Þetta gæti orðið dýrt spaug.

MYND/Atli

Spaugstofan kvaddi í bili með olíubaði og látum

„Það er alltaf með ákveðinni tregablandinni ánægju sem maður fer í frí," segir Pálmi Gestsson, sérlegur blaðafulltrúi Spaugstofunnar.
Síðasti þáttur hinna dáðu Spaugstofumanna var sýndur í kvöld á Ríkissjónvarpinu.
Samningar Spaugstofunnar og Ríkissjónvarpsins ohf. eru lausir. Þórhallur Gunnarsson er yfirmaður innlends dagskrárefnis og við hann er að eiga hvað varðar framhaldið. Svo er að skilja á Pálma að Spaugstofumenn hafi á því áhuga að halda sínu striki.

 

þórhallur gunnarsson

Og Þórhallur segir að menn hendi ekki af dagskrá svo hæglega þætti sem hefur að jafnaði yfir fimmtíu prósenta áhorf.
„Samningar standa yfir og þeim verður vonandi lokið í næstu viku. Þá kemur í ljós hvað verður," segir Þórhallur og á þar af leiðandi erfitt með að upplýsa nákvæmlega hver niðurstaðan verður. Segir þó að verið sé að semja um mögulegar breytingar á þættinum og náist samningar þar um má búast við Spaugstofumönnum á skjánum næsta vetur en þá í breyttri mynd.

Aðspurður hvort ekki sé um óheyrilega dýrt efni að ræða þar sem hinir rándýru skemmtikraftar að sunnan eru segir Þórhallur það afstætt.
„Hver mínúta í sjónvarpi er dýr. Hvort sem það er Spaugstofan eða aðrir. Og leggja verður allt til grundvallar. Þú getur verið með ódýrara efni sem gæti svo reynst þér talsvert dýrara þegar upp er staðið," segir Þórhallur.
Pálmi segir þáttinn í kvöld verða á léttu nótunum. Kemur kannski ekki á óvart en líkt og meðfylgjandi mynd ber með sér þá eru þeir með puttann á púlsinum og bregða sér í olíubað.

Fréttablaðið, 28. apr. 2007

 

Mbl frétt 28/4 2007

NFS með 23,6% áhorf

Samkvæmt nýrri fjölmiðlakönnun Gallup um sjónvarpsáhorf er uppsafnað áhorf á RÚV 92,7% í vikunni sem könnunin fór fram í mars sl. Áhorf á Stöð 2 reyndist vera 74,3% og áhorf á Skjá 1 64,4%. Sirkus mældist með 35,1% áhorf. Uppsafnað áhorf á NFS, sem er með í fyrsta skipti í Gallup fjölmiðlakönnun reyndist vera 23,6%.

Vinsælasti þátturinn í sjónvarpi er Spaugstofan en alls horfðu 50,6% þjóðarinnar á þáttinn á RÚV. 39,4% horfðu á fréttir Sjónvarpsins, 37,3% á Gettu betur og 33,4% á Kastljós.

Á Stöð 2 reyndust flestir horfa á Idol Stjörnuleit eða 37,5%, 31,5% fylgdust með úrslitum í Idolinu og 27,2% horfðu á fréttir.

Á Sirkus horfðu 10,9% á American Idol sem var vinsælasti þátturinn á þeirri stöð en á Skjá 1 var það CSI með 19,3% áhorf. Kvöldfréttir voru vinsælastar á NFS með 6,1% áhorf.

Mér sýnist því að það verði Ríkissjónvarpinu dýrt spaug að missa spaugið.

NFS með 23,6% áhorf

Sönn saga úr daglega lífinu

Kona ein í fryggðarhug dembdi á spúsa sinn ástleitnum augum, setti stút á munninn og hóf þvínæst upp raust sína: „Elskan mín, eigum við ekki að borða úti til hátíðarbrigða?“ Spúsinn kenndi góðan hug kvinnu sinnar og tók lofsamlega undir orð hennar, hrósaði henni fyrir ráðvendni og hugmyndaauðgi og gaut augunum flóttalega að ósnertu hádegisuppvaskinu. Karlinn valhoppaði að símanum, lauk greip sinni um tólið og fletti í gulu síðunum með fingurgómum lausu handarinnar. „Langar þig í ítalskt, dúllan mín?“ kallaði hann að kvinnu sinni, sem sat og reimaði á sig skóna. „Mér er alveg sama“ hrópaði hún til baka og herti á lykkjunni um leið. „Nei, fáum okkur eitthvað sterkt.“ sagði karl, mestmegnis við sjálfan sig og síaði út símanúmer hins útvalda veitingastaðar með áræðnum glyrnunum. Hann hringdi. Hann pantaði borð.

Alla leiðina á veitingastaðinn voru skötuhjúin í ógnargóðu skapi. Hún söng hástöfum með lögunum í útvarpinu. Hann trommaði undir á stýrið.

