum. Innst inni eru allir sér þess fullvissir að ekkert þessu líkt komi fyrir þá. Líkur á því að deyja í flugslysi eða fyrir morðingjahendi eru mun minni en vinningslíkur í lottói. Enginn bíleigandi gerir nokkru sinni ráð fyrir því að glæsibíllinn hans muni breytast í líkkistu utan um hann sjálfan. Fæstir búast við því að lenda í snjóflóði eða eldgosi eða hitta blóðþyrsta vígamenn á förnum vegi.
Búið er að skáka Dauðanum útaf taflborði daglegrar tilveru og inná þar til gerðar stofnanir.
Sé þetta borið saman við nálægð Dauðans á liðnum öldum, verða umskiptin ótrúleg. Þegar flett er gömlum kirkjubókum kemur í ljós að Dauðinn var sjálfsagður sambýlingur í tilverunni og gerði sig heimakominn eins og köttur á baðstofufleti. Árið 1850 voru skráð liðlega 20 dauðsföll í kirkjubók Útskálakirkju á Suðurnesjum, þar af dóu 13 börn undir fimm ára aldri. Þetta fólk gaf upp öndina heima hjá sér að þeim undanskildum sem drukknuðu í sjó eða urðu úti. Menn lágu banaleguna og skildu við í fleti sínu í baðstofunni innan um annað heimilisfólk.
Þegar síðustu andvörpin höfðu verið tekin veitti einhver á heimilinu hinum látna nábjargir, oftast húsbóndi eða húsfreyja. Ljósmæður voru fengnar til að aðstoða heimilisfólk við þvott og frágang á líkinu eða aðrar konur sem ekki voru líkhræddar. Karlmennirnir á heimilinu sáu um að hefja líkið úr rúminu á fleka eða kistu ef hún var til. Líkið var svo klætt í lín eða nærföt og sokka og stóð uppi í nokkra daga í kaldri skemmu, framhýsi eða úthýsi eftir aðstæðum hverju sinni. 
Á meðan lík stóð uppi í heimahúsi var ílát með líkvatni haft undir kistunni til að koma í veg fyrir nálykt. Skipt var um vatn daglega og skyldi því hellt fjarri bænum, þar sem menn trúðu að það drægi í sig „óholla dampa“ eða uppgufun frá líkinu. Víða á Norðurlöndum höfðu menn tröllatrú á lækningamætti líkvatns og auk þess á því vatni sem notað hafði verið til að þvo lík. Heimilisfólkið signdi náinn kvölds og morgna og oftast vakti einhver yfir líkinu á nóttum. Ljós var haft hjá hinum látna þegar myrkt var. Börnum var kennt að umgangast Dauðann af tilhlýðilegri virðingu eins og hvern annan virðulegan heimilisgest. Í þessu viðamikla leikriti gegndu líkin þýðingamiklum hlutverkum sínum af stakri prýði.
Þegar einhver hafði látist á 18du og 19du öld var venjulega haldin svokölluð nábrenna sem líka var kallað að „brenna nágrasið“. Heydýna úr fleti hins látna var tekin og brennd ásamt fatnaði, bókum og öðru dóti úr fórum hins dána. Allt sem á bálið fór varð að brenna til ösku, annars var hætta á reimleikum. Það var talið ills viti þegar reyk af af brennunni lagði yfir bæjarhúsin. Sennilega hefur stór hluti af skáldskap íslenskra utangarðsskálda farið með dótinu þeirra á þetta bál enda segir að mikið hafi verið brennt af leirburði í nábrennum.
Allir þessir lokaþættir í ævisögu hvers heimilismanns, banalega, dauðastríð, síðustu andvörpin, kistulagning og jarðarför fóru fram fyrir opnum tjöldum að viðstöddu heimilisfólki, gestum og nágrönnum. Dauðinn kom og fór að eigin geðþótta, ófeiminn og hnarreistur og skeytti engu um áhorfendur eða meðleikara í lokaþætti lífsins. Eftirlifandi heimilismenn voru þátttakendur í dauðastríði og andláti hvort heldur þeim líkaði betur eða verr.
