Að sjálfsögðu hafa þær áhrif, en rugla val fólks líka allmikið.

Það er alveg á kláru að allar þessar skoðanakannanir hafa áhrif á kjósendur, það er að segja á þá sem eru í óvissu með hvað eigi að kjósa.

Í fréttinni segir að mikið hefur verið rætt um vægi skoðanakannana undanfarið, tilgang þeirra, hvort nokkuð sé að marka þær og hvort þær hafi jafnvel óæskileg áhrif á kosningabaráttuna. Þorlákur Karlsson, forseti viðskiptadeildar Háskólans í Reykjavík og fyrrum framkvæmdastjóri Gallup, segir að margt bendi til að kannanir geti haft áhrif á kjósendur, en að þau áhrif geti þó verið á ýmsa vegu.

Það ætti að takmarka þessar skoðanakannanir, allar eru þær meir og minna eins framkvæmdar, hringt í einhverja x marga kjósendur, hvernig væri að gera öðruvísi kannanir, td. að kanna hvernig hlutfallið sé í td. byggingariðnaði, verslunar geiranum, hjá sjómönnum og svo framvegis.

>Myndskeiðið<

Hafa kannanir áhrif á kjósendur?

Vísna gáta dagsins.

Vísnagáturnar og gátur sem birtast á þessari bloggsíðu eru eftir hina og þessa höfunda, óskað er eftir svari og eins höfundanafni, Svar telst hinsvegar rétt þótt höfundarnafn vanti, enda getur komið hjá Bloggara vísnagáta eða gáta sem Bloggari hefur ekki höfundarnafnið á. Ekki er neinn sérstakur tímarammi á innsetningu á gátum..

-

 

Gáta dagsins er svohljóðandi:

 

Rekkum kvalir rammar vinn
rauðu falin blóði.
Ég hef alið aldur minn
oft í smalahljóði.

 

 

Svar óskast (og helst höfundarnafn)

Öllum eru velkomið að þreyta gátur þær sem birtast hér á www.partners.blog.is

Vísbendingar koma á eftir svartilraunum.

Á rauða Samfylkingin ekki að blómstra út?

Ég er algerlega í öngum mínum, endalokin eru að nálgast og án þess að ég geti rönd við reist.

Þannig var að dyrabjöllunni minni var hringt í fyrradag minnir mig, eða um kvöldið, og fyrir utan stóð þessi líka fagra blómarós, og hvað haldiði, hún rétti mér blóm, já rauða rós, ég þáði þetta fallega blóm að sjálfsögðu af þessari fögru dömu og þakkaði kærlega fyrir.

Ég gleymdi alveg að spyrja dömuna hvort ég þyrfti að fara eitthvað öðruvísi með þessa rós en aðrar, kannski þrífst "þessi tegund" ekki í hvaða landi eða við hvaða skilyrði sem er.

En nú er ég orðin verulega smeykur, rósin er ekkert að opnast nema síður sé, sýnir engin merki þess að hún ætli að blómstra, og ekki nóg með það, hún er að byrja að falla, toppstykkið er farinn að síga niður, jú auðvitað er hún með náttúrulegt og vistvænt vatn, ég er nú ekki svo vitlaus að ég viti ekki að það þurfi að hlúa að þessum greyjum.

En hvað get ég gert? ég vill engan veginn láta þetta bara deyja út, mig langar svo virkilega mikið að sjá hvort ekki sé hægt að fá það til að opna sig og sína einhverja reisn og hvað í henni býr, hvað á ég eiginlega að gera?

Hreinskilni barnanna.

 Margt skemmtilegt og merkilegt dettur uppúr börnunum okkar, skemmtilegt og merkilegt vegna hreinskilningslegra spurninga eða svara.

Hér ætla ég að skrifa það sem dettur uppúr mínum og eða hefur einhvern tíman gert, svona eins og eina á dag helst.

Oft eru svona uppákomur kannski eingöngu skemmtilegar fyrir þá sem þekkja eða eiga það barn sem um ræðir hverju sinni, og þó, mér finnst alltaf gaman að heyra svona gullkorn.

 

 

Prinsessan mín meiddi sig á stóru tá í sundi í gær, það gengur alltaf mikið á í þessari uppáhalds íþrótt hennar, hún var búin að hátta sig var eitthvað að fikta í tásunum sínum og fór síðan að telja, hún kann ágætlega að telja, svona uppí nokkra tugi.