Þau renndu upp að veitingastaðnum í hálfrökkri og voru svo heppin að fá strax stæði. Vonarbirta ljómaði út um glugga vertshússins. Maðurinn bauð maninu arminn og saman leiddust þau inn um anddyrið.

Brosin stirðnuðu á andlitum þeirra. Greiðasalan var í óreiðu. Glysklæddir þjónar hlupu ráðvilltir fram og aftur. Enginn veitti hjónakornunum minnstu athygli. Á strjálum borðum sat feitt fólk, með enn feitari börn, og graðgaði í sig eldpipraðan og fitugljáðan matinn. Við barinn sat einmana boldungs barfluga og sötraði af glasi. Barþjónninn stóð álengdar og pússaði glös.

Til að bæta gráu ofan í svart ruddist framhjá þeim svartklæddur hópur uppskafinna skoffína sem samstundis dró að sér athygli þjónanna. Svartstakkarnir voru sestir og komnir úr jökkum og kápum og enn gaf enginn unga parinu gaum. Spúsinn sá sitt óvænna, þandi út brjóstið og greip um olnboga svitastorkins og bólugrafins þjónsræfils. Hann heimtaði borð af honum með þjósti. Þjónninn tvísté örvinglaður nokkra stund en teymdi loks parið að lágstemmdu borði sem hvíldi í skugga feitvöxnu barflugunnar. Angan af ilmsteinum barst frá salerninu sem lónaði nokkra faðma í burtu. Unga parið settist og þjónninn skottaðist eftir matseðlum. Fituhlassið snéri þykkum hnakkanum til að líta á þau og hálffellingafalið bros opinberaði skort á framtönn. Með erfiðismunum snéri hún höfðinu aftur til baka, sökk ögn dýpra á barstólinn og lágvært söturhljóð ómaði um veitingastaðinn.

Kiðfættur kom þjónninn til baka með matseðlana. Hann rétti manninum annan seðilinn og með hörkudrætti í andlitinu handlangaði maðurinn seðilinn til konu sinnar og þreif hinn úr höndum þjónsins. Þjónninn gerði sig líklegan til að flögra á braut en maðurinn sagði skipandi: „Bíddu.“ Þjónninn þjappaði niður fótunum. „Við ætlum að fá kjúklingavængi. Í forrétt. Og bjór. Eitt glas af bjór og eitt af dæetkók.“ Þjónninn meðtók skipunina og gerði sig líklegan til að taka matseðilinn aftur. Maðurinn sleppti ekki takinu og einblíndi á aðalréttalistann. Þjónninn læddist á braut.

Ró færðist yfir unga parið. Kliður frá feitum, smjattandi börnum og lágvært sorlhljóð frá barnum myndaði ögn rómantíska umgjörð. Þau horfðust í augu og töluðu í hálfum hljóðum um lélega afgreiðslu og krefjandi aðalréttaval. Þau voru einmitt að byrja að ræða enn á ný um vanhæfni þjónsins, þegar hann kom skoppandi með ilmandi kjúklingavængi á fati. Þau litu upp og í sömu mund heyrðist marr í barstól fiskiflugunnar. Sex augu störðu á kryddaðan matinn á bakkanum. Tvö þeirra litu undan og héldu áfram að rangeygjast ofan í glas.

Þjónninn gekk á braut með skrifblokkina ögn þyngri af grafíti og blýantinn sem því nam léttari. Parið gæddi sér á vængjunum. Vel hirtar tennurnar slitu í sundur vöðvavef og sinar og skófu grunn för í beinpíplur fuglsins. Þau rifu hverja kámuga kjöttæjuna af annari af festingum sínum og svolgruðu niður með ísköldum veigunum. Notaleg kennd hríslaðist um líkama þeirra. Þeim fipaðist hvorki við að akfeitur krakki í þverröndóttum bol rúllaði framhjá þeim inn á klósettið né að barflugan slengdi rasskinnunum á barstólinn til skiptis með tilheyrandi braki. Hún var byrjuð að merjast undan eigin þunga.

Sæl hölluðu þau sér aftur á bak í sætunum og ýttu diskunum frá sér með þófum lófa sinna. Á diskunum lágu kjöttætt, hálfnöguð bein. Þjónninn kom glaðlegur askvaðandi enda greindust sinnaskiptin á þeim úr órafjarlægð. „Aðalrétturinn er á leiðinni.“ upplýsti hann þau brosandi. Þau brostu til baka.