Í samanburði við þennan veruleika Dauðans á liðnum öldum er nútímadauðinn nánast kominn í felur. Hvar sem hann drepur niður fæti eru læknar, útfararstjórar og líksnyrtar önnum kafnir við að moka í slóðina svo að hún sjáist ekki. Flestir deyja inni á lokaðri sjúkradeild innan um ókunnuga hjúkrunarfræðinga og lækna eða ættingja. Kveðjustund, kistulagning og jarðarför fara fram á sérstökum stofnunum. Lík standa ekki lengur uppi í heimahúsum heldur í líkhúsum við hentugt kuldastig. Þegar aðstandendur sjá hinn látna í kistunni hefur starfsfólk útfararstofnunar farið svo vel um hann höndum að því er líkast að hann hafi fengið sér smáblund í dagsins önn. Engum dettur í hug að nota líkvatn sér til heilsubótar og nábrennur með munum úr eigu hins látna eru ekki haldnar lengur. Skáldskapur utangarðsskálda tilheyrir jólabókaflóðinu. Einu tengsl mikils hluta þjóðarinnar við raunverulegan „ekki-fjölmiðla“ Dauða eru minningagreinar, dánarauglýsingar og slysafréttir dagblaða.
Einhver sjónvarpsandstæðingur reiknaði það út að venjulegt íslenskt sjónvarpsbarn hefði um fermingu séð margfalt fleiri dauðsföll en hermenn á átakasvæðum heimsstyrjaldarinnar síðari. Öll börn hafa séð óteljandi sjónvarpslík bæði leikin og raunveruleg í fréttum og kvikmyndum. Tölvuleikir gefa barninu enn frekari tækifæri til að komast í snertingu við Dauðann með því að drepa grúa af missaklausum tölvuverum með tölvugikk. En nálægð þykjustudauðans gerir hann enn framandlegri. Hægt er að slökkva á tölvuleik, byrja uppá nýtt og hinir dauðu rísa upp. Fréttamyndir af líkum á hörmungarsvæðum náttúruhamfara eða styrjalda líða hjá á skjánum eins og draumur, hverfa og víkja fyrir skemmtiefni.
Stór hluti nútímafólks hefur aldrei séð lík nema á sjónvarpsskjá.
En þrátt fyrir meinta fjarveru Dauðans hefur hann aldrei vakið jafn mikinn áhuga. Upp eru komin sérstök Dauðafræði sem fjalla um veruleika og tjáningarform Dauðans. Þessi fræði eru á erlendum málum kennd við sjálfan Thanatos, persónugerving Dauðans í grískri goðafræði, og kölluð thanatológía. Mikill fjöldi bóka kemur út á hverju ári um fyrirbærið og fræðimenn hittast á stórum ráðstefnum til að varpa ljósi inní skuggalendur Dauðans. Við marga háskóla eru haldin regluleg námskeið þar sem veruleiki og aðferðarfræði Dauðans er krufin til mergjar. Dauðinn fer hamförum á internetinu þar sem ótrúlegur fjöldi slóða leiða lysthafendur inn í ríki hans.
Margir vonast til þess að raunvísindin muni afhjúpa um síðir, „mysterium mortis.“ Leyndardómar Dauðans eru í hugum margra óþolandi á tímum stórfenglegra tækniframfara. Maðurinn kannar í sífellu æ stærri svið eigin tilvistar. Mannslíkaminn er eiginlega fullkannaður og vísindin hafa þrengt sér inní minnstu frumur og afhjúpað leyndarmál þeirra. Geimfarar hafa stigið fæti á tunglið og náð myndum af yfirborði Marz. Skip á hafsbotni fá engan frið í gröf sinni fyrir alsjáandi augum dvergkafbáta. Ríki Dauðans hlýtur að vera næsta takmark landkönnuða vísindanna.