 

Svo segir hún:

Pabbi, komdu og hjálpaðu mér.

Ég: ekki strax, ég er að klára að hreinsa fiskabúrið.

Hún: pabbi, ég finn ekki eina tána mína!

Ég: Ha? finnur þú ekki eina tána? af hverju segir þú það?

Hún: Jú, sjáðu (hlustaðu) 1,2,3,4, sko, bara 4 tær,

svo endur tók hún talningu sína ábyggilega 3 sinnum og alltaf komst hún bara uppí 4 tær.

Þá fór ég til hennar og leiðbeindi við talninguna, og komst að því hvað ylli, hún sleppti alltaf litlu tánni sinni, og benti ég henni á það.

 

Jaaaá þarna var hún þá, sagði hún,

og sagði svo,, úfff ég hélt að ég væri búinn að tína henni, takk pabbi minn.

Nú fæ ég skammir.

Vísna gáta dagsins.

Vísnagáturnar og gátur sem birtast á þessari bloggsíðu eru eftir hina og þessa höfunda, óskað er eftir svari og eins höfundanafni, Svar telst hinsvegar rétt þótt höfundarnafn vanti, enda getur komið hjá Bloggara vísnagáta eða gáta sem Bloggari hefur ekki höfundarnafnið á. Ekki er neinn sérstakur tímarammi á innsetningu á gátum..

-

 

Gáta dagsins er svohljóðandi:

 

Upp úr jörðu einn kom sá,

einfætlingur stinnur,

manna holdið meiðslum frá

mjög oft hindra vinnur.

Sig hann hvílir sumrum á,

síst um tíma hina,

eins og píla er hann þá

út um veröldina.

Hart fram æðir heyrnarlaus,

hann er mjór um bolinn,

eigan stundum hefir haus,

í hríð og frosti þolinn.

Þægilega þar til sett,

þéna dável honum,

eyrun fjögur nógu nett

neðan í smáþörmunum.

Honum treinist hlaup um jörð,

hjálp þótt reyni sjaldan,

brúkar eina um sig gjörð,

endafleini að halda.

 

 

Svar óskast (og helst höfundarnafn)

Öllum eru velkomið að þreyta gátur þær sem birtast hér á www.partners.blog.is

Vísbendingar koma á eftir svartilraunum.

Ung og á framabraut.

Margrét Lára skoraði fimm mörk í stórsigri Vals: Margrét Lára Viðarsdóttir skoraði fimm mörk í 8:1-sigri Vals gegn Breiðabliki í úrslitum Meistarakeppni KSÍ í kvöld. Vanja Stefanovic, Rakel Logadóttir og Guðný Óðinsdóttir skoruðu einnig fyrir Val. Leikmenn Vals sáu um að skora öll mörk leiksins því Málfríður Erna Sigurðardóttir, leikmaður Vals, skoraði sjálfsmark segir í fréttinni.

Margrét Lára Viðarsdóttir er fædd 25. júlí 1986. Hún er dóttir Guðmundu Bjarnadóttur og Viðars Elíassonar.

Margrét Lára sýndi snemma gríðarlega hæfileika á knattspyrnuvellinum og skaraði hún fram úr. Margrét Lára hefur unnið titla með öllum yngri flokkum ÍBV í knattspyrnu og varð bikarmeistari með meistaraflokki kvenna árið 2004.

Árið eftir gekk Margrét Lára til liðs við Val þar sem hún stefndi á nám á höfuðborgarsvæðinu. Valur lék þá í Evrópukeppninni og gekk liðinu gríðarlega vel. Í 8 liða úrslitum keppti Valur við þýska liðið Potsdam Turbine sem er með sterkari kvennaliðum í Evrópu. Valur tapaði þeim leikjum 11–1 og 8–1 en þrátt fyrir það var þjálfari Potsdam það ánægður með Margréti Láru að hann vildi fá hana í sínar raðir. Árið 2006 var Margrét Lára kosin besti leikmaður Landsbankadeildar kvenna. Umsögn á Heimaslóð.

Margrét Lára gekk til liðs við þýska stórliðið Duisburg árið 2006 en snéri aftur til Íslands í upphafi árs 2007 og gerði tveggja ára samning við Val.