Þjónninn gekk glaðsinna af stað með tæjur mannsins, konan ákvað að naga sínar ögn betur. Þau horfðust í augu. Skyndilega kvað við brestur mikill þegar barflugan setti allan sinn þunga á hægri rasskinnina og hallaði sér pískrandi í átt að þjóninum: „Pssssst!“ Þjónninn nam staðar og leit í augu flugunnar. „Hérna, þessi bein sem þú ert með...“ sagði hún ögn drafandi röddu. „...hérna, hvað ætlarðu að gera við þau? Ég meina. Má ég kannski fá þau? Til trúariðkana sko.“

Þjónninn var sem steinrunninn. Hann hagræddi takinu á diskinum og leit örsnöggt í átt að borði elskendanna. Honum mætti hrein forundran á formi augnaráðs. Það virtist kveikja í honum ljós og í flýti veitti hann fituskassinu afsvar og hraðaði sér í burtu.

Hægt og rólega runnu sjónir hjúanna upp skvapholda kvenmanninn þar sem hún hlunkaðist með brosgrettu neðan af stólnum. Átökin gerðu hana móða. Hún gekk vaggandi að borði þeirra og leit ekki af hálfnöguðum beinastúfum konunnar. Hún var komin þétt uppað þeim. Þung remma barst úr vitum hennar og henni var þungt um andardrátt. „Sæl, vinan.“ Orðin bergmáluðu úr digrum barka hennar. „Ég sé að þú ert með kjúklingabein. Viltu nú ekki leyfa mér að eiga þau? Ég nota þau til trúariðkunar.“ Hún brosti svo að ekki skein í tennurnar sem hana vantaði.

Unga konan sat lömuð með hálfnagað bein á milli tveggja fingra. Lystin var þorrin. Hún sleppti beininu og mjakaði diskinum í att til hlussunnar. Brosandi fór flykkið einbeittum höndum um diskinn og stóð upp aftur með lófana fulla af hræi kjúklingsins. Án þess að nefna orð af vörum hljóp hún eins hratt og stubbarnir báru hana inn á salernið. Unga fólkið horfði á eftir henni.

Þjónninn kom með aðalréttina. Horfði glaður á auðan barstólinn og skildi ekkert í fálæti hjónanna. Undrandi tók hann tóman forréttadiskinn og gekk í burtu. Parið sat lengi vel án þess að yrða. Loks áræddu þau að handleika amboðin og kroppa í aðalréttinn. Í sömu svifum sveiflaðist upp salernishurðin og út kom ferlíkið sjálft, enn með beinin í hendinni en óræðan ánægjusvip á smettinu. Barflugan flögraði sem leið lá framhjá borði þeirra án þess að svo mikið sem að líta á þau. Ungu konunni varð ómótt. Á andliti skassins sá hún greinilega fitubrákina og úr öðru munnvikinu lafði kjúklingasin. Í lófanum bar hún gljáfægð og uppnöguð beinin.

Hin rómantíska máltíð tók þar með bráðan enda.

Fyrir margt löngu var þessi saga birt á barnalandi.

Vísnagáta dagsins.

Vísnagáturnar og gátur sem birtast á þessari bloggsíðu eru eftir hina og þessa höfunda, óskað er eftir svari og eins höfundanafni, Svar telst hinsvegar rétt þótt höfundarnafn vanti, enda getur komið hjá Bloggara vísnagáta eða gáta sem Bloggari hefur ekki höfundarnafnið á. Ekki er neinn sérstakur tímarammi á innsetningu á gátum..

 

-

Gáta dagsins er svohljóðandi:.

 

Einginn hjálmur

í undaskúrum

jafnast við mig,

ég er tilbyrgður,

eingin sprúnga

eða rifa

á mér finnst,

því óhultur reynist.

-

Rétt svar barst við gátu dagsinn kl.16.35

Rétt svar er: Fingurbjörg

Rétt svar gaf: Davíð Geirsson 

 

Svar óskast (og helst höfundarnafn)

Öllum eru velkomið að þreyta gátur þær sem birtast hér á www.partners.blog.is

Svar mun verða staðfest þegar rétt svar er komið.

Skemmtileg gáta.

Ég er án upphafs, þó fæðist ég, líka er ég endalaus. samt dey ég, ég hefi hvorki augu né eyru, þó sé ég og heyri, ég sést ekki, þó sjást verk mín, ég yfirvinnst lengi, ég yfirvinnst  ekki, samt sigrast ég, ætíð erfiða ég, en þreytist aldrei, skynsamur er ég, en bý meðal þeirra skynlausu, forsjónarelskari er ég, samt kann mér sýnast að hún hati mig. Oft dey ég áður en ég fæðist, samt er ég ódauðlegur; oft kem ég óvörum, án minnar vitundar. Hjá kristnum byggi ég, hjá heiðnum er ég, hjá fordæmdum í helvíti fordæmist ég, í dýrðinni ríki ég -

 

-

Svar óskast (og helst höfundarnafn)

Öllum eru velkomið að þreyta gátur þær sem birtast hér á www.partners.blog.is

Svar mun verða staðfest þegar rétt svar er komið.

63 módelið af Ferrari 250 GT Berlinetta Lusso á 1 milljón dollara!

Það gerir $100.000 fyrir hvert ár sem kappinn ók bílnum og sleit.