En nútímamaðurinn veit eiginlega jafn lítið um sjálfan Dauðann og allir forverar hans því að hann gætir enn vel og vandlega landamæra sinna. og þríhöfða hundurinn Kerberus sér til þess að enginn fái að snúa þaðan aftur til lifanda lífs. En þrátt fyrir þessa óvissu tjá dauðafræðingar sig um Dauðann og skrá staðarlýsingar og leiðbeiningar fyrir væntanlega ferðalanga. Það sætir engum undrum að maðurinn tapi áttum í þeim hafsjó kenninga og hugmynda sem umlykja Dauðann. Þrátt fyrir trú á Guð og/eða vísindi, óttast flestir Dauðann og flýja inn í eril daglegs lífs til að komast undan endanleik sjálfs síns. Allar tilgátur um líf eftir Dauðann hafa ekki breytt þessu að neinu marki, hann hrífur og hræðir, heillar, ógnar og vekur aðdáun sem aldrei fyrr. En fyrir flesta er þó þessi áhugi tengdur Dauða allra hinna. Það er auðvelt að ímynda sér heiminn án eiginlega allra annarra en einmitt manns sjálfs. En fyrr eða síðar verður hver manneskja að horfast í augu við „omnis homo moriturus“ endi eigin tilvistar, hvort sem henni líkar það betur eða verr.
Dauðinn er eitthvert merkilegasta viðfangsefni allra hugsandi manna. Birtingarform hans eru óteljandi; hann er óumflýjanlegur og dularfullur eins og fjarlægur ættingi sem allir þekkja af afspurn en engan langar til að kynnast nánar.
Í bók minni Listin að lifa, listin að deyja, reyndi ég að gera dauðanum skil sem heimspekilegu, sögulegu, trúarlegu og læknisfræðilegu fyrirbæri. Þegar ég kynnti bókina víða um land kom mér á óvart hversu margir það voru sem höfðu fyrst og fremst áhuga á dauðanum útfrá sjónarhorni andatrúar og endurfunda. Þessi afstaða er um margt ólík skoðunum grannþjóðanna þar sem umræðan er opnari og umfansgmeiri.
Endalausar minningagreinar Morgunblaðsins bera þessari tilhneigingu gott vitni. Flestar greinarnar fjalla um dauðann sem einhvers konar breytingu á tilverustigi þar sem allir muni á endanum finnast aftur. Menn heita líkinu að hittast síðar í góðu tómi og ræða um allt það sem gleymdist að gera skil í dagsins önn. Þessar greinar bera vitni um barnalega þrá eftir óumbreytanleika og eilífri æsku handan við landamæri lífs og dauða.
Dauðinn hefur vikið um set í nútímaþjóðfélagi, en fjarlægðin gerir hann ekki skiljanlegri eða ásættanlegri, heldur dularfyllri og leyndardómsfyllri. Fólk áttar sig ekki á endanleika hans sem gerir allt daður við dauðann algengara og eðlilegra. Fólk hótar með sjálfsvígi af minnsta tilefni án þess að gera sér grein fyrir þeim leiðarlokum sem dauðinn er.
Stundum er sagt að Dauðinn sé skelfilegasta og fyrsta vísindalega uppgötvun mannsins. Eigin dauðlegleiki var eins og lost sem knúði manninn inn í heim heimspeki, dulvísinda, trúarbragða og lista. Með því að viðurkenna eigin dauðleika minnkaði þörf og áhugi mannsins að flýja Dauðann og afneita honum. Maðurinn fór að skapa eða eyðileggja til að gefa lífi sínu tilgang. Framtíðin á eftir að leiða í ljós hvaða áhrif fjarvera Dauðans úr venjulegu lífi á eftir að hafa á listir, trúarbrögð og heimspeki komandi áratuga. Missir maðurinn hluta af sköpunarkrafti sínum þegar Dauðinn er ekki eins nálægur og áður og þörfin til að skapa ekki eins brýn?