Margrét Lára hefur þrátt fyrir ungan aldur verið lykilmaður í íslenska kvennalandsliðinu í nokkur ár auk þess að hafa spilað stórt hlutverk í öllum yngri kvennalandsliðum Íslands.

Margrét Lára skoraði fimm mörk í stórsigri Vals

Framsókn í kreppu.

Gaman að bera þessa könnun saman við færslu sem ég setti inn 17 mars síastliðin.

>Hún er hér<

Ríkisstjórnin fallin samkvæmt nýrri skoðanakönnun

Báru líkkistu læknisins 40 km

 

Skemmtilegur fróðleikur og saga sem gerðist uppúr aldamótunum 1900.

 

Morgunblaðið miðvikudaginn 9 maí 2007

MARGRA grasa kennir í veglegu riti, 100 ár í heilbrigði, sem kom út í tilefni afmælisárs Heilbrigðisstofnunarinnar á Sauðárkróki og dreift hefur verið á öll heimili í Skagafirði. Jón Ormar Ormsson stiklar þar á stóru í sögu sjúkrahúss á Króknum. Jón Þorláksson, landsverkfræðingur, síðar forsætisráðherra og borgarstjóri í Reykjavík, teiknaði sjúkrahúsið við Aðalgötuna sem reist var 1906-1907. Húsið var formlega tekið í notkun 23. febrúar 1907 en samkvæmt sjúkrahússkýrslum var farið að taka á móti sjúklingum í desember 1906. Tíu sjúkrarúm voru í húsinu en 1912 var það stækkað og þá voru þar fjórtán rúm. Stóð svo fram yfir 1920. Margir merkir menn koma við sögu, t.d. nafnarnir Guðmundur Hannesson og Magnússon, héraðslæknar, Sigurður Pálsson og Jónas Kristjánsson, sem gegndu sama embætti. Grípum niður í frásögn Jóns Ormars: „Guðmundur Hannesson héraðslæknir hafði áður komið hreyfingu á sjúkrahúsmálið, eins og hann orðaði það en þegar Sigurður Pálsson tók við sem héraðslæknir, 1898, hófst hann þegar handa að hrinda byggingu sjúkrahússins, í framkvæmd.“ Sigurður þessi var Húnvetningur eins og þeir fyrirrennarar hans. Jón Ormar vitnar í Sögu Sauðárkróks, og segir: „Sigurður læknir naut svo óvenjulegra mannheilla, að slíks munu fá dæmi í Skagafirði. Sjúklingar hans gátu þess, að návist hans til aðgerða hefði orðið þeim mikill þrautaléttir, þó ekki kæma til aðgerða. Hann var hress í anda, þelhlýr, bar með sér sólskin að sjúkrabeði. Hins vegar er í sögnum, að Guðmundur Hannesson og síðar Jónas Kristjánsson hafi bölvað hressilega, tvinnað og þrinnað, er þeir fengust við smærri aðgerðir, sjúklingunum til hugarléttis og gaf góða raun. Virðast því báðar aðferðirnar gagnlegar, aðalatriðið að sýna ekki tilfinningaleysi.“ Jón Ormar greinir frá í riti sínu að Skagfirðingar nutu Sigurðar Pálssonar ekki lengi eftir að sjúkrahúsið var risið. „Haustið 1910 fór Sigurður læknisferð vestur á Skagaströnd að ósk vinar hans Carls Berndsens kaupmanns. Ófús var Sigurðar þessarar farar en vildi ekki neita þessum vini sínum, þótt annar læknir væri nær á Blönduósi. Það lýsir vel samgönguháttum þessa tíma að Sigurður tók strandferðaskipið Vestu, vestur til Skagastrandar, en þegar þangað kom var veðri þannig háttað að skipið hafnaði sig ekki heldur hélt inn til Blönduóss. Verða þessir atburðir ekki raktir frekar hér að öðru en því að þegar hann hugðist fara landveg til Skagastrandar var hann ekki vel til ferðalags búinn eins og rakið er í Sögu Sauðárkróks. Þegar kom að Laxá í Refasveit varð það slys að hann féll af hestinum og drukknaði í ánni. Þegar fréttir bárust af þessu slysi til Skagafjarðar var Skagfirðingum mjög brugðið. En þeir ákváðu að halda vestur Fjöll að sækja lík Sigurðar og gera þá för eftirminnilega og bera líkkistuna á höndum sér austur Kolugafjall og segja heimildir að sú leið sem farin var sé um 40 kílómetrar. Fór Jón Ósmann, ferjumaður á Vesturósi, einn kynlegasti kvistur í skagfirskum sögum seinni tíma fyrir göngumönnum. Höfðu þeir Sigurður átt marga góða stund saman við veiðar, vín og ljóð, á Furðuströndum, byrgi Jóns við Vesturósinn. Þegar fréttist að líkfylgdin væri komin að Gönguskarðsá hélt fjöldi fólks úr Króknum að fylgja lækninum síðasta spölinn utan frá Eyrinni og heim að læknishúsinu. Útförin var gerð frá Sauðárkrókskirkju 31. október. Mikið fjölmenni var við athöfnina og hafa sumir getið þess til að fjölmennari jarðarför hafi ekki verið gerð í Skagafirði á seinni öldum. Theodór Friðriksson rithöfundur var búsettur á Króknum þegar þessi atburður gerðist og í sinni einstöku ævisögu, Í verum, segir hann frá þeim og lýkur frásögn á þessum orðum: „Hef ég aldrei séð fólki meira burgðið en við útför þessa vinsæla læknis. Einkum var það eftirtektarvert, hve margar konur vildu gráta þennan fríða mann úr helju.“