Ferrari 250 GT Berlinetta Lusso árgerð 1963, sem einu sinni var í eigu leikarans Steve McQueen, verðu seldur á uppboði hjá Christie´s í New York í ágúst. Er jafnvel búist við að rúm ein milljón dollara verði greidd fyrir gripinn.

Uppboðshúsið sýndi bílinn í dag. Hann er brúnn að lit með drapplitri leðurklæðningu. McQueen var bílasafnari og sérpantaði þennan Ferrari 1963 og átti hann í um tíu ár. Talsmaður Christie´s sagði að líklega væri þetta besta eintak sem væri á markaðnum af Ferrari Lusso.

Þetta hafi verið fyrsti Ferrari-bíllinn sem McQueen eignaðist, og hafi hann notað bílinn dags daglega, en ekki í neinni kvikmynd. Núverandi eigandi bílsins keypti hann 1997 og lét endurgera hann í upphaflegri mynd, en sú vinna tók samtals um 4.000 stundir.

En ekki neitar maður því að þessa kerru væri gaman að eiga.

 Myndir ofl.

  Myndir ofl.

 Myndir ofl.

Myndir ofl.

Og hver vill svo ekki eiga svona drossíu þótt gömul sé?

Ferrari sem var í eigu Steve McQueen seldur á uppboði

Nú spretta upp rómantískar fréttir af fjölda heimsókn hvalanna til íslands.

En hver er ástæðan fyrir þessum fjölda hér við strendur núna?

Hverjum eigum við að þakka þessa virðulegu heimsókn þessara keppinauta.

Í fréttinni segir að gríðarlega er mikið af hval á Steingrímsfirði þessa stundina og segir á fréttavefnum Strandir.is, að engu sé líkara en að hnúfubakurinn hafi ákveðið að slá skjaldborg um hrefnurnar á firðinum. Hrefnuveiðiskipið Dröfn lónar um fjörðinn í leit að hrefnu og allt í kringum skipið má sjá sporðakast fjölmargra hnúfubaka. Dröfn fékk fyrstu hrefnuna á vertíðinni á Steingrímsfirði í morgun.

 

Strandir.is segir, að undanfarnar vikur hafi verið mikið um hvali á Steingrímsfirði og lofar .það góðu fyrir verkefnið WOW! sem unnið hefur verið að undanfarið ár. Verkefnið gengur út á náttúruskoðun og hvalaskoðun úr landi.

 

Aðstandendum verkefnisins var nokkuð brugðið þegar fréttist af hrefnuveiðum á firðinum í morgun en héldu ró sinni þar sem Hafrannsóknastofnun vissi ekki um fyrirætlanirnar þeirra. Haft er eftir talsmanni Hafrannsóknastofnunar, að stofnunin reyni að forðast að veiða hvali á hvalaskoðunarsvæðum líkt og á Skjálfanda og öðrum ákveðnum svæðum við landið.

 

 

Eitthvað bloggaði ég um hvalinn í morgun og er fyrirsögnin á færslunni: Nú gleðjast landsmenn, og ég tala nú ekki um náttúrverndarsinnar.

 

Hnúfubakar slá skjaldborg um hrefnuna

Tryggvi hefur ekki skýringu, en það hef ég.

Tryggvi hefur ekki skýringu, en það hef ég að ég held, ástæðan er bara hvað íslendingar hafa það rosalega gott, það sem Tryggvi segir í viðtalinu undirstrikar það bara eins og svo margt annað.

Það verður ábyggilega kátt á Sögu á sunnudaginn, hefi ég trú á að slegist verði um verk Nínu, Jóhannesar og Ásgrím, þótt verðið verði einhver 6 til 8 millur.

Í fréttinni segir að eitthundrað og fimmtíu listmunir verða boðnir upp á listmunauppboði Gallerís Foldar sem fram fer á sunnudaginn. Um er að ræða verk eftir marga af merkustu listamönnum þjóðarinnar, t.a.m. Jóhannes S. Kjarval, Ásgrím Jónsson og Nínu Tryggvadóttur. Þá verður einnig hægt að bjóða í verk eftir bandaríska listamanninn Andy Warhol.

Tryggvi P. Friðriksson, listmunasali og annar eigandi Gallerís Foldar, sagði í samtali við Fréttavef Morgunblaðsins finna fyrir mikilli uppsveiflu í sölu á málverkum. Fólk vilji hafa falleg og skemmtileg listaverk í kringum sig. Aðspurður segir hann marga vera reiðubúna til þess að greiða háar fjárhæðir fyrir verkin.

Sem dæmi má nefna eru dýrustu verkin á listmunauppboðinu metin á 5 til 6 milljónir kr. Þau ódýrustu eru aftur á móti metin á 5 til 10 þúsund kr.

Tryggvi segir að vel hafi gengið að fá verk á uppboðið en erfiðlega hafi gengið að fá það sem hann kallar „afbragðsverk“.