Næstu áratugir munu leiða í ljós hvaða áhrif meint fjarvera dauðans kemur til með að hafa á allt samfélagið.
Þessi grein er eftir Óttar Guðmundsson lækni og finnst mér hann engum líkur, finnst mér þessi skrif vera hrein og bein snilld.
ATH: Myndum eru bætt inn í mér.
Bloggar | Breytt s.d. kl. 20:45 | Slóð | Facebook | Athugasemdir (2)
Tenglar
Ýmislegt áhugavert::
- Heimilissíðan Guðbjörg Sól Sigfúsdóttir
- Jólasíða Allt jóla
- Gestabókin Kveðjur
Efni
RSSNýjustu myndir
Nýjustu myndböndin
Nýjustu færslur
- Langt um liðið :)
- Vísnagáta 31 okt.
- Vísnagáta 28/10.
- Vísnagáta 26/10.
- Vísnagáta dagsins 25/10.
- Vísnagáta 19 okt.
- Vísnagátan 17 okt.
- Spurningaleikur Kalla Tomm!!
- Vísnagáta 14 okt.
- Vísnagáta 12 okt.
- Vísnagáta dagsins 8 okt.
- Vísnagáta dagsins 7 okt.
- Vísna gáta dagsins 6 okt.
- Vísnagáta dagsins 5 okt.
- Vísnagáta dagsins 4 okt.
Bloggvinir
-
Alfreð Símonarson
-
Anna Benkovic Mikaelsdóttir
-
halkatla
-
Ari Guðmar Hallgrímsson
-
Baldvin Jónsson
-
Birgir Leifur Hafþórsson
-
Bjarni Harðarson
-
Elsa Rut Jóhönnudóttir
-
Eygló Þóra Harðardóttir
-
Eyjólfur Kristinn Vilhjálmsson
-
Eysteinn Skarphéðinsson
-
Eyþór Laxdal Arnalds
-
Eyþór Jónsson
-
Fannar frá Rifi
-
Fararstjórinn
-
Friðjón R. Friðjónsson
-
Gestur Halldórsson
-
Guðfríður Lilja
-
Guðmundur Jónas Kristjánsson
-
Guðmundur Ragnar Björnsson
-
Svava frá Strandbergi
-
Guðrún Magnea Helgadóttir
-
Gylfi Björgvinsson
-
Hafsteinn Karlsson
-
Hallur Guðmundsson
-
Hannes Sigurbjörn Jónsson
-
Haraldur Haraldsson
-
Haukur Nikulásson
-
Hrannar Baldursson
-
Hrönn Sigurðardóttir
-
Jens Guð
-
Jón Axel Ólafsson
-
Jónína Benediktsdóttir
-
Kolbrún Baldursdóttir
-
Kolgrima
-
Kristján Jónsson
-
Kristín Katla Árnadóttir
-
Margrét Elín Arnarsdóttir
-
Brosveitan - Pétur Reynisson
-
Páll Vilhjálmsson
-
Ragnar Sigurðarson
-
Sigmar Guðmundsson
-
Sigurjón Benediktsson
-
Sigurður Sigurðsson
-
Stefán Friðrik Stefánsson
-
Viggó H. Viggósson
-
Vilborg Traustadóttir
-
gudni.is
-
Ása Hildur Guðjónsdóttir
-
Ólaf de Fleur Jóhannesson
-
Ólafur Ragnarsson
-
Ólafur fannberg
-
Ólöf Nordal
-
Óskar Þ. G. Eiríksson
-
Örvar Þór Kristjánsson
-
Þóra Hermannsdóttir Passauer
-
Birgir R.
Heimsóknir
Flettingar
- Í dag (22.11.): 0
- Sl. sólarhring:
- Sl. viku: 4
- Frá upphafi: 0
Annað
- Innlit í dag: 0
- Innlit sl. viku: 4
- Gestir í dag: 0
- IP-tölur í dag: 0
Uppfært á 3 mín. fresti.
Skýringar