 

Ólík eru vinnubrögð Morgunblaðsins og DV.

Í morgun tók ég póstinn úr póstkassanum um leið og ég fylgdi prinsessunni í skólann, og viti menn enn er búið að bæta við ruslpóstinn, DV í hrúgunni, án þess að ég sé áskrifandi, án þess að ég hafi beðið um blaðið, án þess að DV hafi boðið mér þetta kannski ágætis blað.

Ég er búinn að komast að því hverju þetta sætir, jú þetta er og verður gert eitthvað áfram til að kynna blaðið.

Þetta eru aldeilis ólík vinnubrögð ef við miðum við Morgunblaðið, á undanförnum árum hefi ég ekki verið áskrifandi að Morgunblaðinu, en er það núna, en á þessum síðustu árum hefur morgunblaðið verið að auglýsa sig eins og önnur blöð, að sjálfsögðu, en á þeim bæ er fólk kurteisara, í þrígang á síðustu árum hefur starfsmaður hjá Morgunblaðinu hringt í mig og boðið mér blaðið frítt í mánuð, svona til kynningar. Já Mogginn hringir og spyr hvort þeir megi troða blaðinu í póstkassann hjá manni.

Áfram Moggi, ekkert stopp, nei voru það ekki vinir þeirra? Jæja skítt með það, flott hjá Morgunblaðinu allavega.

 

Af hverju þá ekki að prufa rokkið nakinn?

Í fréttinni er meðal annars sagt: Allt útlit og klæðaburður verður eins og í keppninni sjálfri. Eiríkur sagði þó að lokaklæðnaðurinn yrði væntanlega ákveðinn fyrir framan spegilinn á laugardaginn. Hér eru engir aukvisar á ferð og þykir æ líklegra að Íslendingar stígi skrefið upp í aðalkeppnina á laugardaginn. Eiríkur sagði að það yrði sigur í sjálfu sér, þegar þangað væri komið ylti allt á smekk kjósenda.

 

 

Og af hverju þá ekki að prufa rokkið nakinn?

Hvernig ætli Goðið okkar sé annars vaxinn niður?

Norrænir keppendur hittast

Vísna gáta dagsins.

Vísnagáturnar og gátur sem birtast á þessari bloggsíðu eru eftir hina og þessa höfunda, óskað er eftir svari og eins höfundanafni, Svar telst hinsvegar rétt þótt höfundarnafn vanti, enda getur komið hjá Bloggara vísnagáta eða gáta sem Bloggari hefur ekki höfundarnafnið á. Ekki er neinn sérstakur tímarammi á innsetningu á gátum..

-

 

Gáta dagsins er svohljóðandi:

 

Fugl einn veit ég fljúgandi

fulltíng vængs sá þarf ei neins,

á himni, jörð og helvíti

hann gat verið undir eins.