Hann segist hafa fundið fyrir miklum áhuga meðal fólks á uppboðinu bæði hér á Íslandi sem og erlendis, og eru margir farnir að nýta sér netið til þess að kaupa verkin. Aðallega er þá um íslenska kaupendur að ræða að sögn Tryggva.

Listmunauppboðið hefst kl. 18:45 á sunnudag og fer fram í Súlnasal Hótel Sögu.

Hægt er að kynna sér verkin nánar á vef Gallerís Foldar auk þess sem það er hægt að líta þar við í dag og á morgun.

Sjá viðtal við Tryggva P. Friðriksson.

 

Verk meistaranna á listmunauppboði

Hver er þessi Björk?

Eitthvað finnst mér vanta í þessa frétt,,,,,,jú það er að sjáfsögðu, hver er þessi Björk?

Það er oft með endemum hverig fréttir og pistlar eru stundum settir í prent, sundum eins og höfundur hafi ekki haft nokkurn tíma til að klára fréttina eða pistilinn, eins og í þessu tilfelli, getur einhver sagt mér hvernig ég á sjá útúr fréttinni hver þessi Björk er?

Fréttin:

Skapstóra Anna sigurvegari á Ítalíu

Teiknimyndin Anna og skapsveiflurnar vann til verðlauna á alþjóðlegu teiknimyndahátíðinni Cartoons on the Bay á Ítalíu á dögunum. Verðlaunin, sem nefnast Pulcinella, fékk Anna í flokki sjónvarpsmynda.

Að sögn Hilmars Sigurðssonar, hjá Caoz, sem gerir myndina, voru upphaflega sendar 162 myndir inn í keppnina. Af þeim voru svo 40 tilnefndar í 8 flokkum. Anna má því vel við una þrátt fyrir glímuna við erfiða skapgerð.

Það er Björk sem ljáir Önnu rödd sína en sagan er eftir Sjón.

 

 hver þessi Björk er?

 

 

Skapstóra Anna sigurvegari á Ítalíu

Nú gleðjast landsmenn, og ég tala nú ekki um náttúrverndarsinnar.

Það er yndislega gaman að fylgjast með þessum skepnum og hef ég gert mikið af því undanfarin 35 ár eða svo, gallinn er bara sá að ef maður var að stunda sjómennskuna á minni bátum, það er að segja ábátum sem voru að sækja á svokölluð heima mið þá var alveg eins gott að sitja heima, því fiskur hvarf af öllum blettum sem maður var að leggja net eða línu.

Eftir að hvalir, sem í þá daga voru ekki eins mikið af vill ég meina, voru við land eða inn á fjörðum gat maður hiklaust bókað að síli, loðna og álíka fæða hyrfi á örfáum dögum, ekki veit ég hvað varð um þorskinn og ýsuna við þessar hvala heimsóknir, en eitt er víst að sílið og loðnuna át hvalurinn upp til agna.

Ég eins og svo margir hafa margoft fengið hvali í veiðarfæri og það er alveg hægt að sjá þar í hverju hvalurinn hefur verið hverju sinni.

Þetta eru fallegar skepnur og synd að það sé barátta vegna of lítils framboðs af fiski milli td. sjómannsins, fuglalífsins og hvalsins um fiskinn við íslands strendur.

 Mynd

Mynd

Mynd

Mynd

 Mynd

 

Hvalablástur og sporðaköst

Vísnagáta dagsins.

Vísnagáturnar sem birtast á þessari bloggsíðu eru eftir hina og þessa höfunda, óskað er eftir svari og eins höfundanafni, Svar telst hinsvegar rétt þótt höfundarnafn vanti, enda getur komið hjá Bloggara vísnagáta sem Bloggari hefur ekki höfundarnafnið á. Ekki er neinn sérstakur tímarammi á innsetningu á gátum..

 

-

Gáta dagsins er svohljóðandi:.

 

Aptur og fram það fer

svo furðu lítt á ber,

mörgum er það missir sár,

meðan óspilt er

hressíng gefur góða,

geingur á milli þjóða

-

-

Rétt svar barst við gátu dagsinn kl.16.54

Rétt svar er: Mannorð

Rétt svar gaf: Davíð Geirsson 

 

Svar óskast (og helst höfundarnafn)

Öllum eru velkomið að þreyta gátur þær sem birtast hér á www.partners.blog.is

Svar mun verða staðfest þegar rétt svar er komið.

Konur sem eyðileggja börnin sín.

Ég vara að fletta sjónvarpsrásunum áðan og staldraði við á sjónvarpstöðinni Omega, sem ekki er nú neitt frásögu færandi nema að það hitist þannig á þar var ungur maður sigurður Júlíusson að tala um hjónabönd, hjónabands slit og hvað það gerði börnum illt, sem jú allir vita.

 

Hann pretikaði þetta aftur og aftur með útskýringum inn á milli hversu slæmt þetta væri, og endurtók mikið það sem snéri að börnunum.

Ég tek undir hvert orð sem þessi Sigurður sagði, á meðan ég hlýddi á hann, en svo varð "greyinu" á er hann sagði: Hvernig haldi þið að þetta farið með börnin þegar móðirin er með hinum og þessum karlmönnum, einn daginn með þessum og annan dag með hinu, þetta er til, eina vikuna með þessum manni og aðra komin með allt annan. Ha hvernig haldi þið að börnum líð? Hvernig haldi þið að þetta fari með börnin? og hvernig haldi þið að þau verði?

 

Ég er ekki í nokkrum vafa að drengurinn meinti vel og hvert orð sem hann sagði var "rétt", NEMA að hann tók KONUNA sér fyrir.

 

En þá spyr ég: Er pabbinn alltaf saklaus? EÐA ERU KANNSKI EKKI TIL EINSTÆÐIR PABBAR?

 

Hvað kallast þetta?

Blablabablabla.

Ég skil - þetta er mikill harmleikur - ég skil og ég skil- EN VIÐ VERÐUM AÐ HALDA ÍRAK STRÍÐINU ÁFRAM.

Fréttin á Mbl.:

McCain segir Íraksstríðið „mikinn harmleik“

Bandaríski öldungardeildarþingmaðurinn John McCain, sem berst fyrir útnefningu sem forsetaframbjóðandi repúblíkana, sagði í dag að Íraksstríðið væri „mikill harmleikur“, en gagnrýndi jafnframt harkalega samþykkt öldungadeildarinnar um að hefja skuli brottflutning bandarískra hermanna frá Írak 1. október.

„Ég geri mér grein fyrir hve langt þolinmæli bandarísku þjóðarinnar nær. Ég fylgist með skoðanakönnunum. Ég skammast mín ekki fyrir að segja það. Ég skil örvæntinguna og sorgina sem bandaríska þjóðin finnur til vegna þessa stríðs. Það er mikill harmleikur,“ sagði McCain á kosningafundi í Suður-Karólínu, en hann tók ekki þátt í atkvæðagreiðslunni í öldungadeildinni í dag.

Báðar deildir Bandaríkjaþings hafa samþykkt frumvarp er gerir ráð fyrir tímasetningu á brottflutning hermanna frá Írak, en George W. Bush forseti hefur ítrekað sagt að hann muni beita neitunarvaldi til að koma í veg fyrir að frumvarpið verði að lögum.

„Ef við hverfum frá Írak skapast óreiða og þar verður framið þjóðarmorð, og þeir munu elta okkur hingað heim,“ sagði McCain, og bætti við að stríðið gegn al-Qaeda væri „barátta góðs og ills“.

 

Svo flettum við upp stjörnukorta bókinni, og hvað kemur íljós?

Ekki lýgur stjörnukortið og ekki lýst mér á.

McCain segir Íraksstríðið „mikinn harmleik“

Borgarleikhúsið byrjar sýningu Krónikur.

Þetta á eftir að verða umdeilt verk spái ég.

Það er kannski ekkert merkilegt við þessa leiksýningu, nema hvað að efnið sem notast skal í leikverkið skal vera sori og neikvæni að mestu, safnað er úr umdeildri bók Durrenger.

Um sýninguna Sýningin Krónikur dags og nætur er byggð á bók Durringer "Les chroniques des jours entiers et des nuits entières" sem inniheldur fjölmarga stutta prósatexta og samtöl. Verkefni leikstjóra og þýðenda var að finna 26 texta héðan og þaðan úr bókinni og mynda þannig eina heild sem sýnir glöggt viðfangsefni höfundar; firringu, ofbeldi og tilgang eða tilgangsleysi í mannlegum samskiptum sem og um lífið, ástina sem við dreymum um, og dauðann að lokum. Tilgangur verksins er um leið að fólk til að spyrja sig spurninga, réttu spurninganna en ekki endilega svara þeim. Textarnir eru lítil brot, lítil sár, raddir sem leysast hægt upp og eru eins konar bros í felum fyrir ofbeldi.

Sýningin er samstarfsverkefni menningarhátíðarinnar Franskt vor á Íslandi "Pourquoi pas?" og Háskóla Íslands.

Hvernig væri að búa til leikverk sem ætlað er fólki til að spyrja sig jákvæðra spurninga

Hvar eru leiksýningar eins og Love Story og álíka leikverk? er bara ást og fagrar tilfinningar óspennandi efni og úrelt hjá nútíma fólki, ekki gott mál ef svo er.

ATH: Mynd valin af vefnum af bloggara.

Vantaði okkur samninga við friði? gegn friði? með friði?

Ekki er þetta varnasamningur við og á stríðstímum, ef ófriður og stríð brýst út erum við með samning við Bandaríkjamenn sem eiga að "tryggja" okkar varnir.

Og hvað ku svo þetta kosta okkur?