 

 

 

Svar óskast (og helst höfundarnafn)

Öllum eru velkomið að þreyta gátur þær sem birtast hér á www.partners.blog.is

Vísbendingar koma á eftir svartilraunum.

Hreinskilni barnanna.

Margt skemmtilegt og merkilegt dettur uppúr börnunum okkar, skemmtilegt og merkilegt vegna hreinskilningslegra spurninga eða svara.

Hér ætla ég að skrifa það sem dettur uppúr mínum og eða hefur einhvern tíman gert, svona eins og eina á dag helst.

Oft eru svona uppákomur kannski eingöngu skemmtilegar fyrir þá sem þekkja eða eiga það barn sem um ræðir hverju sinni, og þó, mér finnst alltaf gaman að heyra svona gullkorn.

 

Guðbjörg Sól 7 ára prinsessan mín var að fara að sofa í gærkvöldi og ég var að lesa Mjallhvít og dvergarnir sjö fyrir hana fyrir svefninn. Hún hefur greinilega lítið verið að hlusta á mig sem er ekki líkt henni þegar kvöldsögurnar eru í gangi.

Allt í einu, í miðjum sögu lestri mínum um hina fögru Mjallhvíti sem lesin var af mikilli innlifun,

segir hún

En pabbi, fyrst afi minn og amma eru dáinn og pabbi þinn og mamma líka og og og afi þinn og amma eru líka dáin, hverjir eru þá eiginlega eftir.

Sko! akkvurat það sem ég var að segja.

Þetta styður bara það sem ég sagði hér í færslunum á undan.

>Spila myndband<

Skoðanakannanir eru léleg vísindi, í mesta lagi er þetta partur af leik.

„Kosningamálin hafa dottið dauð niður"

Hvort erum við í meyri óvissu með Eurovision eða kostningarnar sem hvorutveggja fer fram í vikunni?

                 

>Vinsældir Eiríks eru miklar.<

Slegist um Eirík í Helsinki

Það þarf nú að fara að gera skoðanakönnun á þessum skoðanakönnunum.

Það ríður ekki við einteyming hvað þessar skoðanakannanir eru óstapílar, ég vill láta fara aðfram skoðanakönnun á þessum skoðanakönnunum.

En er það þetta sem Framsókn á við með- Áfram og ekkert stopp, er núna loksins komið að Framsóknarflokknum? Fylgi Framsóknarflokksins mælist nú 9,9% en var 7,6% í könnuninni í gær.

Samkvæmt nýrri könnun, sem Capacent Gallup hefur gert fyrir Morgunblaðið og Ríkisútvarpið, eykst fylgi Framsóknarflokks og Samfylkingarinnar frá samskonar könnun, sem birt var í gær, en fylgi Sjálfstæðisflokks, Vinstrihreyfingarinnar-græns framboðs og Frjálslynda flokksins minnkar.

Samkvæmt könnuninni, sem gerð var 6. og 7. maí, segjast 38,4% ætla að kjósa Sjálfstæðisflokk en í könnun gærdagsins var þetta hlutfall 41,9%. Samkvæmt þessu fengi flokkurinn 25 þingmenn en litlu munar á 26. þingmanni flokksins og 11. þingmanni VG.

 

27,1% segjast ætla að kjósa Samfylkinguna en í könnuninni í gær mældist fylgi flokksins 25,1%. Flokkurinn fengi 18 þingmenn samkvæmt þessu.

Fylgi VG mælist nú 16,5% en mældist 17,5% í könnuninni í gær. Flokkurinn fengi 11 þingmenn miðað við þessa niðurstöðu.

Fylgi Framsóknarflokksins mælist nú 9,9% en var 7,6% í könnuninni í gær. Flokkurinn fengi 6 þingmenn.

Fylgi Frjálslynda flokksins mælist 5,3% í könnuninni í dag en var 6% í könnun gærdagsins. Þingmenn flokksins yrðu 3 samkvæmt þessu.

Fylgi Íslandshreyfingarinnar mælist í dag 2,9% en var 2% í gær.

Í könnuninni var spurt um hvort viðkomandi styddu ríkisstjórnina og svöruðu 49,7% þeirri spurningu játandi en 50,3% neitandi. Talsverður munur er á afstöðu kynja til ríkisstjórnarinnar en 54,4% karla svöruðu þeirri spurningu játandi en 55,4% kvenna svöruðu neitandi.