 Viðtlalið við Geir H. Haarde.

Forsætisráðherra segir varnir Íslands tryggðar

Seinni gáta dagsins.

Vísnagáturnar sem birtast á þessari bloggsíðu eru eftir hina og þessa höfunda, óskað er eftir svari og eins höfundanafni, Svar telst hinsvegar rétt þótt höfundarnafn vanti, enda getur komið hjá Bloggara vísnagáta sem Bloggari hefur ekki höfundarnafnið á. Ekki er nein sérstök tímasetning á innsetningu á gátum..

 

-

 Seinni gáta dagsins er svohljóðandi:.

 

Augnadapur, eyrnalaus,

einn á bergi risi stóð,

gaur nefjaður með gildan haus,

grimt hann lamdi risa þjóð.

 

Rétt svar barst við síðari gátu dagsinn kl.21.04

Rétt svar er: Steðji

Rétt svar gaf: Gunnar Þór Jónsson 

 

 

Svar óskast (og helst höfundarnafn)

Svar mun verða staðfest þegar rétt svar er komið, ef ekki kemur rétt svar fyrir klukkan 22.00 sama dag mun bloggari birta svarið í færslunni.

 

Ekki spurning, þetta verður vinsælasti borgarstjórinn í áratugi.

Kappinn lét sko hvorki rok né rigningu aftra sér við að kynna málefnið í verki.

Sjá viðtal.

Sjá einnig: Afmæliskveðja til borgarstjóra Reykjavíkur. í færslu neðar.

Vorhreinsun í Reykjavík hefst um helgina

Af hverju hefur allt verið svona erfitt hjá Ingibjörgu Sólrúnu?

Ég hef oft velt fyrir mér hvað skeði, hvað gerði það að verkum að þessi leiðtogi sem var á hvínandi siglingu upp vinsældastigann hrapaði eins hratt niður vinsældarlistann og raunin ber vitni.

 

Hvað skeði? hver er ástæðan? hverjar eru ástæðurnar?

 

Ég var svo að lesa stjörnuspá Ingibjargar Sólrúnar þegar ég rakst á grein sem ég vill tileinka Gunnlaugi Péturssyni stjörnuspekingi og þar þykist ég sjá mörg svörin við vangaveltum mínum.

 

Ég hefur töluvert verið að hugsa um Ingibjörgu Sólrúnu undanfarið. Um feril hennar og þá stöðu sem hún er í um þessar mundir. Samfylkingin sem á að vera 30-40% flokkur er einungis að mælast með rúm 20% í skoðanakönnunum. Hvernig stendur á því að þessi fyrrum vinsæli og óumdeildi foringi á við slíkan mótbyr að stríða?

 

Ástæðurnar fyrir þessu eru nokkrar. Ingibjörg gerði mistök þegar hún yfirgaf borgarstjórastólinn. Tímasetningin var ekki rétt, ári eftir kosningar. Hún hefði átt að sitja út kjörtímabilið, hætta árið 2006, taka sér eins árs frí frá stjórnmálum og koma sem sigurvegari og 'frelsari' inní kosningabaráttuna 2007.

Það að fara burt í óþökk margra samstarfsmanna og veltast síðan um sem óbreyttur borgarfulltrúi og varaþingmaður og fara að lokum í stríð við Össur um formannsstólinn, allt þetta veikti stöðu hennar og um leið 'áru' hennar sem hins mikla stjórnmálaleiðtoga. Basl undanfarinna ára hefur dregið hana niður í 'svað' hins venjulega stjórnmálamanns.

Þetta er einungis hluti skýringarinnar, því margir hafa virt þá ákvörðun hennar að segja skilið við borgarstjórastólinn á þann hátt sem hún gerði. Fleira kemur til.

Tíminn og tíðarandinn skiptir máli í því sambandi. Ingibjörg Sólrún var forystumaður Kvennalistans á síðari hluta síðustu aldar. Hún var ótvíræður leiðtogi vinstri manna í borginni í kringum aldamótin. Síðan þá hefur mikið vatn runnið til sjávar. Umræðan í þjóðfélaginu og þau mál sem brenna á þjóðinni hafa færst yfir á nýjar áherslur. Þessar nýju áherslur hafa sameinað vinstri menn undir nýju flaggi ef svo má að orði komast.

Stóriðjustefnan og náttúruverndin. Þetta eru mál sem brenna á mörgum. Ingibjörg er ekki leiðtogi í þessu máli. Aðrir hafa tekið upp þann sprota, fyrst og fremst Vinstri græn og nú síðast Íslandshreyfing Ómars Ragnarssonar.

Peningamálin. Auður, hagsæld, ójafnvægi í tekjuskiptingu, ímynduð eða raunveruleg. Hávaxtastefna og efnahagsstjórn. Þetta er annað mál sem miklu skiptir þegar horft er til landsstjórnar. Þar er Ingibjörg ekki leiðtogi. Sem fyrrverandi borgarstjóri hefur hún ágæta stjórnunarreynslu, en sem menntaður sagnfræðingur og kvenréttindabaráttumaður hefur hún ekkert umfram aðra þegar kemur að stjórn efnahagsmála.

Það má því með nokkrum rétti segja að málefni tíðarinnar hafi færst frá Ingibjörgu yfir á aðra. Hún fær ekki meira fylgi einfaldlega vegna þess að aðrir hafa tekið við kyndlum baráttunnar. Aðrir hafa farið þangað sem baráttan er hörðust. Þeir sem hafa barist á vígvelli náttúrunnar og peningamálanna, þeirra er fylgið. Tíminn bíður ekki eftir foringjanum. Foringinn verður að vera í fararbroddi. Annars verðskuldar hann ekki fylgi.

Að lokum vil ég beina athyglinni að persónuleika Ingibjargar. Mér finnst Ingibjörg Sólrún ekki hafa góða ímynd í fjölmiðlum þessa dagana. Hún er of hörð, köld og stíf. Í málrómi hennar birtist of oft skrækur og stríður ómur sem ekki er aðlaðandi. Það vantar mýkt og húmor í ásjóna hennar. Ef Ingibjörg ætlar sér að verða móðir þjóðarinnar, þjóðar sem er stöðugt að verða sjálfstæðari, hugrakkari og kraftmeiri í orðum og æði, þá þarf hún að gera sér grein fyrir því að slík þjóð vill milda móður, ekki grimma og stranga. Fátæk og einhæf þjóðfélög sækja sér oft harða leiðtoga. Auðug fjölmenningarþjóðfélög þurfa víðari faðm.

Ingibjörg var sterkust þegar Davíð Oddsson var á hátindi ferils síns. Bæði kunna þá list að fyrirlíta andstæðinga sína og brjóta þá niður með nokkrum meitluðum og kaldhæðnislegum orðum.

Spurningin er sú hvort hið nýja, frjálsa og auðuga Ísland vilji slíkt? Viljum við sterka leiðtogann eða fagmanninn?

Ég tel að þarna sé komið að einum kjarna málsins. Hið nýja Ísland hæfra fagmanna og sérfræðinga dáist ekki að leiðtoga sem lítillækkar andstæðinga sína, það dáist að Geir H. Haarde sem hefur lært til forsætisráðherra. Málefnalegir fagmenn njóta vaxandi virðingar.

Ekki má skilja við Ingibjörgu með því að horfa einungis á yfirborðið og tala um kalda ímynd. Hvað með vitsmuni og máltjáning?

Vinir Ingibjargar segja hana afburðagáfaða. Ég held að engin ástæða sé til að efast um það. En spyrja má þá, hvernig eru þessar gáfur að skila sér til kjósenda?

Ef sest er niður og hlustað á það sem Ingibjörg segir þá er augljóst að hún hefur sett sig vel inní flest öll mál. Og hún skoðar allar hliðar hvers máls. Ingibjörg er enginn George W. Bush sem átti eitt sinn að hafa sagt eitthvað á þá leið að í huga hans væru engin grá svæði.

Menn segja Bush heimskann, en staðreyndin er sú að hann kann að 'skera glerið'. Þegar hann talar þá vitum við hvað hann er að segja. Með öðrum orðum, í hinum hávaðasama nútíma þarf leiðtoginn að kunna þá list að láta rödd sína heyrast. Það gerir hann með því að orða boðskap sinn á meitlaðan hátt.

Ingibjörg Sólrún með áherslu sína á samræðustjórnmál hefur ekki náð tökum á þessu. Þegar hún fjallar um ákveðin málefni þá er hún gjörn á að ræða um það svarta, gráa, hvíta og allt þar á milli. Fréttamenn þurfa oft að ítreka spurningar sínar til að fá afgerandi, skiljanleg og meitluð svör.

Þarna er kannski kominn helsti veikleiki Ingibjargar Sólrúnar sem stjórnmálamanns. Hún er of klár, of mikill pælari. Við þessir venjulegu og lötu kjósendur, lötu í þeirri merkingu að við nennum ekki að kryfja til botns stefnumál 6 flokka og 100 frambjóðenda, við þurfum að fá meitluð og skýr skilaboð. Skattar verða ekki hækkaðir. Ekkert verður virkjað næstu 5 árin (íbúalýðræði breytir þar engu), verðtrygging verður afnumin, ellilífeyrir hækkaður o.s.frv.

Margir kjósendur skilja Ingibjörgu ekki nógu vel, vita ekki hvað hún er virkilega að meina og vita því ekki hvar þeir hafa hana.

Tilv. lokið

 

Hér er komið inn á það helsta sem ég tel að hafi "eyðilagt" feril og vinsældir Ingibjargar Sólrúnar, og meti svo hver fyrir sig, hve mikið er til í þessu.