Úrtakið í könnuninni var 1150 manns, 18 ára og eldri. Nettósvarhlutfall var 63,7%. Alls nefndu 86% flokk, 5,6% neituðu að svara, 5,4% sögðust óákveðin og 3,2% sögðust ætla að skila auðu.

Fylgistölur eru reiknaðar út frá svörum við þremur spurningum: „Ef kosið yrði til Alþingis í dag, hvaða flokk eða lista myndir þú kjósa?“ Þeir sem voru óákveðnir voru spurðir: „En hvaða flokkur eða listi yrði líklegast fyrir valinu?“ Þeir sem enn voru óákveðnir voru spurðir: „Hvort er líklegra að þú kysir Sjálfstæðisflokkinn eða einhvern hinna flokkanna?“

-

Og enn meyra af skoðanakönnunum, hér svo það sem er í morgunblaðinu í dag.:

Þriðjudaginn 8. maí, 2007 - Innlendar fréttir

Snögg niðursveifla hjá Framsóknarflokknum á lokasprettinum

Sjálfstæðisflokkurinn og Samfylkingin bæta við sig frá síðustu könnun.

Eftir Kristján Jónsson [e-mail]

NÝ könnun Capacent Gallup fyrir Morgunblaðið og Ríkisútvarpið sýnir að fylgi Framsóknarflokksins á landsvísu hrapar, Sjálfstæðisflokkur og Samfylking bæta nokkru við sig en stuðningur við Vinstrihreyfinguna – grænt framboð er á svipuðu róli og í síðustu könnun sem birt var 4. maí. Stjórnarflokkarnir halda naumum meirihluta, 32 sætum af 63.

Könnunin var gerð dagana 5.–6. maí og var úrtakið 950 manns, 18 ára og eldri, nettósvarhlutfall var 62%. Sem fyrr var notuð sú aðferð að spyrja þriggja spurninga, fyrst hvaða flokk viðkomandi myndi kjósa, síðan, ef viðkomandi var óákveðinn, hvaða flokkur væri líklegastur til að verða fyrir valinu og loks voru þeir sem enn voru óákveðnir spurðir hvort líklegra væri að þeir kysu Sjálfstæðisflokkinn en einhvern hinna. Þá fer svarhlutfallið yfir 80% en eftir sem áður eru óákveðnir 6,2%, 9,1% neitar að svara og 3,8% ætla að skila auðu.

Sjálfstæðisflokkurinn er sem fyrr langt yfir kjörfylginu 2003, hann fær nú 27 þingsæti en Framsóknarflokkurinn aðeins fimm. Margir voru farnir að spá því að Framsókn myndi, eins og oft áður í aðdraganda kosninga, bæta mjög stöðuna á endasprettinum eftir erfiðan róður í könnunum síðustu mánuðina og teikn voru um að það væri að gerast. Flokkurinn var með 10% í tveimur könnunum í röð, að vísu langt undir kjörfylginu 2003 en samt með skárri stöðu en oft áður. Nú slær á ný í bakseglin og aðeins fáeinir dagar til kosninga.

Ekki er auðvelt að sjá hvað veldur þessari snöggu sveiflu niður á við. Hugsanlegt er samt að neikvæð umræða í fjölmiðlum um flokkinn í tengslum við veitingu ríkisborgararéttar til unnustu sonar umhverfisráðherra hafi þar áhrif.

 

Samfylkingin sækir í sig veðrið

Samfylkingin þokast enn upp á við, fær nú 16 þingsæti, var með 15 sæti 4. maí. Þróunin í síðustu könnun er staðfest með þessum tölum en flokkurinn á þó enn langt í land eigi hann að fá jafnmikið fylgi og í kosningunum 2003.

Vinstrihreyfingin – grænt framboð fær nú nær sama prósentufylgi og í könnuninni 4. maí en einu þingsæti færra, 11. Flokkurinn er langt yfir kosningafylginu 2003. Frjálslyndi flokkurinn þokast upp á við frá síðustu könnun og er nú spáð fjórum þingsætum en fékk þrjú í síðustu könnun. Fylgið er áfram langt undir því sem flokkurinn hlaut 2003. Íslandshreyfingin fær nú 2% fylgi og sem fyrr ekkert þingsæti.

Ef rýnt er í tölurnar kemur í ljós að sem fyrr eru konur hlutfallslega mun hallari undir vinstriflokkana tvo en aðra. Kvenhylli VG dvínar samt nokkuð hlutfallslega miðað við fyrri kannanir. Könnunin staðfestir á hinn bóginn þróun sem kom skýrt í ljós í síðustu könnun: Samfylkingin sækir fram meðal kvenna, 30% þeirra styðja flokkinn en 20% karla. Um hríð virtist Sjálfstæðisflokkurinn vera að laga stöðuna meðal kvenna en nú sækir aftur í sama farið, hann nýtur stuðnings 47,5% karla en um 36% kvenna.

 

Fáir yfir til Framsóknar

En hvað með hreyfingu á milli flokkanna miðað við síðustu kosningar? Sjálfstæðisflokkurinn missir lítið fylgi til annarra flokka, nær 83% þeirra sem völdu hann árið 2003 halda tryggð við flokkinn. Samfylkingunni helst einnig vel á gömlum kjósendum símum, 74% þeirra ætla að kjósa hana aftur. Nær 20% fyrrverandi Samfylkingarfólks fara yfir til VG en flokkurinn hefnir þeirra harma með því að lokka 11% af gömlum stuðningsmönnum VG til sín.

VG heldur megninu af fylginu frá 2003, um 81% þess ætlar að kjósa flokkinn aftur. Framsókn missir liðlega helming fyrrverandi stuðningsmanna sinna til annarra flokka og enn hærra hlutfall af fylginu fer til Sjálfstæðisflokksins, 28%, en til stjórnarandstöðunnar, 20%. Um 6,1% þeirra sem kusu síðast Framsókn ætlar nú að styðja Frjálslynda. Athygli vekur að Framsóknarflokkurinn virðist ekki laða að sér neitt umtalsvert fylgi frá öðrum flokkum.

 

Það er alveg ljóst að ekki veitir af að láta fara aðfram skoðanakönnun á þessum skoðanakönnunum.

 

Fylgi Samfylkingar og Framsóknarflokks eykst

Ha, er verið að fara að kjósa á íslandi!

Ég er alveg sammála bæði ungum og öldnum í þessu viðtali, enginn hasar, sáralítið þref og skotin á milli flokka ákaflega máttvana.

Hvar eru ræðu kallarnir og konurnar, sem jafnvel létu sér ekki muna um að halda þrumu ræðu uppá kassa hér og þar og alstaðar?

Hvar er áróðurinn og slagurinn á milli flokka sem telst vera á mörkum þess að vera saknæmur?

Núna bjóða flokkar bara upp á pulsur, kók og blöðrur, einnig í Húsdýragarðinn og ýmsar aðrar skemmtanir sem koma stjórnmálum hreinlega ekkert við. Er það þetta það sem ræður úrslitunum hvaða flokk fólk kýs? það allavega gerir það hjá mörgum, því annars væru flokkarnir ekki í þessu skemmtana brölti.

Flokkar keppast við að troða og stífla alla póstkassa hjá fólki af myndum af þeim sem í kjöri eru og fagurgala lesefni þar sem ekkert er til sparað, hvorki í pappír né pening.

Flokkarnir halda fundina en lítið ber á að einstaklingar flokkanna séu að þenja sig á almanna færi, stjórnmálamenn fara 3 og 4 saman á vinnustaði ef þeir þá standa nokkuð í svoleiðis veseni, eitthvað hefur verið samt um það.

Ég er svo sem ekki alstaðar og hef aldrei verið, og ætla því ekki að alhæfa allt þetta á allt og alla.

Þessi dauflegheit yfir kosningunum gerir það að verkum að ég er steinhissa á hve fáir sem ég tala við eru óákveðnir, flestir virðast vera búnir að ákveða sig, sem ekki er í takt við þessar sveiflur sem skoðanakannanir eru að sýna.

 >Hlusta á frétt<

En sem sagt, ekki kæmi það mér neitt á óvart að einhver segði - Ha, er verið að fara að kjósa? hvenær?

Dauf kosningabarátta að mati kjósenda